ਤੇਰੇ ਬਗੈਰ

ਮੈਂ ਤਾਂ ਇਕ ਬਟਾ ਚਾਰ, ਤੇਰੇ ਬਗੈਰ
ਮੈਨੂੰ ਖਾਣ ਪਵੇ ਗੁਲਜ਼ਾਰ ਤੇਰੇ ਬਗੈਰ

ਝੂਠੇ ਹਾਸੇ ਤਾਂ ਮੂੰਹ ਤੇ, ਲੱਖ ਲਿਆਂਦੇ
ਇਹ ਜੀਵਨ ਦਿਸੇ ਬੇਕਾਰ, ਤੇਰੇ ਬਗੈਰ

ਰਿਸ ਰਿਸ ਮਸਾਂ ਸਾਨੂੰ, ਸ਼ਾਮਾਂ ਆਈਆਂ
ਮੈਨੂੰ ਰਾਤਾਂ ਬਨਣ ਪਹਾੜ, ਤੇਰੇ ਬਗੈਰ

ਗੈਰਾਂ ਤੁਹਿਮਤ ਲਾਕੇ, ਫਰਜ਼ ਨਿਭਾਇਆ
ਮੇਰਾ ਕੌਣ ਕਰੇ ਇਤਬਾਰ, ਤੇਰੇ ਬਗੈਰ

ਲੋਕਾਂ ਭਾਣੇ ਮੈਨੂੰ ਕੋਈ, ਛਾਇਆ ਹੋਈ
ਇਕ ਸੌ ਇਕ ਚੜੇ ਬਖਾਰ,ਤੇਰੇ ਬਗੈਰ

ਉੰਜ ਤਾਂ ਅਸੀਂ ਨਾਡੂਖਾਂ, ਅਖ਼ਵਾਓਂਦੇ  
ਮੈਨੂੰ  ਰਾਈ ਦਿਸੇ ਪਹਾੜ, ਤੇਰੇ ਬਗੈਰ

ਅਪਣਾ ਹੁੰਦਾ ਤਾਂ ਫਿਰ ਏਦਾਂ, ਕੌਣ ਕਰੇਂਦਾ
'ਥਿੰਦ'ਵਿਕਿਆ ਸਰੇ ਬਾਜ਼ਾਰ,ਤੇਰੇ ਬਗੈਰ 

  ਇੰਜ: ਜੋਗਿੰਦਰ ਸਿੰਘ "ਥਿੰਦ"
                      ( ਸਿਡਨੀ )

ਸੱਜਰੀ ਧੁੱਪ ( ਤਾਂਕਾ)
   (1)
ਸ਼ੌਕ ਅਨੋਖਾ
ਤੜਕੇ ਲੱਸੀ ਪੀਕੇ
ਫੜੇ ਬੰਦੂਕ
ਧੁਸੀ ਲੱਭੇ ਸ਼਼ਿਕਾਰ
ਮੁੜਦਾ ਪੱਲੇ ਝਾੜ

(2)

ਪੰਛੀ ਗਾਓਂਣ
ਵਗਦੀ ਮਿਠੀ ਪੌਣ
ਸੱਜਰੀ ਧੁੱਪ
ਟੈ੍ਕਟਰ ਘੂਕਣ
ਟਿਊਵੈਲ ਛੂਕਣ

   (3)
ਨਵੀ ਸੜਕ
ਪਹੁੰਚੀ ਪਿੰਡੋ ਪਿੰਡ
ਮੌਜਾਂ ਲਗੀਆਂ
ਸਾਈਕਲ ਦੀ ਥਾਂ ਤੇ
ਸਕੂਟਰ ਤੇ ਕਾਰਾਂ

ਇੰਜ: ਜੋਗਿੰਦਰ ਸਿੰਘ "ਥਿੰਦ "
                     (ਸਿਡਨੀ)