ਸੱਜਰੀ ਧੁੱਪ ( ਤਾਂਕਾ)
   (1)
ਸ਼ੌਕ ਅਨੋਖਾ
ਤੜਕੇ ਲੱਸੀ ਪੀਕੇ
ਫੜੇ ਬੰਦੂਕ
ਧੁਸੀ ਲੱਭੇ ਸ਼਼ਿਕਾਰ
ਮੁੜਦਾ ਪੱਲੇ ਝਾੜ

(2)

ਪੰਛੀ ਗਾਓਂਣ
ਵਗਦੀ ਮਿਠੀ ਪੌਣ
ਸੱਜਰੀ ਧੁੱਪ
ਟੈ੍ਕਟਰ ਘੂਕਣ
ਟਿਊਵੈਲ ਛੂਕਣ

   (3)
ਨਵੀ ਸੜਕ
ਪਹੁੰਚੀ ਪਿੰਡੋ ਪਿੰਡ
ਮੌਜਾਂ ਲਗੀਆਂ
ਸਾਈਕਲ ਦੀ ਥਾਂ ਤੇ
ਸਕੂਟਰ ਤੇ ਕਾਰਾਂ

ਇੰਜ: ਜੋਗਿੰਦਰ ਸਿੰਘ "ਥਿੰਦ "
                     (ਸਿਡਨੀ)

ਕਵਿਤਾ ( ਤਾਂਕਾ ਸ਼ੈਲੀ)
     (1)
ਸਮਾਨੀ ਧੂੜ
ਤਰਕਾਲੀਂ ਹੀ ਜਾਪੇ
ਸੂਰਜ ਡੁਬਾ
ਕਿਨ ਮਿਨ ਕਨੀਆਂ
ਝੱਖੜ ਵੀ ਡਾਹਿਡਾ ।

     (2)
ਨੂਰ ਹੀ ਨੂਰ
ਅੱਖਾਂ ਚੁੰਦਿਆਈਆਂ
ਪ੍ਰਤੱਖ ਰੂਪ
ਦਿਲੋਂ ਸੱਜਦਾ ਕੀਤਾ
ਰੂਹ ਏ ਨਿਸ਼ਆਈ ।

      (3)
ਖੁਸ਼ਬੂ ਵਾਂਗੂੰ
ਮਹਿਕਾ ਕੇ, ਹਵਾਏਂ
ਬਿਨਾ ਗਰਜ਼
ਜਿਤਨਾ ਏ, ਦਿਲਾਂ ਨੂੰ
ਸੱਚ ਦੀ, ਸਦਾ*, ਹੋ ਕੇ
                   * =ਆਵਾਜ਼
ਇੰਜ:ਜੋਗਿੰਦਰ ਸਿੰਘ ਥਿੰਦ
      (ਅੰਮ੍ਰਿਤਸਰ--ਸਿਡਨੀ)

ਰੱਬ ਦੇ ਰੰਗ

                                                                                                                                                             R
     (1)
ਕਿਤੇ ਤਾਂ ਭੁਝੇ
ਐਵੇਂ ਉਗਦੇ ਮੋਠ
ਤੇ ਚੋਪੜੀਆੰ
ਵੇਖੋ ਰੱਬ ਦੇ ਰੰਗ
ਕਿਤੇ ਭੁਝਦੀ ਭੰਗ

    (2)
ਨੀਂਦ ਨਾਂ ਆਵੇ
ਮੱਖਮਲੀ ਪਲੰਗਾਂ
ਚੁਭਣ ਰੋੜ
ਕੋਈ ਰੋੜੀ ਤੇ ਸੁਤਾ
ਬਾਂਹ ਸਰਾਨੇ,ਥੱਕਾ

      (3                                                                                                                                                
ਕਿਤੇ ਤਾਂ ਸੋਕੇ
ਕਿਤੇ ਆ ਜਲਥੱਲ
ਟੁਟੇ ਨੇ ਬਣ੍ਹ
ਰੁੜੀਆਂ ਨੇ ਫਸਲਾਂ
ਨਾਂਕਾਮ ਨੇ ਅੱਕਲਾਂ

      (4)
ਕੱਢੀ ਗੋਗੜ
ਗੱਡੀਆਂ ਅੱਗੇ ਪਿੱਛੇ
ਸਾਹਿ ਨੇ ਔਖੇ
ਕਈ, ਪੈਂਡਾ ਕਰਨ
ਟੁਟੀ ਜੁਤੀ ਜਰਨ

       (5)
ਤੇਰਾ ਜੋ ਭਾਣਾ
ਸਾਨੂੰ ਮਿਠਾ ਲੱਗਦਾ
ਰੁੱਖੀ ਜਾਂ ਸੁੱਕੀ
ਕਈ, ਸੌ ਪੱਕਵਾਨ 
ਔਖੇ ਹੋ ਹੋ ਕੇ ਖਾਣ

ਜੋਗਿੰਦਰ ਸਿੰਘ ਥਿੰਦ
  ( ਸਿਡਨੀ--ਅੰਮ੍ਰਿਤਸਰ )

 

ਕਿਹੋ ਜਹੀ ਆਜ਼ਾਦੀ

1.                                                                                                                                 R

ਰੋੜੀ ਕੁਟਦੀ
ਲੀਰਾਂ ਬਣੇ ਨੇ ਪੋਟੇ
ਆਜ਼ਾਦੀ ਨਾਲ
ਸੁੱਕੀ ਖਾਵੇ ਰੋਟੀਆਂ
ਭੁੱਖੇ ਢਿੱਡ ਆਜ਼ਾਦ।
2.
ਵੇਖੇ ਨੀਝਾਂ ਲਾ
ਅਖਬਾਰਾਂ 'ਚ ਛਪੇ
ਰੰਗੀਲੇ ਨੋਟ
ਹਸਰਤਾਂ ਦਿਲ 'ਚ
ਇਹ ਹਨ ਆਜ਼ਾਦ।


3.
ਰੁੱਝੇ ਨੇ ਬੱਚੇ
ਕਹਿਣ ਨੂੰ ਆਜ਼ਾਦ
ਹੈ ਨਿਮੋਝੂਣੇ
ਨਿੱਕੇ ਦਿਲ ਮਸੋਸੇ
ਸਹਿਮੇ- ਮੁਰਝਾਏ ।
 ਜੋਗਿੰਦਰ ਸਿੰਘ ਥਿੰਦ 
(ਸਿਡਨੀ)