ਅਰਜ਼ੋਈ
ਅਚਨ ਚੇਤ ਕੱਲ ਮੇਰੇ ਕੋਲ
ਹਵਾ ਲਿਆਈ ਕੁਝ ਬੋਲ
ਕੰਨ ਸੂ ਜਿਹੀ ਸੀ ਹੋਈ
ਮੈਨੂੰ ਸੱਮਝ ਨਾ ਆਈ ਕੋਈ
ਟੁਟੇ ਫੁਟੇ ਬੋਲਾਂ ਨੂੰ ਮੈਂ
ਮੱਸਤਕ ਤੱਕ ਲਿਆ ਕੇ
ਏਧਰ ਓਧਰ ਕੁਝ ਘੁਮਾਕੇ
ਜਦੋਂ ਥੋੜਾ ਅੱਕਸ ਬਣਾਇਆ
ਉਹਿ ਬਣੀ ਅਰਜ਼ੋਈ  ।

ਥੋਹੜੀ ਹੋਰ ਜਦੋਂ ਮੈਂ
ਹਵਾ ਨਾਲ ਸੋਚ ਮਿਲਾਈ
ਸਰ ਸਰ ਕਰਦੀ
ਲੰਗ ਗਈ ਉਹ ਤਾਂ
ਮੇਰੇ ਲੂੰ ਲੂੰ ਵਿਚ ਸਮਾਈ  ।

ਅੱਜ ਤੱਕ ਮੈਂਨੂੰ ਤੂੰ ਨਾ ਜਾਣੇ
ਨਾ ਮੈਂ ਜਾਣਾਂ ਤੈਨੂੰ
ਪਰ ਜੁਗਾਂ ਜੁਗਾਂ ਤੋਂ ਤੂੰ
ਮੇਰਾ ਹੱਥ ਪਕੜ ਕੇ
ਮੈਨੂੰ ਪਾਰ ਲੱਗਾਇਆ
"ਥਿੰਦ" ਦੱਸ ਮੈਂ ਤੇਰੀ ਕੀ ਹੋਈ ।
               ਜੋਗਿੰਦਰ ਸਿੰਘ "ਥਿੰਦ"
                               (ਸਿਡਨੀ)