ਗ਼ਜ਼ਲ
ਦੁਸ਼ਮਨ ਬਿਣਾਕੇ ਕਿਸੇ ਨੂੰ ,  ਬੜਾ ਮੁਸ਼ਕਲ ਹੋਇਆ ਜੀਣਾ
ਲੀਰੋ ਲੀਰ  ਦਿਲ ਹੋਇਆ , ਕੋਈ ਤਾਂ ਦਸੇ ਕਿਵੈ ਹੈ  ਸੀਣਾ

ਜਿਨੂੰ ਲਗਦਾ ਨਹੀ ਛਡਦਾ, ਘੁਣ ਵਾਂਗੂੰ ਏਹਿ ਹੈ  ਖਾ  ਜਾਂਦਾ
ਨਾਂ ਛਡ ਹੋਵੇ ਨਾਂ ਰਖ ਹੋਵੇ ,ਔਖਾ ਏ  ਜ਼ਹਿਰ ਪਿਆਲਾ ਪੀਣਾ

ਆਪਣੇ ਬਲ੍ਹ ਬੋਤੇ ਹੀ ਸਜਣਾ , ਉਚੀ ਤੋਂ ਉਚੀ ਮਾਰ ਉਡਾਰੀ
ਫਿਰ  ਉਤਰ ਉਚੇ ਗਗਨਾ ਤੋਂ , ਆਕੇ ਚਲ ਤੂਁ ਤਾਣਕੇ ਸੀਨਾਂ

ਦਰਦਮੰਦਾਂ ਦਾ ਦਰਦੀ ਹੋਕੇ ,ਖ਼ਟ ਲਐ ਕੁਜ ਤਾਂ  ਦੁਨੀਆਂ ਤੋਂ
ਪਿਛੋਂ ਸਾਰੇ ਕਹਿਣਗੇ ਤੇਨੂੰ , ਬੰਦਾ ਤਾਂ  ਹੈ ਸੀ ਬੜਾ ਨਗੀਨਾ

ਆਸੇ ਪਾਸੇ ਕੋਈ ਨਾ ਜਾਣੇ ,ਆਪੋ ਧਾਪੀ ਇਸ ਦੁਨੀਆਂ ਅੰਦਰ
"ਥਿੰਦ "ਤੇਰੀ ਸੋਹਜੀ ਕਿਹਨੂੰ ,ਸਾਰੇ ਬੰਦੇ ਏਥੇ  ਬਣੇ ਮਸ਼ੀਨਾਂ 

              ਇੰਜ: ਜੋਗਿੰਦਰ ਸਿੰਘ :ਥਿੰਦ :
                           (ਸਿਡਨੀ )