ਗਜ਼ਲ

ਬਦਲ ਜਾਂਦੇ ਨੇ ਮੌਸਮ,ਹਵਾਵਾਂ ਦੇ ਨਾਲ
ਜਿਵੇ ਬਦਲੇ ਕਿਸਮੱਤ ,ਦੁਆਵਾਂ ਦੇ ਨਾਲ

ਤੇਰੀ ਦਾਸਤਾਂ ਕਹਿਣਗੇ,ਚਿਰਾਂ ਤੱਕ ਲੋਕੀ
ਲੋਕ ਸੇਵਾ ਜੋ ਕੀਤੀ ਹੈ ,ਤੂੰ ਚਾਵਾਂ ਦੇ ਨਾਲ

ਕਿਸਮੱਤ 'ਚ ਹੋਵੇ ਤਾਂ, ਬੜਾ ਨਿੱਘ ਆਵੇ
ਮਾਂਵਾਂ ਦੀਆਂ ਦਿਤੀਆਂ, ਸਜ਼ਾਵਾਂ ਦੇ ਨਾਲ

ਝੁਕ ਝੂਕ ਸਲਾਮਾਂ ਤੁਨੂੰ, ਕਰੇਗੀ ਦੁਣੀਆਂ
ਚਲੇਂਗਾ ਜੇਕਰ  ਸਦਾ ਤੂੰ ਭਰਾਂਵਾਂ ਦੇ ਨਾਲ

ਬਾਹਾਂ 'ਚ ਬੱਲ੍ਹ ਤੇਰੇ, ਸਦਾ ਨਹੀਂੳਂ ਰਹਿਣਾ
ਬੜੇ ਬੜੇ ਢੱਲ੍ਹ ਜਾਂਦੇ ਵੇਖੇ , ਛਾਂਵਾਂ ਦੇ ਨਾਲ

 ਦੱਗ੍ਹਾ ਕਰਨ ਤੋਂ ਪਹਿਲਾਂ, ਜਾਣ ਕੱਢ ਲੈਂਦਾ
ਜੀਂਦੇ ਸੀ ਹਮੇਸ਼ਾਂ ਅਸੀਂ ਤੇਰੀ ਸਾਂਹਾਂ ਦੇ ਨਾਲ

'ਥਿੰਦ' ਤੋਬਾ ਨਾ ਕੀਤੀ, ਤਾਂ ਪੱਛਤਾਵੇਂਗਾ ਤੂੰ
 ਪੰਡ ਤੇਰੀ ਜਦੋਂ ਭਰ ਗਈ, ਗੁਨਾਹਾਂ ਦੇ ਨਾਲ
                  ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                          (ਸਿਡਨੀ)

ਗਜ਼ਲ                                        
ਨਾ ਰੱਖਿਆ ਯਾਦ ਇਕਰਾਰਾਂ ਨੂੰ
ਕੀ ਆਖਾਂ ਕੱਚੇ ਪਿਲੇ ਯਾਰਾਂ ਨੂੰ

ਤੂੰ ਕਦੀ ਵੀ ਭੌਂਕੇ ਸਾਨੂੰ ਵੇਖੀਂ ਨਾ
ਅਸੀਂ ਛੱਡ ਬੈਠੇ ਹਾਂ ਪਿਆਰਾਂ ਨੂੰ

ਭੁਲ ਕੇ ਕਾਂਸ਼ੀ ਕਾਹਿਬੇ ਜਾ ਆਏ
ਅੱਗ ਲੱਗੀ ਮਜ਼੍ਹਬ ਦੇ ਠੇਕੇਦਾਰਾਂ ਨੁੰ

ਮੈਨੂੰ ਕਾਫਰ ਕਾਫਰ ਕਹਿੰਦੇ ਨੇ
ਵੇਖਿਆ ਨਾਂ ਕਿਸੇ ਕਿਰਦਾਰਾਂ ਨੂੰ

ਨੂਰ ਨਾਂ ਕਿਤਓਂ ਲੱਭ ਸਕਿਆ
ਮੱਥੇ ਰੱਗੜੇ ਨਿਤ ਹਜ਼ਾਰਾਂ ਨੂੰ

ਕਹਿੰਦੇ ਮੱਸਤ ਮਲੰਗ ਮੌਲਾ ਏ
ਮੈਂ ਜਾਣਾ ਸੱਭ ਦੀਆਂ ਨਾੜਾਂ ਨੂੰ

ਦਿਲ ਤੱੜਪੂ ਤਾਂ ਚੇਤਾ ਆਵੇਗਾ
ਹਰ ਵੇਲੇ ਜੋੜਕੇ ਰਖੀਂ ਤਾਰਾਂ ਨੂੰ

ਮੇਰੇ ਹੀ ਭੇਤੀ ਮੈਨੂੰ ਡਸਦੇ ਰਹੇ
ਥਿੰਦ ਝਲਿਆ ਇਹਨਾ ਮਾਰਾਂ ਨੂੰ
     ਇੰਜ; ਜੋਗਿੰਦਰਿ ਸਿੰਘ "ਥਿੰਦ"
                          (ਸਿਡਨੀ)