ਗਜ਼ਲ                     
ਚਲਾ ਚਲ ਪੜਾਂਵਾਂ ਅਜੇ ਹੋਰ ਵੀ ਨੇ
ਠਹਿਰਨ ਨੂੰ, ਥਾਂਵਾਂ ਅਜੇ ਹੋਰ ਵੀ ਨੇ

ਜੰਡਾਂ ਕਰੀਰਾਂ 'ਚ ਫਸਕੇ ਨਾ ਰਹਿ ਜਾ
ਇਸ ਤੋਂ ਵਧ, ਛਾਂਵਾਂ ਅਜੇ ਹੋਰ ਵੀ ਨੇ

ਸੀਖਾਂ ਤੋਂ ਡਰਕੇ ਗੁਲਾਮੀ ਨਾ ਮੰਨ ਲਈਂ

ਇਸ ਤੋਂ ਵੱਧ, ਸਜ਼ਾਵਾਂ ਅਜੇ ਹੋਰ ਵੀ ਨੇ

ਝੱਖੜਾਂ ਤੋਂ ਡਰਕੇ ਢੇਰੀ ਨਾਂ ਢਾਹ ਬਹੀਂ
ਇਸ ਤੋਂ ਵੱਧ, ਬਲਾਵਾਂ ਅੱਜੇ ਹੋਰ ਵੀ ਨੇ

ਹੁਸਨਾਂ 'ਚ ਫਸਕੇ ਮੰਜ਼ਲ ਨਾਂ ਭੁਲ ਜਾਈਂ
ਇਸ ਤੋਂ ਵੱਧ, ਅਦਾਵਾਂ ਅੱਜੇ ਹੋਰ ਵੀ ਨ

ਟੋਆਂ ਟਿਬਆਂ 'ਚ ਰੁਲਕੇ ਨਾ ਰਹਿ ਜਾਈਂ 
ਇਸ ਤੋਂ ਕਠਨ,ਰਾਹਵਾਂ ਅੱਜੇ ਹੋਰ ਵੀ ਨੇ


ਠਹਿਰ ਜਾ ਮੌਤੇ, ਕਾਹਲੀ ਨਾਂ ਕਰ ਤੂੰ
"ਥਿਦ" ਮਨ,ਸਲਾਵਾਂ ਅੱਜੇ ਹੋਰ ਵੀ ਨੇ

      ਇਂਜ: ਜੋਗਿੰਦਰ ਸੀੰਘ "ਥਿੰਦ"
                         (  ਸਿਡਨੀ )