ਗਜ਼ਲ
ਦੀਪ ਜਲੇ ਤਾਂ ਚਾਨਣ ਹੁੰਦਾ ਦਿਲ ਜਲੇ ਕੁਝ ਹੋਇਆ ਨਾ
ਮੋਮ ਜਲੀ ਤ੍ਰਿਪ ਤ੍ਰਿਪ ਰੋਵੇ ਇਸ ਦਾ ਜਲਿਆ ਰੋਇਆ ਨਾ

ਮੁਦਤਾਂ ਤੀਕਰ ਸਿਪੀ ਅੰਦਰ ਵਿਚ ਉਦੀਕਾਂ ਬੰਦ ਰਹੇ ਸਾਂ
ਹੱਥ ਆਏ ਤਾਂ ਤੁਸੀਂ ਉਦੋਂ ਸਾਨੂੰ ਅਪਣੀ ਲੜੀ ਪ੍ਰੋਇਆ ਨਾਂ

ਰੀਝ ਜਿਨਾਂ ਦੇ ਦਰਸ਼ਨ ਦੀ ਅਸਾਂ ਪੱਲੇ ਬੰਨ੍ਹ ਬੰਨ੍ਹ ਰੱਖੀ ਸੀ
ਮੇਰੇ ਦਰ ਤੇ ਆਇਆ ਵੀ ਉਹ ਦੋ ਪਲ ਕੋਲ ਖਲੋਇਆ ਨਾਂ

ਉਮਰ ਬਤਾਈ ਐਸ਼ਾਂ ਅੰਦਰ ਹੁਣ ਤਾਂ ਬੰਦੇ ਕੁਝ ਕਰ ਲੈ ਤੂੰ
ਮੌਕੇ ਤੈਨੂੰ ਬਹੁਤ ਮਿਲੇ ਸੀ ਕੋਈ ਪਾਪ ਅਪਣਾ ਧੋਇਆ ਨਾ

ਅੱਲੇ ਜ਼ਖਮ ਤੇ ਚੀਸਾਂ ਸਹੀਆਂ ਦਿਲ 'ਚ ਰੱਖੇ ਦਰਦ ਦਬਾ
ਲਾਗੇ ਰਹਿ ਕੇ ਚਲੇ ਗੲੈ ਪਰ ਤੂੰ ਮੂਲੋਂ ਉਹਨੂੰ ਟੋਹਿਆ ਨਾ

ਅਸੀ ਤਾਂ ਬਹੁਤ ਉਮੀਦਾਂ ਲੈਕੇ ਬੜੀ ਦੂਰੌਂ ਚਲਕੇ ਆਏ ਸੀ
ਏਨਾ ਕੱਚਾ ਨਹੀਂ "ਥਿੰਦ" ਮੇਰੀ ਜ਼ੁਲਫਾਂ ਵੀ ਤਾਂ ਮੋਹਿਆ ਨਾ
                                        ਜੋਗਿੰਦਰ ਸਿੰਘ 'ਥਿੰਦ"
                                                       (ਸਿਡਨੀ)