ਗਜ਼ਲ
ਪੱਤਾ ਪੱਤਾ ਚੋ ਪਿਆ ਏ ਵੇਖੋ ਚਮਕਦੀ ਤ੍ਰੇਲ ਬਣਕੇ
ਕੀ ਨਜ਼ਾਰਾ ਸੀ ਮਿਲੇ ਨੇ ਚਿਰੀਂ ਵਛੁਨੇ ਮੇਲ ਬਣਕੇ

ਜੇ ਆਕੇ ਓਥੇ ਹੀ ਵੇਖ ਲੈਂਦੇ ਤੁਸੀ ਵੀ ਕਦੀ ਓਸ ਵੇਲੇ
ਪੰਛੀ ਵੇਖ ਗੌਨ ਲਗੇ ਦਿਸਿਆ ਅਨੋਖਾ ਖੇਲ ਬਣਕੇ

ਜਿਹੜੇ ਆਏ ਸੀ ਦੌੜਕੇ ਮਾਰਨ ਇਹਨਾਂ ਪੱਤਿਆਂ ਨੂੰ
ਨਜ਼ਾਰਾ ਵੇਖ ਕੇ ਬਹਿ ਗੲੈ ਨੇ ਟੁੱਟੀ ਗਿਲੇਲ ਬਣਕੇ

ਤੇਰੇ ਦਰ ਤੇ ਨਿੱਤ ਆ ਕਦੀ ਕਈ ਪੰਛੀ ਗਾਂਵਦੇ ਸੀ
ਤੇਰੇ ਬਗੈਰ ਓਹੋ ਘਰ ਰਹਿ ਗਿਆ ਏ ਜੇਲ ਬਣਕੇ

ਤੱਕ ਤੱਕ ਜਿਨ੍ਹਾਂ ਨੂੰ ਕਦੀ ਆ ਰੌਣਕਾਂ ਲੱਗ ਦੀਆਂ ਸੀ
ਸਮੇਂ ਦੀਆਂ ਤਹਾਂ ਨੇ ਢਕਿਆ ਖਾ ਗਿਆ ਚੁੜੇਲ ਬਣਕੇ

ਤੇਰੇ ਰਾਹ ਵਿਚ ਹੁਣ ਤਾਂ ਅਸਾਂ ਘਰ ਬਣਾ ਲਿਆ ਏ
"ਥਿੰਦ"ਇਹੋ ਹੀ ਰਹਿ ਜਾਏ ਦੋ ਦਿਲਾਂ ਦਾ ਮੇਲ ਬਣਕੇ
                             ਇੰਜ:ਜੋਗਿੰਦਰ ਸਿੰਘ "ਥਿੰਦ"
                                                (ਸਿਡਨੀ)