ਗੀਤ
ਨਾਂ ਕਿਸੇ ਨੂੰ ਤੂੰ ਮੰਦਾ ਬੋਲ
ਬੋਲਣਾਂ ਹੈ ਤਾਂ ਚੰਗਾ ਬੋਲ
ਫੱਟ ਇਹ ਕੋਈ ਵੀ ਜਰ ਨਹੀ ਸੱਕਦਾ
ਵੱਕਤ ਨਾਲ ਵੀ ਤਾਂ ਭਰ ਨਹੀਂ ਸੱਕਦਾ
ਬਣਕੇ ਰੱਬ ਦਾ ਬੰਦਾ ਬੋਲ
                ਨਾ ਕਿਸੇ ਨੂੰ ਤੂੰ ਮੰਦਾ ਬੋਲ
                ਬੋਲਣਾ ਹੈ ਤਾਂ ਚੰਗਾ ਬੋਲ

ਫੁਲਾਂ ਵਾਂਗੂੰ ਮਹਿਕਾਂ ਵੰਡ
ਫਿਰ ਵੇਖ ਜੀਵਨ ਦੇ ਰੰਗ
ਜੀਵਨ ਵਿਚ ਖੁਸ਼ਬੂਆਂ ਭਰਕੇ
ਦਰਦ ਮੰਦਾਂ ਦਾ ਦਰਦੀ ਬਣਕੇ
ਹਰੇ ਹਰੇ ਹਰ ਗੰਗਾ ਬੋਲ
                  ਨਾ ਕਿਸੇ ਨੂੰ ਤੂੰ ਮੰਦਾ ਬੋਲ
                  ਬੋਲਣਾ ਹੈ ਤਾਂ ਚੰਗਾ ਬੋਲ

ਦਿਲ 'ਚ ਝਾਤੀ ਪਾ ਪਹਿਲਾਂ
ਅਪਣਾ ਆਪ ਮਟਾ ਪਹਿਲਾਂ
ਗਿਨਤੀ ਕਰ ਗੁਨਾਹਾਂ ਦੀ
ਤੇ ਬੇ-ਸੁਣੀਆਂ ਆਹਾਂ ਦੀ
ਐਵੇਂ ਨਾ ਰੰਗ ਬਰੰਗਾ ਬੋਲ
               ਨਾ ਕਿਸੇ ਨੂੰ ਤੂੰ ਮੰਦਾ ਬੋਲ
               ਬੋਲਣਾ ਹੈ ਤਾਂ ਚੰਗਾ ਬੋਲਤ

 ਅਸਰ ਤਾਂ ਇਕ ਦਿਨ ਹੋਣਾ ਏ
ਤੇਰਾ ਬੋਝ ਤਾਂ ਤੂਓਂ ਹੀ ਢੋਣਾ ਏ
ਸਮੁੰਦਰਾਂ ਲਾਗੇ ਪਿਆਸਾ ਰਹੇਂਗਾ
ਆਪ ਮੁਹਾਰੇ ਆਪੇ ਮੂਹੋਂ ਕਹੇਂ ਗਾ
ਕਿਓ ਤੂੰ ਪਾਏਆ ਏ ਪਨਗਾ ਬੋਲ
               ਨਾ ਕਿਸੇ ਨੂੰ ਤੂੰ ਮੰਦਾ ਬੋਲ
               ਬੋਲਣਾ ਹੈ ਤਾਂ ਚੰਗਾ ਬੋਲ

ਦੁਣੀਆਂ ਤੋਂ ਲੈ ਕੀ ਜਾਣਾ ਤੂੰ
ਸੱਭ ਦੇ ਕੰਮ ਸੀ ਆਓਂਣਾ ਤੂੰ
ਪਿਆਰ ਮੁਹਬੱਤ ਕੁਰਬਾਨੀ ਮੰਗੇ
ਕੁਰਬਾਨੀ ਵੀ ਤਾਂ ਲਾਸਾਨੀ ਮੰਗੇ
"ਥਿੰਦ"ਸੜਿਆ ਕਿਓਂ ਪਤੰਗਾ ਬੋਲ
              ਨਾ ਕਿਸੇ ਨੂੰ ਤੂੰ ਮੰਦਾ ਬੋਲ
              ਬੋਲਣਾ ਹੈ ਤਾਂ ਚੰਗਾ ਬੋਲ

         ਇੰਜ: ਜੋਗਿੰਦਰ ਸਿੰਘ "ਥਿੰਦ"
                               (ਸਿਡਨੀ)