ਗਜ਼ਲ
ਖੜੇ ਨੇ ਬਣ ਸੰਵਰ ਕੇ ਅੱਜ ਸ਼ਾਮਤ ਕਿਸੇ ਦੀ ਆਈ
ਇਸ ਗਲੀ ਨਾ ਆਓਣਾ ਲੋਕੋ ਉਹ ਬੈਠੇ ਕਮੰਦ ਲਾਈ

ਕਾਬੂ ਜੋ ਕੀਤਾ ਅੱਜ ਤੱਕ ਉਹ ਪਾਣੀ ਨਾ ਮੂਹੋਂ ਮੰਗੇ
ਇਹ ਨੇ ਕਾਤਲ ਬੜੇ ਪੁਰਾਣੇ ਮੁਢੋਂ ਰੱਬੀ ਦਾਤ ਪਾਈ

ਮਿਨਤਾਂ ਵੀ ਕੰਮ ਨਾ ਆਵਣ ਤਰਸ ਨਾ ਖਾਵਣ ਮੂਲੋਂੱ
ਹੱਥ ਨਾ ਆਊ ਵੇਲਾ ਵਿਗੜੂ ਹੁਣ ਤੱਕ ਬਣੀ ਬਨਾਈ

ਇਹਨਾਂ ਜਿਥੇ ਵੀ ਨਜ਼ਰ ਰੱਖੀ ਹੋਏ ਤਬਾਹਿ ਨੇ ਸਾਰੇ
ਮੇਰੇ ਸੀਨੇ ਦੇ ਦਾਗ ਅੱਜ ਵੀ ਦੇਂਦੇ ਹੀ ਪੲੈ ਨੇ ਗਵਾਹੀ

ਮੈਨੂੰ ਵੇਖ ਸਹੀ ਸਿਲਾਮੱਤ ਉਹ ਹੈਰਾਨ ਬੜੇ ਨੇ ਹੋਏ
ਉਹਨਾਂ ਤੋਂ ਬੱਚਕੇ ਆ ਗੲੈ ਲੋਗ ਦੇਂਦੇ ਨੇ ਪੲੈ ਵਧਾਈ

ਝੜੀ ਵੇਖ ਹੁਣ ਲੱਗ ਗਈ ਏ ਤੇਰੇ ਦਰ ਤੇ ਆਸ਼ਕਾਂ ਦੀ
'ਥਿੰਦ' ਭੁਗਤ ਹੁਣ ਤੂੰ ਆਪੇ ਪਹਲਾਂ ਤੁੂੰ ਹੀ ਰੀਤ ਪਾਈ

ਇੰਜ: ਜੋਗਿੰਦਰ ਸਿੰਘ "ਥਿੰਦ"
                     (ਸਿਡਨੀ)