ਗਜ਼ਲ
ਅੱਜਕਲ ਮੈਨੂੰ ਛੇੜੋ ਨਾ ਉਹਦੇ ਸੁਪਨੇ ਆਵਣ ਲੱਗੇ ਨੇ
ਅੱਖ ਮਚੋਲੀ ਕਰਦੇ ਰਹਿੰਦੇ ਦਿਲ ਪਰਚਾਵਨ ਲਗੇ ਨੇ

ਸਾਡੇ ਤਾਂ ਸੋਕਾ ਲਿਖਿਆ ਵਸਣ ਦੇ ਰੰਗ ਲੱਗਦੇ ਨਹੀਂ
ਮੇਰੇ ਘਰ ਤਾਂ ਫੋਕੇ ਡੇਰੇ ਹਰ ਆਉਂਦੇ ਸਾਵਣ ਲੱਗੇ ਨੇ

ਉਜੜੇ ਗਏ ਤਾਂ ਭੌਂ ਕੇ ਵੇਖਿਆ ਪਿਛੇ ਤਾਂ ਕੋਈ ਆਏ ਨਾ
ਜਿਨਾਂ ਪਿਛੇ ਉਜੜੇ ਉਹਿ ਵੀ ਪਿਠ ਵਿਖਾਵਣ ਲੱਗੇ ਨੇ

ਦਰਦ ਜਿਨ੍ਹਾਂ ਨੂੰ ਦਿਲ ਦਾ ਉਹ ਹੀ ਦਰਦ ਪਛਾਨਣ
ਬਾਕੀ ਤਾਂ ਸਾਰੇ ਸਜਨਾਂ ਐਵੇਂ ਅੱਗ ਬਝਾਵਣ ਲੱਗੇ ਨੇ

ਹੱਥ ਮੇਰੇ ਦੀਆਂ ਲੀਕਾਂ ਫਿਰ ਤੋਂ ਉਭਰਣ ਲੱਗੀਆਂ ਨੇ
ਮੇਲ ਸੱਜਨ ਦਾ ਹੋਸੀ ਛੇਤੀ ਲੂੰ ਲੂੰ ਮੇਰੇ ਗਾਂਵਣ ਲੱਗੇ ਨੇ

ਮੇਲ ਸੱਜਨ ਦਾ ਪਹਿਲੀ ਵਾਰੀ ਉਹ ਇਕ ਨਿਜ਼ਾਰਾ ਸੀ
ਬੀਤੇ ਉਹ ਸੁਹਾਣੇ ਲਹਿਮੇਂ ਮੁੜ ਕਿਥੋਂ ਆਵਣ ਲੱਗੇ ਨੇ

ਲਾਰੇ ਲਾਕੇ ਨਾ ਆਣਾਂ ਉਹਦੀ ਆਦੱਤ ਬੜੀ ਪੁਰਾਣੀ ਏ
"ਥਿੰਦ"ਭਰੋਸੇ ਪੱਲ ਸੁਹਾਣੇ ਐਵੇਂ ਲੰਗ ਜਾਵਣ ਲਗੇ ਨੇ

                            ਇੰਜ: ਜੋਗਿੰਦਰ ਸਿੰਘ "ਥਿੰੰਦ"
                                                   (ਸਡਨੀ)