ਗ਼ਜ਼ਲ                      58

ਬੱਚਪਨ ਲੰਗਿਆ ਮੁਛਾਂ ਫੁਟੀਆਂ ਹੁਸਨ ਜਵਾਨੀ ਇਕੱਠੇ ਆਏ

ਡੌਲੇ ਫੜਕਨ ਤੇ ਛਾਤੀ ਚੌੜੀ ਮਾਰ ਪੱਟਾਂ ਤੇ ਹੱਥ ਨਾਚ ਨਿਚਾਏ

ਸਿਰ ਤੇ ਛਮਲਾ ਅੱਖ ਕਾਸ਼ਨੀ ਤੇ ਵੱਟ ਮੁਛਾਂ ਨੂੰ ਮੁੜ ਮੁੜ ਦੇਵੇ

ਨਿਤ ਮਾਲਿਸ਼ ਕਰਦਾ ਕੱਢੇ ਡੰਡ ਬੈਠਕਾਂ ਅਤੇ ਚੌੜਾ ਹੋ ਹੋ ਜਾਏ

ਐਵੇਂ ਮਿੱਟੀ ਪੁੱਟਦਾ ਫਿਰਦਾ ਖਹਿ ਖਹਿ ਲੰਗਦਾ ਫਿਰੇ ਗਲੀਆਂ

ਸਾਰੇ ਨੱਗਰ 'ਚ ਧੁਮਾਂ ਪਈਆਂ ਬਚਿਆਂ ਨੂੰ ਮੋਢੇ ਚੁਕ ਖਿਡਾਏ

ਕਹਿੰਦੇ ਇਹ ਜਵਾਨੀ ਮੱਸਤਾਨੀ ਮੂਲੋਂ ਝਲਿਆਂ ਝੱਲ ਨਾ ਹੁੰਦੀ

ਪਰ ਇਹ ਹੈਗੀ ਕਹਿੰਦੇ ਖਸਮ ਨੂੰ ਖਾਣੀ ਜਾ ਕੇ ਫਿਰ ਨਾ ਆਏ

ਇਹ ਮੌਸਮ ਜਵਾਨੀ ਦਾ ਹਰ ਪਰਾਨੀ ਤੇ ਆਓਂਦਾ ਹੀ ਆਂਓਂਦਾ

ਇਸ ਜਵਾਨੀ ਪਿਛੋਂ ਬੜੇਪਾ ਆਏ ਪਰ ਮੁੜ ਕੇ ਵਧਦਾ ਹੀ ਜਾਏ

ਹੁਣ ਤਾਂ ਫੜ ਲੈ ਹੱਥ ਵਿਚ ਮਾਲਾ ਤੇ ਪ੍ਰਭੂ ਦੇ ਗੁਣ ਗਾਈ ਜਾ

"ਥਿੰਦ"ਬਖਸ਼ਾ ਛੱਡ ਅਪਣੇ ਪਾਪ ਜਿਹੜੇ ਹੁਣ ਤੱਕ ਤੂੰ ਕਮਾਏ

ਇੰਜ: ਜੋਗਿੰਦਰ ਸਿੰਘ "ਥਿੰਦ"

( ਸਿਡਨੀ )