ਗ਼ਜ਼ਲ                          87

ਭਾਗਾਂ ਵਿਚ ਜੋ ਹੈ ਲਿਖਆ ਬੰਦੇ ਨੇ ਉਹ ਹੀ ਪੌਣਾ ਹੈ

ਨਾ ਕਿਸੇ ਨੂੰ ਵਧ ਮਿਲਦਾ ਨਾ ਕਿਸੇ ਨੇ ਕੁਝ ਖੋਣਾ ਹੈ

ਕਦੀ ਪਤਾ ਲਗਦਾ ਨਹੀ ਕਿਸੇ ਨੂੰ ਅਪਣੇ ਲੇਖਾਂ ਦਾ 

ਪਾਲਣਹਾਰ ਹੀ ਜਾਣਦਾ ਅਗਲੇ ਪਲ ਕੀ ਹੋਣਾ ਹੈ

ਕਹਿੰਦੇ ਨੇ ਪਿਛਲੇ ਕੀਤੇ ਕਰਮਾਂ ਦਾ ਫਲ ਮਿਲਦਾ

ਪਤਾ ਨਹੀਂ ਲਗਦਾ ਪਿਛਲੇ ਪਾਪਾਂ ਨੂੰ ਕਿਵੇ ਧੋਣਾ ਹੈ

ਪਹੁੰਚਿਆ ਮਹਾਂਪੁਰਸ਼ ਕੋਈ ਜੀਵਨ ਵਿਚ ਮਿਲ ਜਾਵੇ

ਪਾਪ ਸਾਰੇ ਧੋਕੇ ਉਹਨੇ ਜੀਵਨ ਸਫਲ ਬਣਾਂਓਨਾ ਹੈ  

ਨਾ ਕਰੋ ਮਾਣ ਅਤੇ ਚਤਰਾਈ ਅਪਣੇ ਵਡੇ ਹੋਣ ਦੀ 

ਏਹ ਤਾਂ ਉਹਦੇ ਵਲੋਂ ਤੇਰੀ ਕਿਸਮਤ ਚਮਕਾਓਣਾ ਹੈ

ਅਜੇ ਵੀ ਬਹੁਤ ਵੇਲਾ ਕਰ ਲਵੋ ਕੁਝ ਅਗਾਂ ਵਾਸਤੇ

"ਥਿੰਦ" ਗਿਆ ਵੇਲਾ ਤਾਂ ਕੁਝ ਹਥ ਨਾ ਆਓਨਾ ਹੈ

ਇੰਜ: ਜੋਗਿੰਦਰ ਸਿੰਘ  "ਥਿੰਦ"

 ( ਸਿਡਨੀ )