ਗਜ਼ਲ 7/5
ਜਿਹੜਾ ਝੂਠ ਬੋਲੇ ਉਹਨੂੰ ਆਰਿਆਂ ਨਾਲ ਚੀਰ ਦਿਓ
ਜਿਹੜਾ ਫਰੇਬ ਕਰੇ ਉਸ ਸੰਗਲਾਂ ਦੇ ਵਿਚ ਬੀੜ ਦਿਓ
ਜੋ ਸੱਚ ਬੋਲਦੇ ਨੇ ਉਹਨਾਂ ਦਾ ਮਨ ਸਦਾ ਖੁਸ਼ ਰਹਿੰਦਾ
ਸੱਚੇ ਸੁਚੇ ਸੱਜਨਾਂ ਨੁੂੰ ਹਮੇਸ਼ਾਂ ਖੰਡ ਘਿਓ ਤੇ ਖੀਰ ਦਿਓ
ਪਰਮਾਤਮਾਂ ਨੂੰ ਜਿਹੜਾ ਹਰ ਵੇਲੇ ਦਿਲੋਂ ਯਾਦ ਰੱਖਦਾ
ਪੁਜਕੇ ਮਿਲੋ ਉਹਨੂੰ ਦੇ ਦੇ ਅਸੀਸਾਂ ਬਣਾਂ ਅਮੀਰ ਦਓ
ਨੇਕ ਦਿਲ ਵਾਲਾ ਕਦੀ ਕਿਸੇ ਦਾ ਵੀ ਬੁਰਾ ਕਰਦਾ ਨਹੀਂ
ਤੁਸੀਂ ਵੀ ਉਹਦੀ ਭਲਾਈ ਕਰਨ ਵਿਚ ਕਰ ਅਖ਼ੀਰ ਦਿਓ
ਕਿਰਪਾ ਹੋਵੇ ਜੇ ਬੰਦੇ ਉਤੇ ਉਸ ਸੱਚੇ ਪਰਵਰਦਗਾਰ ਦੀ
ਬੰਦਾ ਮਾਲਾ ਮਾਲ ਹੋਵੇ ਤੇ ਸੱਚੇ ਦਿਲੋਂ ਕਹਿ ਵੀਰ ਦਿਓ
ਝੂਠੇ ਤੇ ਬੇਈਮਾਣ ਨੂੰ ਕੋਈ ਵੀ ਲਾਗੇ ਨਾ ਲੱਗਣ ਦੇਵੇ
'ਥਿੰਦ'ਵੰਡ ਖੁਸ਼ੀਆਂ ਜੇ ਮਿਲੇ ਉਹਨੂੰ ਬਣਾਂ ਅਮੀਰ ਦਿਓ
ਇੰਜ: ਜੌਗਿੰਦਰ ਸਿੰਘ " ਥਿੰਦ"
( ਅਮਿ੍ਤਸਰ )
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ