ਗਜ਼ਲ
ਜੇ ਹੁਸਨ ਨਾ ਏਨਾ ਮਗਰੂਰ ਹੁੰਦਾ
ਇਹ ਜ਼ਖਮ ਨਾ ਕਦੀ ਨਾਸੂਰ ਹੁੰਦਾ

ਦੁਆ ਦਾ ਅਸਰ ਹੋਵੇ ਜਾ ਨਾ ਹੋਵੇ
ਬੱਦ ਦੁਆ ਦਾ ਅਸਰ ਜ਼ਰੂਰ ਹੁੰਦਾ

ਆਖਰੀ ਖਾਹਿਸ਼ ਤਾਂ ਉਹ ਪੁਛ ਲੈਂਦੇ
ਕੱਤਲ ਗਾਹ 'ਚ ਕੋਈ ਦਸਤੂਰ ਹੁੰਦਾ

ਵੱਕਤ ਪਰਵਾਜ਼ ਦਾ ਅੱਜੇ ਸੀ ਨਹੀਂ
ਨਾਂ ਗਿਰਦਾ, ਨਾ ਚੱਕਨਾ ਚੂਰ ਹੁੰਦਾ

ਤੈਨੂੰ ਡੋਬਿਆ ਤੇਰੀਆਂ ਚੁਸਤੀਆਂ ਨੇ
ਪੁਖਤਗੀ ਵਿਚ ਨਾ ਕਿਨਾਰਾ ਦੂਰ ਹੁੰਦਾ

ਕਰਮਾਂ 'ਚ ਸੱਭ ਕੁਝ ਤੂੰ ਲਿਖ ਦਿਤਾ
ਬੰਦਾ ਫਿਰ ਕਿਓਂ ਏਨਾ ਮੱਜ਼ਬੂਰ ਹੁੰਦਾ

"ਥਿੰਦ" ਬਾਜ਼ੂ ਅਪਣੇ ਹੀ ਕੰਮ ਆਓਂਦੇ
ਆਸਰਾ ਗੈਰ ਦਾ ਤਾਂ ਝੱਟ ਕਾਫੂਰ ਹੁੰਦਾ
           ਇੰਜ: ਜੋਗਿੰਦਰ ਸਿੰਘ " ਥਿੰਦ"
                          (ਸਿਡਨੀ)