ਗਜ਼ਲ
ਪੰਛੀਆਂ ਦੇ ਗੀਤ ਸੁਣ ਸੁਣ, ਇਕ ਅਨੋਖਾਾ ਖਿਆਲ ਆਇਆ
ਇਹਨਾਂ ਦੇ ਵਿਚ ਜਾ ਬੈਠਾਂ,ਐਸਾ ਦਿਲ ਵਿਚ ਉਬਾਲ ਆਇਆ

ਨਾਂ ਹੋਵੇ ਫਿਜ਼ੂਲ ਫਿਕਰ ਕੋਈ,ਸਾਰੇ ਅਸਮਾੇਨ ਤੇ ਹੀ ਰਾਜ ਹੋਵ
ਦੂਰੋਂ ਵੇਖਕੇ ਝੱਟ ਉਡ ਜਾਈਏ,ਜਦੋਂ ਸ਼ਿਕਾਰੀ ਦਾ ਜਾਲ ਆਇਆ

 ਝੂਠ ਪਾਖੰਡ ਨਾਂ ਦਗਾਬਾਜ਼ੀ,ਨਾਂ ਬਾਡਰ ਨਾਂ ਮਜ਼ਬਾਂ ਦੇ ਝੱਗੜੇ
ਬੇ-ਖੌਫ ਹੋਕੇ ਉਡਦੇ ਨੇ ਸਾਰੇ,ਏਦਾਂ ਹਰ ਸਾਲ ਤੇ ਸਾਲ ਆਇਆ

ਇੰਸਾਨ ਹੋਕੇ ਕੁਝ ਤਾਂ ਸਿਖੀਏ, ਤੋਪਾਂ ਤੇ ਐਟਮ-ਬੰਬਾਂ ਦੇ ਡ੍ਰਾਵੇ
ਪੱਲ ਪੱਲ ਜੀਨਾਂ ਔਖਾ ਹੋਇਆ,ਐਸਾ ਦਿਲ 'ਚ ਭੁਚਾਿਲ ਆਇਆ

 ਬੋਲੀ ਪੰਛੀਆਂ ਦੀ ਜੇ ਜਾਣ ਲੈਦਾ, ਉਨਾਂ ਤੋਂ ਬਹੁਤ ਸਿਖ ਲੈਦੋਂ
"ਥਿੰਦ" ਜੀਓਂਦਾ ਨਿਡਰ ਹੋਕੇ,ਨਾਂ ਵੇਖਦਾ ਕਦੀ ਮਲਾਲ ਆਇਆ
                             ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                                     (ਸਿਡਨੀ)