ਗਜ਼ਲ
ਅੱਜ ਦਾ ਸੂਰਜ ਤਾਂ ਡੁਬਣ ਦੇ ਕਰੀਬ
ਇਕ ਦਿਨ ਜ਼ੰਦਗੀ ਮੁਕਣ ਦੇ ਕਰੀਬ

ਕਰਦੇ ਰਹੇ ਬਹਾਨੇ ਚਿਟੀਆਂ ਰਾਤਾਂ ਦੇ
ਕਾਲੀ ਬੋਲੀ ਰਾਤ ਤਾਂ ਝੁਕਣ ਦੇ ਕਰੀਬ

ਲਹਿਰਾਂ ਦੀ ਲਿਪੇਟੇ ਆ ਗਿਆ ਸਫੀਨਾਂ
ਤੁਫਾਨੇ ਸਮੁੰਦਰਾਂ ਸੀ ਰੁਕਨ ਦੇ ਕਰੀਬ

ਠਹਿਰ ਜਾ ਕਿ ਹੁਣ ਤੂੰ ਹਿਮੱਤ ਨਾ ਹਾਰ
 ਹੁਸਣ ਦਾ ਗਰੂਰ ਹੈ ਟੁੱਟਣ ਦੇ ਕਰੀਬ

ਗੈਰਾਂ ਦਾ ਆਸਰਾ ਹਮੇਸ਼ਾ ਹੀ ਰੇਤ ਵਰਗਾ
ਉਹ ਤਾਂ ਹਰ ਪੱਲ ਰਹੇ ਉਠਣ ਦੇ ਕਰੀਬ

ਬੰਦਗੀ ਦਾ ਫੱਲ ਐ ਮਾਲਿਕ ਫਿਰ ਦੇ ਦੇਣਾ
ਹੁਣ ਤਾਂ ਸਫਰੇ ਜ਼ੰਦਗੀ ਮੁਕਣ ਦੇ ਕਰੀਬ

ਵਗੀਆਂ ਨੇ ਬਹੁਤ"ਥਿੰਦ"ਇਹ ਦੋ ਅਖੀਆਂ
ਬੂੰਦ ਵੀ ਆਖਰੀ ਹੁਣ ਤਾਂ ਸੁਕਣ ਦੇ ਕਰੀਬ

            ਇੰਜ: ਜੋਗਿੰਦਰ ਸਿੰਘ "ਥਿੰਦ"
                            (ਸਿਡਨੀ)