ਗਜ਼ਲ
ਤਮਾਸ਼ਾ ਮੇਰੇ ਦਿਲ ਦਾ ਤਾਂ ਆਮ ਹੁੰਦਾ ਰਿਹਾ
ਮਸ਼ਹੂਰ ਤੇਰਾ ਇਸ ਤੇਰਾਂ ਨਾਮ ਹੁੰਦਾ ਰਿਹਾ

ਜੋ ਵੀ ਮਿਲਆ ਮੈਨੂੰ ਤਾਂ ਬੇਗਾਂਨਾ ਹੀ ਮਿਲਿਆ
ਤੇਰੇ ਸ਼ਹਿਰ ਅੰਦਰ ਮੈਂ ਪਰੇਸ਼ਾਨ ਹੁੰਦਾ ਰਿਹਾ

ਹਰ ਵਾਰ ਸਾਡੇ ਵਾਰੀ ਖਾਲੀ ਹੀ ਪੇਆਲਾ ਸੀ
ਮੈਂ ਤਾਂ ਮੁਫਤ ਵਿਚ ਹੀ ਬਦਨਾਮ ਹੁੰਦਾ ਰਿਹਾ

ਬਹੁਤ ਵੇਖੇ ਤੇ ਪਰਖੇ ਵੀ ਤੋੜ ਨਿਭਾਵਨ ਵਾਲੇ
ਉਮਰ ਭਰ ਹੀ ਦੋਸਤਾਨਾ ਹਰਾਮ ਹੁੰਦਾ ਰਿਹਾ

ਤੇਰੇ ਪਿਛੋਂ ਸੌਂਹ ਤੇਰੀ ਅਸਾਂ ਤਾਲੇ ਮੂੰਹ ਲਾਏ
ਜ਼ਿਕਰ ਸਾਡੀ ਸਾਂਝ ਦਾ ਸ਼ਰੇਆਮ ਹੁੰਦਾ ਰਿਹਾ

ਸ਼ਿਰਮਿੰਦਾ ਨਾ ਹੋ ਸਾਕੀਆ ਨੈਣੀ ਰੱਜ ਪੀਤੀ
ਮਹਿਕਦਾ ਤੇਰਾ ਤਾਂ ਐਵੇਂ ਬੱਦਨਾਮ ਹੁੰਦਾ ਰਿਹਾ

ਹਰ ਰਾਤ ਪਿਛੋਂ ਤਾਂ "ਥਿੰਦ" ਓਂਹਨੂੰ ਭੁਲ ਬੈਠੇ
ਜ਼ਿਕਰ ਬੇ-ਵਿਫਾ ਦਾ ਤਾਂ ਹਰ ਸ਼ਾਮ ਹੁੰਦਾ ਰਿਹਾ

             ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                (ਸਿਡਨੀ)