ਗਜ਼ਲ
ਨਾਂ ਹੀ ਤੁਸੀ ਨਜ਼ਰ ਭਰਕੇ ਤੱਕਦੇ
ਨਾਂ ਅਸੀਂ ਤੇਰੇ ਜਾਲਾਂ ਵਿਚ ਫਸਦੇ

ਨਾਂ ਵੱਸ ਸੀ ਤੇਰੇ ਨਾਂ ਵੱਸ ਸੀ ਮੇਰੇ
ਜੋ ਕੁਝ ਹੋਇਆ ਕ੍ਰਿਸ਼ਮੇ ਨੇ ਰੱਬ ਦੇ 

ਹਿਜ਼ਰਾਂ ਦੇ ਆਂਸੂ ਪਲਕਾਂ ਤੇ ਆਏ
ਹੌਕੇ ਤੇੇ ਸ਼ਿਕਵੇ ਸਾਨੂੰ ਨਹੀ ਫੱਬਦੇ

ਜਿਨ੍ਹਾਂ ਇਸ਼ਕ ਸੱਚਾ ਪੱਕਾ ਤੇ ਸੁਚਾ
ਦੂਰ ਤਾਂ ਰਹਿੰਦੇ ਨੇੜੇ ਨੇੜੇ ਲੱਗਦੇ

ਤੇਰੇ ਦਰ ਅੱਗੇ ਤਾਂ ਬੜੀ ਭੀੜ ਵੇਖੀ
ਮੇਰੇ ਵਾਂਗੂੰ ਹੀ ਨੇ ਆਸ਼ਾ ਵਾਦੀ ਲੱਗਦੇ

ਬੁਲਾਂ ਤੇ ਹਾਸੇ ਤੇ ਅੱਖਾਂ ਵਿਚ ਅੱਥਰੂ
ਧੁਪ ਚੜ੍ਹੀ ਬਦਲ ਜਿਵੇਂ ਹੋਣ ਵੱਸਦੇ

ਜੋ ਵੀ ਹੋਇਆ ਨਾ ਹੀ ਪੁਛੋ ਤਾਂ ਚੰਗਾ
ਅਸੀ ਤਾਂ ਦਾਸਤਾਂ ਸੁਣਾ ਨਹੀ ਸੱਕਦੇ

"ਥਿੰਦ"ਲੱਖਾਂ 'ਚੋਂ ਅਸਾਂ ਤੈਂਨੂੰ ਚੁਣਿਆਂ
ਇਹ ਲੋਕੀਂ ਕਿਓਂ ਨੇ ਸਾਡੇ ਤੇ ਹੱਸਦੇ

       ਇੰਜ: ਜੋਗਿੰਦਰ ਸਿੰਘ "ਥਿੰਦ"
                            (ਸਿਡਨੀ)