ਗਜ਼ਲ
ਹੁਣ ਮੈਂ ਤੈਨੂੰ ਪਾ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ
ਸ਼ਰੇ ਆਮ ਬੁਲਾ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

ਝੂਠੀ ਹੀ ਹਾਂ ਕਰ ਦਿਤੀ ਦਿਲ ਰੱਖਣ ਦੇ ਲੈਈ
ਉਕਾ ਹੀ ਭੁਲਾ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

ਚਸੱਕ ਸਾਡੇ ਹਿਜਰ ਦੀ ਚਿਹਰੇ ਤੇ ਆਵੇ ਨਾਂ
ਇਹਨੂੰ ਮੈਂ ਛੁਪਾ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

ਤੇਰੇ ਇੰਕਾਰ ਤੋਂ ਤੰਗ ਹੋ ਬੇਕਰਾਰੀ ਛੱਡ ਦਿਤੀ
ਇੰਜ ਦਿਨ ਟਿਪਾ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

ਵੱਕਤ ਦੀ ਚੱਕੀ ਨੇ ਏਨਾਂ ਨਿਪੀੜਿਆ ਪੀਸਿਆ
ਤੇਰੇ ਸ਼ਹਿਰ ਆ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

ਖਿਆਲੀ ਮਹਿਲ ਬਣਾਂਏ ਉਹ ਵੀ ਢਾਹਿ ਦਿਤੇ
ਨਵਾਂ ਘਰ ਬਣਾਂ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

ਝਾਲੱਮ ਲੋਕੀਂ ਤਾਂ ਵੇਖੋ ਮੈਨੂੰ ਉਲਾਭੇ ਤੇਰੇ ਦੇਂਦੇ ਨੇ
ਇਹ ਸੱਚ ਬਣਾਂ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

"ਥਿੰਦ"ਮੱਜ਼ਾ ਬੜਾ ਸੀ ਬਚਪਨ ਤੇ ਜਵਾਨੀ ਦਾ
ਇਤਨਾਂ ਪਿਛੇ ਜਾ ਸੱਕਾਂ ਮੇਰੇ ਵੱਸ ਦੀ ਗੱਲ ਨਹੀਂ

                  ਇੰਜ: ਜੋਗਿੰੰਦਰ ਸਿੰਘ "ਥਿੰਦ"
                                        (ਸਿਡਨੀ)