ਗਜ਼ਲ
ਕੀ ਦਸੀਏ ਕੱਦੋਂ ਯਾਦ ਕਰਦੇ ਰਹੇ ਹਾਂ
ਯਾਦ ਕਰਕੇ ਹੀ ਸਾਹਿ ਭਰਦੇ ਰਹੇ ਹਾਂ

ਐਵੇ ਦੇਈਏ ਨਾ ਇਲਜ਼ਾਮ ਨਸੀਬਾਂ ਨੂੰ
ਨਸੀਬ ਤਾਂ ਆਪ ਹੀ ਘੜਦੇ ਰਹੇ ਹਾਂ

ਵੇਖੋ ਬਣੇ ਕਿਵੇਂ ਕਬਾਬ ਸੀਖਾਂ ਤੇ ਚੜਕੇ
ਬੇ-ਦਰਦ ਹੱਥਾਂ ਵਿਚ ਸੜਦੇ ਰਹੇ ਹਾਂ

ਕੋਈ ਆ ਨਾ ਜਾਏ ਇਲਜ਼ਾਮਾਂ ਦਾ ਝੱਖੜ
ਝੱਠ ਉਠਕੇ ਦਰ ਬੰਦ ਕਰਦੇ ਰਹੇ ਹਾਂ

ਕਿਨੇ ਕੁ ਬਖਸ਼ੇ ਗਾ ਕੋਈ ਗੁਨਾਂਹ ਆਖਰ
ਨਾ ਉਸ ਦੇ ਤੇ ਨਾ ਤੇਰੇ ਦਰ ਦੇ ਰਹੇ ਹਾ

ਸੱਚ ਤੇ ਰੱਬ ਵਿਚ ਨਾ ਕੋਈ ਭੇਦ ਰੱਖਿਆ
ਸੱਚ ਬੋਲਕੇ ਹਮੇਸ਼ਾਂ ਸੂਲੀ ਚੜਦੇ ਰਹੇ ਹਾਂ

ਪੱਤਾ ਹੈ ਕਿ ਤੂੰ ਫਿਰ ਮੁੜਕੇ ਨਹੀ ਆਓਂਣਾ
ਕਿਓਂ ਹਰ ਪੱਲ ਉਡੀਕਾਂ ਕਰਦੇ ਰਹੇ ਹਾਂ

"ਥਿੰਦ" ਤੇਰਾ ਵਜੂਦ ਕਦੋਂ ਤੱਕ ਹੈ ਕਾਇਮ
 ਅਸੀਂ ਤਾਂ ਸਵੇਰ ਤੱਕ ਹੀ ਜੱਲਦੇ ਰਹੇ ਹਾਂ

             ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                    (ਸਿਡਨੀ)