ਗਜ਼ਲ    
ਜਦੋਂ ਤੇਰੀ ਯਾਦ ਸਤਾਏ ਤਾਂ ਦੱਸ ਫਿਰ ਕੀ ਕਰਾਂ
ਤੱਲਖੀ ਹੱਦ ਤੋਂ ਵੱਧ ਜਾਏ ਤਾਂ ਦੱਸ ਫਿਰ ਕੀ ਕਰਾਂ

ਉੰਜ ਵੇਖ ਅਸੀਂ ਤਾਂ ਉਹਨੂੰ ਉਕਾ ਹੀ ਭੁਲ ਬੈਠੇ ਹਾਂ
ਅਚਨਚੇਤ ਜੇ ਮਿਲ ਜਾਏ ਤਾਂ ਦੱਸ ਫਿਰ ਕੀ ਕਰਾਂ

ਉਹਦੀ ਗਲੀ ਆਕੇ ਦੱਸ ਅਸਾਂ ਉਸ ਤੋਂ ਕੀ ਏ ਲੈਣਾਂ
ਪਰ ਜੇ ਉਹ ਆਪ ਬੁਲਾਏ ਤਾਂ ਦੱਸ ਫਿਰ ਕੀ ਕਰਾਂ

ਸੌਂਹਿ ਤੇਰੀ ਸੱਚ ਹੁਣ ਤਾਂ ਮੈਂ ਉੰਝ ਕਦੀ ਨਹੀ ਪੀਂਦਾ
ਸ਼ਾਮ ਢੱਲੇ ਦਿਲ ਘਬਰਾਏ ਤਾਂ ਦੱਸ ਫਿਰ ਕੀ ਕਰਾਂ

ਮੈਂ ਤਾਂ ਐਵੇਂ ਉਂਝ ਹੀ ਵੇਖੋ ਲੀਕਾਂ ਵਾਹੀਆਂ ਕੰਧਾਂ ਤੈ
ਮੂਰੱਤ ਤੇਰੀ ਹੀ ਬਣ ਜਾਏ ਤਾਂ ਦੱਸ ਫਿਰ ਕੀ ਕਰਾਂ

ਅਸਾਂ ਕੱਦਮ ਕੱਦਮ ਤੇ ਉਹਨੂੰ ਚੁਕਿਆ ਪੱਲਕਾਂ ਤੇ
'ਥਿੰਦ'ਕੋਈ ਕੱਦਰ ਨਾਂ ਪਾਏ ਤਾਂ ਦੱਸ ਫਿਰ ਕੀ ਕਰਾਂ

                         ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                                (ਸਿਡਨੀ)