ਗਜ਼ਲ
ਦਿਲ ਦੇਕੇ ਹੀ ਦਿਲ ਲੈਂਦੇ ਹਾਂ ਕੋਈ ਗੁਨਾਹਿ ਤਾਂ ਕਰਦੇ ਨਹੀਂ
ਇਹ ਤਾਂ ਲੈ ਦੇਹ ਦੇ ਸੌਦੇ ਨੇ ਐਵੇਂ ਖਾਹ ਮਖਾ ਤਾਂ ਕਰਦੇ ਨਹੀ

ਵੰਡ ਵਰਤ ਕੇ ਵਿਹਲੇ ਹੋ ਗੈਅ ਸਾਡੇ ਹਿਸੇ ਦੱਸ ਆਇਆ ਕੀ
ਜੋ ਕੁਝ ਬਚਿਆ ਤੂੰ ਉਹੀ ਦੇ ਦੇ ਅਸੀਂ ਨਾਹਿ ਤਾਂਂ ਕਰਦੇ ਨਹੀਂ

ਕਿਸ ਬੁਲੇਖੇ ਪਾਇਆ ਸਾਨੂੰ ਕੋਈ ਵੀ ਰੱਮਝ ਸੱਮਝ ਨਾ ਆਵੇ
ਦਿਲ ਦੀ ਬੋਲੀ ਦਿਲ ਹੀ ਸੱਮਝੇ ਉਹ ਮੂੂੰਹੋਂ ਹਾਂ ਤਾਂ ਕਰਦੇ ਨਹੀਂ

ਏਸੇ ਦੁਣੀਆਂ ਦਾ ਵਾਸੀ ਹਾਂ ਦੇਵਤਾ ਮੈਂ ਤਾਂ ਬਣ ਸੱਕਦਾ ਨਹੀ

ਜੋ ਕੀਤੇ ਗੁਨਾਂ ਉਹ ਬੱਖਸ਼ ਦਿਓ ਹੁਣ ਗਾਂਹਿ ਤਾਂ ਕਰਦਾ ਨਹੀਂ

"ਥਿੰਦ"ਸੱਚੇ ਦਿਲੋਂ ਚਾਹਿਵੇਂ ਤਾਂ ਰੱਬ ਵੀ ਬਖਸ਼ ਦੇਵੇ ਗਾ ਤੈਨੂੰ
ਪਾਕ ਸਾਫ ਦਿਲਾਂ ਨੂੰ ਰੱਬ ਵੀ ਸੱਜਨਾ ਨਾਂਹਿ ਤਾਂ ਕਰਦਾ ਨਹੀਂ

ਇੰਜ: ਜੋਗਿੰਦਰ ਸਿੰਘ 'ਥਿੰਦ"
                   (ਸਿਡਨੀ)