ਗਜ਼ਲ
ਇਕ ਸੂਰਤ ਸੱਦਾ ਸਾਡੀ ਅੱਖਾਂ ਅੱਗੇ ਘੁੰਮਦੀ ਰਹੀ
ਵਾ ਵਿਰੋਲੇ ਵਾਂਗੂੰ ਆਕੇ ਵਿਚ ਬਦਲਾਂ ਗੁੰਮਦੀ ਰਹੀ

ਜਦੋਂ ਵੀ ਵਿਹਲੇ ਹੋ ਕੇ ਲੇਖਾ ਕੀਤਾ ਕਿਰਦਾਰਾਂ ਦਾ
ਸੂਰਜ ਨੇ ਸੱਜਦਾ ਕੀਤਾ ਚੰਦ ਚਾਨਣੀ ਚੁੰਮਦੀ ਰਹੀ

ਝੌਲੇ ਤੇਰੇ ਹਰ ਥਾਂ ਪੈਂਦੇ ਹੱਥ ਕੁਝ ਵੀ ਆਇਆ ਨਾ
ਰੂਹ ਪਿਆਸੀ ਚੰਨਾਂ ਹਮੇਸ਼ਾਂ ਹੀ ਕੰਡੇ ਚੁੰਣਦੀ ਰਹੀ

ਨਾਂ ਆਏ ਤਾਂ ਗੁਸਾ ਕਿਤਾ ਆਏ ਤਾਂ ਕੁਝ ਬੋਲੇ ਨਹੀਂ
ਤਾਂਣੇ ਬਾਣੇ ਤਾਂ ਕਿਸਮੱਤ ਸਾਡੇ ਵਿਹੜੇ ਬੁਣਦੀ ਰਹੀ

ਜੋ ਬੀਤੇ ਪੱਲ ਹਿਜਰਾਂ ਦੇ ਅੱਜ ਵੀ ਚੇਤੇ ਆਓਂਦੇ ਨੇ
'ਥਿੰਦ'ਗੂੰਜ ਤਾਂ ਗੀਤਾਂ ਦੀ ਚਿਰਾਂ ਤੱਕ ਸੁਣਦੀ ਰਹੀ

                        ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                             (ਸਿਡਨੀ)