ਗਜ਼ਲ
ਤੇਰੇ ਕੋਲੋਂ ਸਿਖੇ ਕੋਈ ਕਿਵੇਂ ਅੱਗ ਹਿਜਰਾਂ ਦੀ ਲਾਈ ਦੀ
ਘੁਟ ਸੱਭਰਾਂ ਦੇ ਭਰਕੇ ਹੁਣ ਤਾਂ ਅੱਗ ਹੀ ਸੇਕੀ ਜਾਈਦੀ

ਮਿਠੇ ਮਿਠੈ ਲਾਰੇ ਦੇ ਕੇ ਜੀਵਨ ਚੀਸਾਂ ਹੋਰ ਵਧਾ ਚਲੈ
ਏਦਾਂ ਸਾਨੂੰ ਮਹਿੰਗੀ ਪੈ ਗਈ ਕੀਮਤ ਅੱਖ ਲੜਾਈ ਦੀ

ਬੜੀ ਮਿਹਨਤ ਕਰਕੇ ਜੋੜੀ ਪੂੰਜੀ ਖਰੀ ਮਹੱਬਤ ਦੀ
ਉਲਾਂਬੇ ਸ਼ਿਕਵੇ ਸ਼ਕਾਇਤਾਂ ਤੇ ਐਵੇਂ ਨਹੀ ਖ੍ਰਚਾਈ ਦੀ

ਠੰਡੀਆਂ ਆਹਾਂ ਭਰਕੇ ਘਰ ਨੂੰ ਆਪੇ ਅੱਗ ਨਾਂ ਲਾਓਨੀ
ਸੁਣਿਆਂ ਸੀ ਸਜਨਾਂ ਅੱਗ ਲਾ ਕੇ ਹੀ ਅੱਗ ਬੁਝਾਈ ਦੀ

ਇਸ ਸ਼ਹਿਰ ਦੇ ਸਾਰੇ ਰੱਸਤੇ ਤੇਰੇ ਘਰ ਨੂੰ ਜਾਂਦੇ ਲਗਣ
ਅਪਣੇ ਘਰ ਦੀ ਬੰਤਰ ਏਦਾਂ ਸਜਨਾ ਕਿਵੇਂ ਬਣਾਈ ਦੀ

ਉਤੋਂ ਉਤੋਂ ਹਾਸੇ ਲੱਗਣ ਕੋਈ ਵਿਚੋਂ ਖੋਖੇਪਣ ਨੂੰ ਜਾਣੇ ਨਾ
'ਥਿੰਦ'ਦੁਖਾਂ ਵਾਲੇ ਹਿਰਦੇ ਲੈਕੇ ਮਸਾਂ ਉਮਰ ਬਤਾਈ ਦੀ

                               ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                                     (ਸਿਡਨੀ)