ਗਜ਼ਲ
ਮੇਰੀ ਬੇਤੁਕੀ ਉਡੀਕ ਨੇ ਮੈਨੂੰ ਮਾਰਿਆ
ਮੇਰੀ ਬੇਤੁਕੀ ਪਰੀਤ ਨੇ ਮੈਨੂੰ ਮਾਰਿਆ

ਗਮਾਂ ਵਿਚ ਤਾਂ ਡੁਬਾ ਸੀ ਪਹਿਲੇ ਹੀ ਮੈਂ
ਤੇਰੀ ਤਾਂ ਨਕਲੀ ਚੀਕ ਨੇ ਮੈਨੂੰ ਮਾਰਿਆ

ਜਵਾਨੀ ਬੁੜੇਪੇ ਵਿਚ ਫਰਕ ਤੰਦ- ਬ੍ਰੀਕ
ਇਸੇ ਹੀ ਤਾਂ ਤੰਦ ਬ੍ਰੀਕ ਨੇ ਮੈਨੂੰ ਮਾਰਿਆ

ਇਤਬਾਰ ਤਾਂ ਬਹੁਤ ਸੀ ਹੀ ਤੇਰੇ ਤੇ ਮੈਨੂੰ
ਤੇਰੀ ਤਾਂ ਖੋਟੀ ਹੀ ਨੀਤ ਨੇ ਮੈਂਂਨੂੰ ਮਾਰਿਆ

ਆਸਰਾ ਤਾਂ ਬੜਾ ਹੀ ਸੀ ਮੈਨੂੰ ਸ਼ਰੀਕਾਂ ਦਾ
ਤਾਹੀਓਂ ਤਾਂ ਮੇਰੇ ਸ਼ਰਿਕ ਨੇ ਮੈਨੂੰ ਮਾਰਿਆ

ਬੜਾ ਨਾਜ਼ਕ ਸੀ ਬਦਨ ਤੇਰੇ ਆਸ਼ਕਾਂ ਦਾ
ਨਿਕੀ ਜਿਨੀ ਹੀ ਝਰੀਟ ਨੇ ਮੈਨੂੰ ਮਾਰਿਆ

ਦਿਲਬਰ ਦੀ ਹਰ ਬਾਤ ਹੀ ਸਾਨੂੰ ਠੀਕ ਸੀ
ਏਸੇ ਤਾਂ ਇਕ ਨਿਕੀ ਠੀਕ ਨੇ ਮੇਨੂੰ ਮਾਰਿਆ

ਪਹਿਲੀ ਨਜ਼ਰ ਦੀ ਪਰੀਤ ਡਾਹਡੀ ਹੁੰਦੀ
ਤਾਂਹੀ ਹੀ ਤਾਂ ਇਸ ਪ੍ਰੀਤ ਨੇ ਮੈਨੂੰ ਮਾਰਿਆ

ਮਰਦਾ ਸੁਹਿਣੇ ਨੈਨਾਂ ਉਤੇ ਸੁਹਿਣੇ ਰੰਗਾਂ ਤੇ
"ਥਿੰਦ"ਵੇਖ ਤੇਰੇ ਤਾਂ ਗੀਤ ਨੇ ਮੈਨੂੰ ਮਾਰਿਆ

            ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                   (ਸਿਡਨੀ)