ਗ਼ਜ਼ਲ                             25/4 

ਸਮੇਂ ਨੂੰ ਬਂੰਨ ਕੇ ਅਜ ਤਕ ਕੋਈ ਨਹੀਂ ਰੱਖ ਸਕਿਆ

ਪੁਲਾਂ ਹੇਠੋਂ ਲੰਘਿਆ ਪਾਣੀ ਮੁੜਕੇ ਨਾ ਕਿਸੇ ਤਕਿਆ

ਪੀਰਾਂ ਫਕੀਰਾਂ ਕੋਲ ਜਾ ਜੋ ਐਵੇਂ ਹੀ ਫੂਕਾਂ ਮਰਵਾਂਦੇ

ਰਾਂਹਾਂ ਵਿਚ ਡਿਗਿਆਂ ਪਿਆਂ ਨੂ ਕਿਸੇ ਨਹੀਂ ਚੱਕਿਆ 

ਵਹਿਮਾਂ ਭਰਮਾਂ ਵਿਚ ਪੈ ਕਈ ਧੱਕੇ ਨੇ ਖਾਂਦੇ ਰਹਿੰਦੇ  

ਨਾ ਏਧਰ ਦੇ ਨਾ ਓਧਰ ਦੇ ਰਹੇ ਦਸੋ ਕੀ ਏ ਖਟਿਆ

ਜੇ ਕਿਸਮੱਤ ਹੋਵੇ ਚੰਗੀ ਮਹਾਂ ਪੁਰਸ਼ ਮਿਲ ਜਾਂਦੇ ਨੇ

ਅਪਣੇ ਆਪ ਨੂੰ ਕੋਸਦਾ ਬੰਦਾ ਰਿਜਦਾ ਹੈ ਢਕਿਆ

ਪੁੰਨ ਕਰੋਗੇ ਤਰੋਗੇ ਬੇੜਾ ਆਖਰ ਪਾਰ ਲੱਗ ਜਾਸੀ

ਮਨ ਖੋਟੇ ਡੁਬਦੇ ਅੱਦਵਾਟੇ ਹੌਸਲਾ ਪਾਰ ਦਾ ਰੱਖਿਆ

ਨੇਕੀ ਕਰੋ ਤਾਂ ਬੇੜਾ ਪਾਰ ਹੋਸੀ ਡੁਬਣ ਦਾ ਡਰ ਛੱਡੋ 

ਆਸਰਾ ਪ੍ਰਭੂ ਦਾ ਰੱਖੋ ਹੱਥ ਫੜੋ ਗਰੀਬ ਜੇ ਤੱਕਿਆ

"ਥਿੰਦ"ਮਨ ਸ਼ਾਂਤ ਹੋਸੀ ਜੀਵਨ ਨਿਰਭਾ ਹੋਵੇ ਚੰਗਾ

ਉਸ ਪਾਤਸ਼ਾਹ ਨੇ ਬੜਾ ਚੰਗਾ ਕਨੂੰਨ ਬਣਾ ਰੱਖਿਆ

ਇੰਜ: ਜੋਗਿੰਦਰ ਸਿੰਘ   "ਥਿੰਦ"

( ਸੇਿਡਨੀ )

 ਗ਼ਜ਼ਲ                      24/4

ਪਾਪਾਂ ਦੇ ਧੂੰਏਂ ਨਾਲ ਮੇਰਾ ਦਿਲ ਵਿਗੜ ਗਿਆ

 ਇਲਾਜ ਨਾ ਕੋਈ ਵੀ ਦੱਸਦਾ ਮੈਂ ਜਿਧਰ ਗਿਆ

ਪਹਿਲਾਂ ਸਾਰੇ ਮੇਰੇ ਨਾਲ ਸੀ ਹੱਮਦਰਦੀ ਕਰਦੇ

ਅਜ ਹਾਲਤ ਵਿਗੜੀ ਹਰ ਇਕ ਕਿਧਰ ਗਿਆ

ਅੱਗੇ ਪਿਛੇ ਫਿਰਦੇ ਸੀ ਸਾਰੇ ਵੇਖੋ ਮਤਲਭ ਲਈ

ਲੋੜ ਪਈ ਤਾਂ ਕੋਈ ਓਧਰ ਕੋਈ ਇਧਰ ਗਿਆ

ਸੱਚੇ ਦਿਲੋਂ ਅਸਾਂ ਤਾਂ ਹਰ ਇਕ ਦੀ ਏ ਬਾਂਹ ਫੜੀ

ਸਾਂਨੂੰ ਲੋੜ ਪਈ ਤਾਂ ਹਰ ਇਕ ਹੋ ਤਿੱਤਰ ਗਿਆ

ਡੌਲਿਆਂ 'ਚ ਏ ਜਿਨਾਂ ਚਿਰ ਜਾਨ ਲੋਕੀਂ ਝੁਕਦੇ ਨੇ

ਹੱਥਾਂ'ਚ ਲੈਣੀ ਪਈ ਸੋਟੀ ਹਰ ਇਕ ਬਿਫਰ ਗਿਆ

ਜਿਹੜਾ ਦਿਨ ਰਾਤ ਤੇਰੀ ਸੇਵਾ ਵਿਚ ਰਹਿੰਦਾ ਸੀ

ਅੱਜ ਵੇਖ ਕੇ ਤੇਰੀ ਹਾਲਤ ਕਿਵੇਂ ਹੈ ਬਿਟਰ ਗਿਆ

ਜੜਾਂ ਸੁਕੀਆਂ ਪਤੇ ਸੁਕੇ, ਮੁਕ ਗਈਆਂ ਨੇ ਆਸਾਂ

"ਥਿੰਦ"ਅਪਣੇ ਬੱਲ ਬੂਤੇ ਚਲ,ਸੱਭ ਖਿਲਰ ਗਿਆ

ਇੰਜ: ਜੋਗਿੰਦਰ ਸਿੰਘ   "ਥਿੰਦ"

(  ਸਿਡਨੀ )

  

 ਗ਼ਜ਼ਲ                                        23/4

ਪਰਬਤ ਬਦਲੇ ਝਰਨੇ ਬਦਲੇ ਬਦਲ ਗਈਆਂ ਤਕਦੀਰਾਂ

ਰਾਂਝੇ ਬਦਲੇ ਕਿੱਸੇ ਬਦਲੇ ਤੇ ਬਦਲ ਗਈਆਂ ਹੁਣ ਹੀਰਾਂ

ਨਦੀਆਂ ਉਹ ਨਾ ਰਹੀਆਂ ਅਤੇ ਦਿਲ ਵੀ ਖੋਟੇ ਨੇ ਪੈ ਗਏ

ਨਾਂ ਮੇਲੇ ਰਹੇ ਨਾਂ ਧੇਲੇ,ਨਾਂ ਤੀਆਂ ਦੀਆਂ ਦਿਸਣ ਵਹੀਰਾਂ

ਗੰਗਾ ਜੱਮਨਾਂ ਗੰਦੀਆਂ ਤੇ ਸੱਤਲੁਜ ਬਿਆਸ ਵੀ ਬਦਲੇ

ਪਾਣੀ ਨੀਵੇਂ ਧਰਤੀ ਸੁਕੀ,ਮਾਰੂ ਥੱਲ ਭਰੂ ਨਾਲ ਕਰੀਰਾਂ

ਬੰਦਿਆ ਕੁਝ ਤਾਂ ਕਰ ਅਗੇਤਾ ਇਹ ਖੇਤ ਨਾ ਹੋਵਣ ਰੇਤਾ

ਬਹੱਸ਼ਤ ਹੈ ਤੇਰਾ ਵਤਨ ਇਹ ਖੂਨ ਨਾਲ ਸਿੰਜਿਆ ਵੀਰਾਂ  

ਝੂਠ ਪਾਖੰਡ ਫਰੇਬ ਦਾ ਦੌਰਾ ਬੇਵੱਸ ਲੋਕੀਂ ਸਾਰੇ ਲੱਗਨ

ਮੂੰਹ ਦੇ ਮਿਠੇ ਸਾਰੇ ਲੀਡਰ ਢਿਡ ਭਰਣ ਨਾਲ ਤੱਕਰੀਰਾਂ

ਉਠੋ ਲੋਕੋ ਮਾਰੋ ਹੰਮਬਲਾ ਝੂਠੇ ਸੱਚੇ ਦੀ ਕਰਲੋ ਪਹਿਚਾਣ

"ਥਿੰਦ"ਅੱਜੇ ਤਾਂ ਹੈ ਵੇਲਾ ਹਿਮਤ ਕਰੋ ਲੈਕੇ ਨਾਲ ਵਹੀਰਾਂ

ਇੰਜ਼: ਜੋਗਿੰਦਰ ਸਿੰਘ  "ਥਿੰਦ"

(  ਸਿਡਨੀ  )

                                                    ਸ ਮੇਂ  ਦੀਆਂ  ਪੈੜਾਂ

                                                  ਸ  ਮ   ਰ  ਪ   ਣ

                                         

                                               ਮਾਵਾਂ ਵਰਗੀ ਭੈਣ   

                                               ਹਰਬੰਸ  ਕੌਰ   ਜੀ

                                                          ਤੇ

                                                      ਜੀਜਾ 

                                          ਸ: ਸੁਰਜਨ    ਸਿੰਘ ਜੀ

                                                        ਨੂੰ

                                               ਜੋ   ਅੱਜ    ਵੀ

                                                 ਸੁਰਗਾਂ  ਤੋਂ

                                         ਅਸੀਸਾਂ  ਦੇ ਰਹੇ ਹਨ ।

                                        

ਗ਼ਜ਼ਲ                                          22/4

ਹੁਣ ਮਿਤਰਾ ਏਥੋਂ ਚਲੀਏ ਦਾਲ ਨਹੀਂ ਸਾਡੀ ਗਲਦੀ

ਕੋਈ ਨਾਂ ਪੁਛਦਾ ਏਥੇ ਨਾਂ ਹੀਂ ਕਿਸੇ ਗੱਲ ਵਿਚ ਚਲਦੀ

ਬਦਲ ਗਿਆ ਸਾਰਾ ਢਾਂਚਾ ਉਲਟ ਗਈ ਹੁਣ ਬਾਜ਼ੀ

ਜੋ ਵੀ ਸਮਾਂ ਲੰਘਿਆ ਉਹੀ ਚੰਗਾ ਖਬਰ ਨਹੀਂ ਕਲਦੀ 

ਅਪਣੇ ਵੱਲੋਂ ਸਦਾ ਹੀ ਭਲਾ ਕਰੋ ਹਰ ਇਕ ਜੀਅ ਦਾ

ਤੁਸੀਂ ਫਰਜ਼ ਸਮਝ ਕੇ ਵਰਤੋਂ ਕਰੋ ਅਪਣੀ ਅਕਲ ਦੀ 

ਅਪਣਾ ਖੂਨ ਵੱਗਦਾ ਤਾਂ ਡਾਢੀ ਪੀੜ ਆਪ ਨੂੰ ਹੀ ਹੋਵੇ

 ਅਪਣਾ ਕੋਈ ਕੱਲਪੇ ਤਾਂ ਵੇਖੋ ਰੂਹ ਅਪਣੀ ਹੀ ਬੱਲਦੀ

ਦਿਲ ਦੀ ਦਿਲ ਵਿਚ ਰੱਖੋ ਲੋੜ ਨਹੀਂ ਕੁਝ ਕਹਿਣ ਦੀ

ਮਿਠਾ ਬੋਲੋ ਤੱਜੋ ਕੁੜਤਨ ਬੋ ਨਾ ਆਵੇ ਕਿਸੇ ਛੱਲਦੀ

ਯੱਤਨ ਕਰੋ ਕਿ ਹਰ ਕੋਈ ਚੰਗੀ ਗੱਲ ਹੀ ਸੱਦਾ ਸਿਖੇ

ਮਨ ਰਹੂ ਸ਼ਾਂਤ ਤਨ ਵੀ ਸਮਝੂ ਗੱਲ ਹੈ ਉਹਦੇ ਵੱਲਦੀ

ਜੋ ਪੁੰਨ ਨੇ ਹੁਣ ਤੱਕ ਕੀਤੇ ਲਾਵੋ ਉਹ ਬਚਿਆਂ ਦੇ ਲੇਖੇ

'ਥਿੰਦ'ਵੇਖੀਂ ਕੋਈ ਵੀ ਮੁਸ਼ਕਲ ਆਵੇ ਤਾਂ ਕਿਵੇਂ ਟੱਲਦੀ  

 ਇੰਜ: ਜੋਗਿੰਦਰ ਸਿੰਘ  "ਥਿੰਦ"

( ਸਿਡਨੀ  )