ਗਜ਼ਲ
ਇਕ ਦਰਦ ਦਿਲ ਨੂੰ ਲਾਇਆ ਅਸਾਂ ਬਹੁਤ ਸਾਲ ਪਹਿਲਾਂ
ਮਰ ਮਰ ਕੇ ਜੀਂਦੇ ਪੈਅ ਹਾਂ ਨਹੀ ਮਿਲਦੀ ਮਿਸਾਲ ਪਹਿਲਾਂ

ਉਹ ਆਏ ਨਾ ਕਾਬੂ ਤੈਥੌਂ ਜਿਹੜੇ ਸੀ ਪੰਛੀ ਪ੍ਰੇਮ ਨੱਗਰ ਦੇ
ਦੋਵੇਂ ਨੈਨਾਂ ਦੇ ਤੀਰ ਲਾ ਲਾਕੇ ਤੂੰ ਕਰ ਲੈਂਦੋਂ ਨਿਢਾਲ ਪਹਿਲਾਂ

ਸਾਡੇ ਤੇ ਉਹ ਦੋਸ਼ ਲਾਓਂਦੇ ਰਹੇ ਵੇਖਣ ਨਾ ਮੂੰਹਿ  ਘੁਮਾਕੇ
ਭੁਲਿਆ ਨਹੀਂ ਸਾਨੂੰ ਅੱਜ ਤੱਕ ਹੋਇਆ ਸੀ ਜੋ ਹਾਲ ਪਹਿਲਾਂ

ਉਹਦੀ ਗੱਲਾਂ ਵਿਚ ਆ ਆ ਕੇ ਅਸੀਂ ਧੋਖੇ ਬੜੇ ਹੀ ਨੇ ਖਾਦੇ
ਪਾਵਾਂ ਗੇ ਸਾਂਝ ਫਿਰ ਹੀ ਪਰ ਇਹ ਜੁਲਫਾਂ ਸੰਭਾਲ ਪਹਿਲਾਂ

ਆਇਆ ਏ ਸੰਦੇਸਾ ਅੱਜ ਕਿਓਂ ਤੂੰ ਜ਼ਰਾ ਵਿਚਾਰ ਕਰ ਲੈਈ
 ਹੋਏ ਨਹੀਂ ਕੱਦੀ ਵੀ ਅੱਜ ਤੱਕ ਉਹਿ ਏਨੇ ਦਿਆਲ ਪਹਿਲਾਂ

ਤੇਰੇ ਸ਼ਹਿਰ ਦੇ ਅੰਦਰ ਕਿਓਂ ਬੜੇ ਹੋ ਰਹੇ ਨੇ ਚਰਚੇ ਤੇਰੇ
ਤਾਂ ਹੀ ਆਵਾਂ ਗੈ ਤੇਰੇ ਦਰ ਤੇ ਦੱਸ ਅਪਣਾ ਕਮਾਲ ਪਹਿਲਾਂ

ਇਲਜ਼ਾਮ ਹੁਣ ਤੂੰ ਲਾਵੇਂ ਕਿ ਕਿਓਂ ਨਜ਼ਰਾਂ ਘੁਮਾ ਲੈਈਆਂ ਨੇ
 ਨਾਜ਼ਕ ਬੜਾ ਇਹ ਰਿਸ਼ਤਾ ਨਾ ਆਇਆ ਖਿਆਲ ਪਹਿਲਾਂ

ਇਸ ਗਲੀ ਨੇ ਹਸੀਨ ਕਾਤਲ ਰੱਖ ਦਾਮਨ ਬਚਾ ਬਚਾ ਕੇ
ਜੋ ਦਰਦ ਦਿਲ ਨੂੰ ਹੈ ਲਾਇਆ ਤੂੰ ਉਹ ਹੀ ਸੰਭਾਲ ਪਹਿਲਾਂ

"ਥਿੰਦ" ਉਹ ਦੀ ਖੁਲ ਦਿਲੀ ਤੇ ੲੈਵੈਂ ਧੋਖਾ ਨਾ ਖਾ ਲਵੀਂ ਤੂਂ
ਹਰ ਸ਼ਿਕਾਰ ਕਰਨ ਵੇਲੇ ਓਹ ਤਾਂ ਹੋਵਨ ਦਿਆਲ ਪਹਿਲਾਂ

ਇੰਜ: ਜੋਗਿੰਦਰ ਸਿੰਘ "ਥਿੰਦ"
                       (ਸਿਡਨੀ)