ਗ਼ਜ਼ਲ      65

ਬਾਹਰ ਨਿਕਲੋ ਸੁਪਨਿਆਂ ਦੇ ਸੰਸਾਰ ਤੋਂ

ਕੁਝ ਤਾਂ ਸਿਖ ਲਿਓ ਆਓਂਦੀ ਬਹਾਰ ਤੌਂ

ਸੌ ਵਾਰ ਸੋਚੋ ਕਿਸੇ ਦਾ ਬੁਰਾ ਕਰਨ ਵੇਲੇ

ਹਮੇਸ਼ਾਂ ਈ ਬੱਚਕੇ ਰਹੋ ਤਨੀ ਤਲਵਾਰ ਤੋਂ

ਹੋ ਸੱਕਦਾ ਤੂਫਾਨ ਕੁਝ ਨਾਂ ਰਹਿਣ ਦੇਵੇ

ਜਿਨਾਂ ਬੱਚਦਾ ਬਚਾ ਲਵੋ ਉਠੇ ਗੁਭਾਰ ਤੋਂ

ਨਹੀ ਜਾਂਣਦਾ ਕੋਈ ਅਗ਼ਲੇ ਪਲ ਕੀ ਹੋਣਾ

ਸਦਾ ਡਰਕੇ ਰਹੋ ਉਸ ਪਰਵਰਦਿਗਾਰ ਤੋਂ

ਪੁੰਨ ਕਰਕੇ ਹੀ ਹਮੇਸ਼ਾਂ ਭੁਲ ਜਾਣਾ ਏ ਚੰਗਾ

ਅਸ਼ੀਸਾਂ ਤੇ ਮਿਲੂ ਅਨਾਮ ਸੱਚੀ ਸਰਕਾਰ ਤੋਂ

ਕਦੀ ਯਾਦ ਕਰੋਗੇ ਉਸ ਦੀਆਂ ਰਹਿਮਤਾਂ ਨੂੰ

"ਥਿੰਦ"ਤੂੰ ਵਾਰੀ ਜਾਵੀਂ ਉਸ ਪਾਲਣਹਾਰ ਤੋਂ

 ਇੰਜ: ਜੋਗਿੰਦਰ ਸਿੰਘ "ਥਿੰਦ"

 ( ਸਿਡਨੀ )