ਗਜਲ                                               40/5

ਮੇਰੀ ਜਾਨ ਵਿਚ ਜਾਨ ਆਈ ਜਦੋਂ ਮੇਰੀ ਜਾਨ ਆਈ

ਭਾਂਬੜ ਮੱਚੇ ਦਿਲ ਅੰਦਰ ਅੱਗ ਫਿਰ ਬੁਝ ਨਾ ਪਾਈ

ਕਈ ਚੱਕਹ ਮਾਰੇ ਸੂਰਜਾਂ ਜੀਵਨ ਬਣਾ ਅੰਗਿਆਰ

ਸਾਰੀ ਉਮਰ ਫੂਕਾਂ ਮਾਰੀਆਂ ਕੈਸੀ ਅੱਗ ਤੂੰ ਏ ਲਾਈ

ਮੁਦਤਾਂ ਪਿਛੋਂ ਸੱਜਨ ਆਏ ਤੇ ਅਸਾਂ ਸਵਾਗਤ ਕੀਤਾ

ਆ ਕੇ ਘੁੱਟ ਗਲੇ ਮਿਲੇ ਇਹ ਵੇਖ ਹੱਸ ਪਈ ਲੁਕਾਈ

ਚਿਰ ਹੋਇਆ ਆਇਆਂ ਨੂੰ ਹੁਣ ਕਦੋਂ ਆਓਗੇ ਸੱਜਨਾਂ

ਹੁਣ ਕਦੋਂ ਆਉਗੇ ਸੱਜਨਾਂ ਬੈਠੇ ਹਾਂ ਆਸ ਲਗਾਈ

ਮੇਰੀ ਜਾਨ ਆ ਵੀ ਜਾਓ ਹੁਣ ਤਾਂ ਰਿਹਾ ਨਹੀਂ ਜਾਂਦਾ

ਅਖਾਂ ਬਰੂਹਾਂ ਤੇ ਲਾਈਆਂ ਤੂੰ ਐਸੀ ਕਲਾ ਵਰਤਾਈ

ਮੇਰੀ ਜਾਨ ਤੇਰੇ ਬਗੇੈਰ ਅਸੀਂ ਪੂਰੇ ਦੇ ਪੂਰੇ ਹਾਂ ਅਧੂਰੇ

'ਥਿੰਦ"ਆਵੇ ਨਾਂ ਆਵੇ ਤੂੰ ਕਿਓਂ ਐਵੇਂ ਸ਼ਰਤ ਲਗਾਈ

ਜੋਗਿੰਦਰ ਸਿੰਘ  "ਥਿੰਦ"

ਅੰਮ੍ਰਿਤਸਰ  1 

  

ਗਜਲ                                         39/5

ਜਦੋਂ ਕਿਸਮੱਤ ਹੋਵੇ ਚੰਗੀ ਤਾਂ ਭੁਝੇ ਮੋਠ ਵੀ ਉੱਗ ਆਉੰਦੇ

ਮਾੜੀ ਕਿਸਮੱਤ ਵਾਲੇ ਤਾਂ ਬਾਰ ਬਾਰ ਹੱਥ ਮੱਥੇ ਤੇ ਲਾਉਂਦੇ

ਮੱਹਾਂ ਪੁਰਸ਼ਾਂ ਦੀ ਸੰਗੱਤ. ਵਿਗੜੀ ਕਿਸਮੱਤ ਸਵਾਰ ਦੇਂਦੀ

ਅਚੰਚੇਤ ਚੰਗੇ ਸੱਜਨ ਜੋ ਮਿਲਦੇ ਅਸੀਂ ਸੱਦਾ ਗੁਣ ਗਾੳਂਦੇ

ਕਿਸੇ ਨਾਲ ਜੋ ਮਾੜਾ ਨਾ ਕਰਦੇ ਰੱਬ ਵੀ ਭਲਾ ਹੀ ਕਰਦਾ

ਨੀਤ ਚੰਗੀ ਵਾਲੇ ਸੱਦਾ ਹੀ ਫੱਲ ਹਮੇਸ਼ਾਂ ਚੰਗਾ ਹੀ ਪਾਉਦੇ

ਹਰ ਇਕ ਨਾਲ ਮਿਲਕੇ ਰਹੋ ਤੇ ਸੱਦਾ ਭੱਲਾ ਸੱਭ ਦਾ ਸੋਚੋ

ਫਿਰ ਵੇਖਣਾ ਜਾਂਦੇ ਰਾਹੀ ਵੀ ਉਸ ਬੰਦੇ ਨੂੰ ਹੀ ਸਲਾਉਂਦੇ

ਪਰਮਾਤਮਾਂ ਦੇ ਭੱਗਤ ਦੀ ਸਾਰੇ ਹੀ ਦਿਲੋਂ ਇੱਜਤ ਕਰਦੇ

ਭੱਗਤੀ ਦਾ ਫੱਲ ਤਾਂ ਮਿਲਦਾ ਸਾਰੇ ਹੀ ਅੱਖਾਂ ਤੇ ਬਠਾਊਂਦੇ

ਨੇਕੀ ਕਰ ਤੇਰਾ ਭੱਲਾ ਹੋਸੀ ਰੱਭ ਵੀ ਹਰ ਥਾਂ ਤੇਰੇ ਨਾਲ

'ਥਿੰਦ'ਨੇਕੀ ਬਦਲੇ ਵੇਖੀਂ ਸੱਭੇ ਤੇਰੇ ਅੱਗੇ ਥਾਂਣ ਵਿਛਾਂਉਂਦੇ

ਜੋਗਿੰਦਰ ਸਿੰਘ   "ਥਿੰਦ"

ਅੱਮ੍ਰਿਤਸਰ  1

ਗਜਲ                                                                   38/5

ਕਿਸੇ ਨੂੰ ਤੁਸਾਂ ਸੱਜਣ ਬਨਾਂਓਣਾਂ ਅਪਣਾਂ ਦਿਲ ਪਹਿਲਾਂ ਸਾਫ ਕਰੋ

ਭੁਲਾਂ ਚੁਕਾਂ ਮੁਆਫ ਕਰ ਦਿਓ ਤੇ ਫਿਰ ਹੱਥ ਮਿਲਾ ਗੱਲ ਬਾਤ ਕਰੋ

ਜੇ ਕਦੀ ਬਣਾਏ ਹੋਏ ਸੱਜਣ ਕਿਸੇ ਗਲੋਂ ਤਹਾਡੇ ਨਾਲ ਰੁਸ ਜਾਵਨ

ਹੱਥ ਜੋੜ ਗਲੇ ਮਿਲ ਕੇ ਅਪਣੇ ਦਿਲੋਂ ਓਹਨਾਂ ਨਾਲ ਇੰਸਾਫ ਕਰੋ

ਬੜੀ ਮੁਛਕੱਲ ਮਿਲਦੇ ਸੱਜਨ ਜਿਹੜੇ ਔਖੀ ਵੇਲੇ ਕੱਮ ਨੇ ਆਓਂਦੇ

ਜੋ ਵੀ ਹੈ ਦਿਲ ਵਿਚ ਗੁਸੇ ਗਿਲੇ ਓਹਨਾਂ ਨੁੰ ਜੱੜੋਂ ਪੁੱਟਕੇ ਰਾਖ ਕਰੋ

ਜੇ ਆਸਰਾ ਉਸ ਪਰਭੂ ਦਾ ਲਵੋ ਓਹ ਹੱਰ ਵੇਲੇ ਤੁਹਾਡੇ ਆਸਪਾਸ

ਦਿਲੋਂ ਜਦੋਂ ਯਾਦ ਕਰੋਗੇ ਉਹ ਤਾਂ ਹਾਜਰ ਹਰ ਵੇਲੇ ਜੱਦ ਹਾਥ ਕਰੋ

ਪਿਆਰਾ ਮਿੱਤਰ ਹੈ ਓਹੀ ਜੋ ਔਖੀ ਵੇਲੇ ਪੁਜਕੇ ਤੁਹਾਡੇ ਕੰਮ ਆਵੇ

ਜੋ ਕਰਦਾ ਹੈ ਤੁਹਾਡੀ ਇੱਜਤ ਤੁਸੀਂ ਵੀ ਓਸ ਦੇ ਦਿਲ 'ਚ ਵਾਸ ਕਰੋ

ਅਪਣੇ ਮਿੱਤਰ ਪਿਆਰੇ ਨੂੰ ਦਿਲ ਖੋਹਿਲ ਕੇ ਹੀ ਹਾਲ ਸੁਣਾ ਦੇਨਾ

"ਥਿੰਦ"ਓਹ ਪਹੁੰਚੇ ਗਾ ਜਰੂਰ ਜੇ ਦਿਲੋਂ ਉਸ ਨੂੰ ਤੁਸੀ ਯਾਦ ਕਰੋ

ਜੋਗਿੰਦਰ ਸਿੰਘ "ਥਿੰਦ"

ਅਮਿ੍ਤਸਰ 1