ਗਜਲ                                            33/5

ਕਦੋਂ ਤੱਕ ਆਸ ਲਗਾਈ ਰੱਖੋਗੇ ਇਹ ਜੀਵਨ ਹੈ ਬੁਲਬਲਾ ਪਾਂਣੀ ਦਾ

ਮਿਟਦਿਆਂ ਮਿਟਦਿਆਂ ਮਿਟ ਜਾਵੇ ਕਦੋਂ ਅੰਤ ਆਵੇ ਇਸ ਕਹਾਣੀ ਦਾ

ਚੜਦੀ ਕਲਾ ਵਿਚ ਜੋ ਨੇ ਰਹਿੰਦੇ ਦਿਲ ਉਹਨਾਂ ਦਾ ਸੱਦਾ ਖੁਸ਼ ਰਹਿੰਦਾ

ਝੱਖੜਾਂ ਨੂੰ ਹਮੇਸ਼ਾਂ ਉਹ ਖਿੜੇ ਮੱਥੇ ਝੱਲਦੇ ਮੂੰਹ ਤੇ ਵੱਟ ਨਹੀਂ ਹਾਨੀ ਦਾ

ਉਚੀ ਸੋਚ ਜਿਹੜੇ ਨੇ ਸਦਾ ਰੱਖਦੇ ਉਹ ਹਮੇਸ਼ਾਂ ਮੰਜਲਾਂ ਨੂੰ ਪਾ ਹੀ ਲੈਂਦੇ

ਮਿਤਰਾਂ ਨਾਲ ਜੋ ਮਿਲਕੇ ਨੇ ਚੱਲਦੇ ਖਿਆਲ ਨਾਂ ਕਰਦੇ ਨਾਦਾਨੀ ਦਾ

ਜਦੋਂ ਸਾਰੇ ਆਸਰੇ ਟੁਟ ਜਾਵਣ ਤੇ ਵਰਤਨ ਲਈ ਕੁਝ ਨਾਂ ਬਾਕੀ ਹੋਵੇ

ਸੱਚੇ ਪਾਤਸ਼ਾਹ ਨੂੰ ਯਾਦ ਕਰੋ ਓਹੋ ਹੀ ਆਸਰਾ ਬਣੂ ਤੇਰੀ ਜਵਾਨੀ ਦਾ

ਜੋ ਕਰੋਗੇ ਸੋ ਭਰੋਗੇ ਯਾਦ ਰੱਖਨਾਂ ਸੱਭ ਨਾਲ ਹੀ ਮਿਲ ਜੁਲਕੇ ਰਹਿਨਾਂ

ਸੱਜਨ ਬਣਕੇ ਜੋ ਨੇ ਹਮੇਸ਼ਾਂ ਰਹਿੰਦੇ ਉਹ ਨੇ ਜੁੱਮਾਂ ਲੈਂਦੇ ਨੱਗਰਾਨੀ ਦਾ

ਮਿਤਰਾਂ ਨਾਲ ਜਿਹੜੇ ਨੇ ਸਚੇ ਪੱਕੇ ਉਹ ਚੁਗਲ ਖੋਰਾਂ ਤੋਂ ਦੂਰ ਰਹਿੰਦੇ

"ਥਿੰਦ"ਸੱਦਾ ਮਾਣ ਊਹਨਾਂ ਦਾ ਕਰਦਾ ਜੋ ਕਰਦੇ ਮਾਣ ਨਿਸ਼ਾਨੀ ਦਾ

ਜੋਗਿੰਦਰ ਸਿੰਘ   "ਥਿੰਦ"

ਅੰਮ੍ਰਿਤਸਰ  1 

 

 ਗਜਲ                                  32/5

ਹੌਸਲਾ ਜਿਨਾਂ ਦਾ ਪੱਕਾ ਉਹ ਕਰ ਦਰਆ ਪਾਰ ਜਾਂਦੇ

ਪਿਆਰ ਜਿਨਾਂ ਦਾ ਕੱਚਾ ਉਹ ਅੱਧਵਾਟੇ ਹੀ ਹਾਰ ਜਾਂਦੇ

ਕਿਸੇ ਤੇ ਅਪਣਾ ਆਪ ਵਾਰਕੇ ਬੇ ਗਰਜ ਹੋਕੇ ਤਾਂ ਵੇਖੋ

ਵੱਧ ਤੋਂ ਵੱਧ ਤੁਹਾਡੇ ਉਤੇ ਸੱਭ ਮਿਲਕੇ ਬੱਲਹਾਰ ਜਾਂਦੇ

ਬਿਨਾਂ ਮਿਤਰਾਂ ਜਿੰਦਗੀ ਦਾ ਉਕਾ ਹੀ ਨਾਂ ਮਜਾ ਰਹਿੰਦਾ

ਕੱਦਰ ਦਾਨ ਤਾਂ ਦੋਸਤਾਂ ਉਤੇ ਅਪਣਾ ਆਪ ਵਾਰ ਜਾਂਦੇ

ਉਤੋਂ ਪੱਕੇ ਤੇ ਵਿਚੋਂ ਕੱਚੇ ਬੜੇ ਨੇ ਇਸ ਦੁਣੀਆਂ ਅੰਦਰ

ਸੋਚ ਕੇ ਯਾਰੀ ਪਾਓਣੀ ਕਈ ਕੱਚਾ ਕਰ ਇਕਰਾਰ ਜਾਂਦੇ

ਦਰਦਾਂ ਸੱਮਝ ਕੇ ਜੋ ਐਵੇਂ ਕਰਦੇ ਨੇ ਸਹਾਇਤਾ ਤੁਹਾਡੀ

ਕਈ ਤਾਂ ਬਣੀ ਬਣਾਈ ਬਾਤ ਬਿਲਕੁਲ ਵਿਗਾੜ ਜਾਂਦੇ

ਹਰ ਇਕ ਨਾਲ ਕਰੋ ਨੇਕੀ ਤੇ ਅਪਣਾ ਆਪ ਵਾਰ ਦੇਵੋ

"ਥਿੰਦ"ਸਾਰੇ ਕਰਨ ਨੇਕੀ ਤੇ ਵੇਖੀਂ ਸਾਰੇ ਬੱਲਹਾਰ ਜਾਂਦੇ

ਜੋਗਿੰਦਰ ਸਿੰਘ  "ਥਿੰਦ"

ਅੰਮ੍ਰਿਤਸਰ   1

 ਗਜਲ                                                 31/5

ਜਬਾਨ ਦੀ ਕੈਂਚੀ ਜਦੋਂ ਚੱਲਦੀ ਬੱੜੇ ਬੱੜੇ ਨੇ ਸੁੱਕੜ ਜਾਂਦੇ

ਸੱਚ ਓਹਨਾਂ ਦਾ ਗੱਲ ਫੱੜ ਲੈੰਦਾ ਮੱਜਬੂਰ ਮੁੱਕਰ ਜਾਂਦੇ

ਡਾਹਿਡੇ ਤੀਰ ਚਿਲਾਂਦੇ ਫਿਰ ਅਸਰ ਵੇਖਦੇ ਉਹਨਾਂ ਦਾ

ਕਰਨ ਸਵਾਰੀ ਭੂਤਰ ਕੇ ਪਰ ਡਰਕੇ ਝੱਤ ਊਤਰ ਜਾਂਦੇ

ਚੰਗਾ ਹੋਵੇ ਜੇ ਮਿਤਰਾਂ ਨਾਲ ਮਿਤਰ ਬਣਕੇ ਹੀ ਰਹਿਣ

 ਕੁਝ ਚਿਰ ਚੰਗੇ ਬਣਕੇ ਰਹਿੰਦੇ ਫਿਰ ਉਹ ਉਖੜ ਜਾਂਦੇ

ਸੱਭਾ ਦੇ ਜਿਹੜੇ ਚੰਗੇ ਤੇ ਦਿਲ ਦੇ ਜਿਹੜੇ ਹੁੰਦੇ ਨੇ ਸਾਫ

ਔਖੀ ਵੇਲੇ ਕੰਮ ਆਓਂਦੇ ਨੇ ਮੱਤਲਬੀ ਬੱਣ ਦੁਕੜ ਜਾਂਦੇ

ਭੱਗਤੀ ਕਰਕੇ ਭੱਗਤਾਂ ਦੇ ਦਿਲ ਹੁੰਦੇ ਨੇ ਬਿਲਕੁਲ ਸਾਫ

ਜੇ ਕੋਈ ਜੁਲਮ ਕਰੇ ਉਹਨਾਂ ਤੇ ਉਹ ਵੜ ਨੁਕਰ ਜਾਂਦੇ

ਪ੍ਰਭੂ ਤੇ ਰੱਖ ਭਰੋਸਾ ਹਰ ਇਕ ਤੇ ਨੇਕੀ ਹੀ ਕਰਦੇ ਚੱਲੋ

"ਥਿੰਦ"ਵੇਖ ਕੇ ਪੱਲਾ ਫੜਨਾਂ ਕਈ ਬਣ ਕੁੱਕੜ ਜਾਦੇ

"ਥਿੰਦ" ਜੋਗਿੰਦਰ ਸਿੰਘ

ਅੰਮ੍ਰਿਤਸਰ  1

 ਗਜਲ                                        30/5

ਸੱਜਨਾਂਂ ਖਾਤਰ ਜੋ ਅਪਣਾਂ ਸੱਬ ਕੁਝ ਵਾਰ ਦੇੰਦੇ ਨੇ

ਪਿਛਲੇ ਜਨਮ ਦਾ ਭਾਰ ਇੰਝ ਉਹ ਉਤਾਰ ਦੇੰਦ ਨੇ

ਜੋ ਕਰੋਗੇ ਸੋ ਭਰੋਗੇ ਇਹ ਅਸੂਲ ਤਾਂ ਬੜਾ ਚੰਗਾ

ਪਰ ਕਈ ਇਸ ਨੂੰ ਐਵੇਂ ਹੀ ਜਾਣ ਵਿਸਾਰ ਦੇਂੰਦੇ ਨੇ

ਝੂਠ ਬੋਲ ਕੇ ਜੋ ਸੱਚ ਖਾ ਜਾਂਦੇ ਨੇ ਸ਼ਰਮ ਨਾਂ ਕਰਦੇ

ਬਣੀ ਬਿਨਾਈ ਬਾਤ ਓਹ ਆਪ ਵਿਗਾੜ ਦੇਂਦੇ ਨੇ

ਕੋਈ ਪੇਸ਼ ਨਹੀ ਚਲਦੀ ਤਾਂ ਪ੍ਰਭੂ ਦਾ ਆਸਰਾ ਲੌ

ਜਦੋਂ ਡੁਬਨ ਲਗੋ ਪ੍ਰਭੂ ਆਪ ਲਗਾ ਪਾਰ ਦੇਂਦੇ ਨੇ

ਸੱਜਨਾਂ ਹੁਣ ਮਿਲਕੇ ਕੋਈ ਚੰਗਾ ਰੱਸਤਾ ਚੁਨੀਏ

ਲੋਕੀ ਕਰਣ ਤਰੀਫਾਂ ਅਤੇ ਚੰਗੇ ਵਿਚਾਰ ਦੇੰਦੇ ਨੇ

ਮਿੱਤਰ ਜੋ ਹੋਣ ਚੰਗੇ ਔਖੀ ਵੇਲੇ ਕੰਮ ਆਓਂਦੇ ਨੇ

'ਥਿੰਦ'ਚੰਗੇ ਅਪਣੇ ਆਪ ਨੂੰ ਕਰ ਨਿਸਾਰ ਦੇੰਦੇ ਨੇ

ਇੰਜ: ਜੋਗਿੰਦਰ ਸਿੰਘ  "ਥਿੰਦ"

ਅੰਮ੍ਰਿਤਸਰ  1

 ਗਜਲ                                 29/5

ਮੇਰਾ ਜੀਵਨ ਯਾਦਾਂ ਭਰਿਆ ਯਾਦਾਂ ਆ ਕੇ ਰਾਤ ਜਗਾਵਨ

ਕਦੀ ਤਾਂ ਦਿਲ ਖੁਸ਼ ਹੋ ਜਾਂਦਾ ਕਦੀ ਸੱਭ ਆਸਾਂ ਮੁਰਝਾਵਨ

ਕਈ ਸੁਪਨੇ ਨੇ ਬਹੁਤ ਸੁਹਾਣੇ ਕਈ ਨੇ ਓਦਾਸੀਆਂ ਵਾਲੇ

ਕਈ ਬਚਪਨ ਦੀਆਂ ਖੇਡਾਂ ਵਾਲੇ ਕਈ ਦਿਲ ਨੂੰ ਸਤਾਵਨ

ਸਾਰੇ ਬੇਲੀ ਆਕੇ ਖੇਡਨ ਝੂਠੀ ਮੂਠੀ ਕਰਦੇ ਪੲੈ ਲੜਾਈ

ਇਹ ਵੇਖੋ ਪੁਰਾਨੀਆਂ ਯਾਦਾਂ ਲੜਾਈ ਪਿਛੋਂ ਉਚੀ ਗਾਵਨ  

ਲੰਗਿਆ ਬਚਪਣ ਗਈ ਜਵਾਨੀ ਪਿਛਲੀ ਉਮਰ ਆਈ

ਬਚਪਣ ਜਵਾਨੀ ਲੰਗੇ ਤੇ ਲਗੇ ਪਿਛਲੀ ਉਮਰ ਬਤਾਵਨ

ਕਈ ਸੱਜਨ ਤੁਰ ਗੲੈ ਏਥੋਂ ਕਈ ਤੁਰ ਜਾਣ ਨੂੰ ਨੇ ਤਿਆਰ

ਬੱਚਪਣ ਜਵਾਨੀ ਦੇ ਸੁਪਨੇ ਲੈਂਦੇ ਕੀ ਪਤਾ ਕੱਦੋਂ ਤੁਰ ਜਾਵਨ

ਅਪਣੇ ਪ੍ਰੱਭੂ ਨੂੰ ਸੱਦਾ ਯਾਦ ਰੱਖਕੇ ਬਾਕੀ ਜੀਵਨ ਬਤਾ ਦੋ

"ਥਿੰਦ'ੳਹੀ ਤੇਰੀ ਬਾਂਹ ਫੜੇ ਗਾ ਆੳੈੂ ਡੁਬਣ ਤੋਂ ਬਚਾਵਨ

ਇੰਜ: ਜੋਗਿੰਦਰ ਸਿੰਘ  "ਥਿੰਦ"

ਅੰਮ੍ਰਿਤਸਰ 1  

ਗਜਲ                                     28/5

 ਕਦੀ ਅਪਣੇ ਕਦੀ ਬਿਗਾਨੇ ਸਾਨੂੰ ਯਾਦ ਆਓਦੇ ਨੇ

ਅਪਣੇ ਅਪਣੇ ਹੁੰਦੇ ਹਣ ਤੇ ਬਿਗਾਣੇ ਕੱਦ ਭਾਓਦੇ ਨੇ

ਬਿਗਾਨਿਆਂ ਨੂੰ ਅਪਣਾਂ ਬਣਾਂ ਕੇ ਗੱਲ ਨਾਲ ਲਾਓ

ਜੀਵਣ ਚਿ ਸੁਖ ਮਿਲੇਗਾ ਬਾਂਹ ਫੜ ਪਾਰ ਲਾਓੰਦੇ ਨੇ

ਮੁਦਤਾਂ ਪਿਛੋਂ ਜੱਦ ਸੱਜਨ ਮਿਲਦੇ ਬਾਹਾਂ ਖਿਲਾਰ ਕੇ

ਅਨੋਖਾ ਚਾ ਚਰਦਾ ਜਦ ਓਹ ਗਲਵਕੜੀ ਪਾਓਦੇ ਨੇ

ਸਜਣ ਲਾਮ ਤੇ ਗੲੈ ਕੱਦ ਓਹ ਜਲਦੀ ਮੁੜ ਆਓਦੇ

ਜੱਦ ਮੁੜ ਆਓਦੇ ਨੇ ਆਕੇ ਸੁਤੀ ਕਲਾ ਜਗਾਂਓਦੇ ਨੇ 

 ਸਾਰੀ ਸਾਰੀ ਰਾਤ ਓਹਦੇ ਵੱਲ ਤੱਕਦੇ ਹੀ ਰਹਿੰਦੇ ਹਾਂ

ਅਗ਼ਲੀ ਪਿਛਲੀ ਕਸਰ ਕੱਡ ਓਹ ਕੋਲ ਬਠਾਓਂਦੇ ਨੇ

ਸ਼ੁਕਰ ਕਰੋ ਉਸ ਪਾਲੰਹਾਰ ਦਾ ਸਜਨ ਮਿਲੇ ਨੇ ਮਸਾਂ

"ਥਿੰਦ' ਜੋ ਨਹੀਂ ਯਾਦ ਕਰਦੇ ਵੇਖੋ ਫਿਰ ਪੱਛਤਾਓਂਦੇ ਨੇ

ਇੰਜ: ਜੋਗਿੰਦਰ ਸਿੰਘ  "ਥਿੰਦ"

ਅੰਮ੍ਰਿਤਰ  1