ਗ਼ਜ਼ਲ 104
ਹਲੀਮੀ ਨੂੰ ਜੇਹੜਾ ਗਹਿਣਾ ਬਣਾਕੇ ਚਲਦਾ
ਉਹ ਦੁਸ਼ਮਨਾਂ ਨੂੰ ਵੀ ਨਾਲ ਰਲਾਕੇ ਚਲਦਾ
ਸਾਰੇ ਮਨੁੱਖ ਉਸ ਦੀ ਦਿਲੋਂ ਨੇ ਕਦਰ ਕਰਦੇ
ਹਰ ਵੇਲੇ ਉਹ ਅਪਣੀ ਧੌਣ ਉਠਾਕੇ ਚਲਦਾ
ਹੈਂਕੜ ਖਾਂ ਨੂੰ ਕੋਈ ਮੂੰਹ ਹੀ ਨਹੀ ਲਗਾਂਉਦਾ
ਇਹੋ ਜਿਹਾ ਮਨੁੱਖ ਤਾਂ ਮੂੰਹ ਦੀ ਖਾਕੇ ਚਲਦਾ
ਸਦਾ ਰੱਜ਼ਾ ਵਿਚ ਚਲੋ ਸੱਚੇ ਪਾਲਣਹਾਰ ਦੀ
ਫੱਲ ਉਸ ਮਿਲਦਾ ਜੋ ਸਿਰ ਝੁਕਾ ਕੇ ਚਲਦਾ
ਸੱਚਾ ਪਾਤਸ਼ਾਹ ਤਾਂ ਸਦਾ ਹੀ ਸਭ ਨੂੰ ਵੇਖਦਾ
ਕੋਈ ਨਾ ਬੱਚਦਾ ਭਾਵੇਂ ਮੂੰਹ ਲੁਕਾ ਕੇ ਚਲਦਾ
ਜਿਹੜਾ ਸੋਚਦਾ ਕਿ ਮੈਨੂੰ ਕੋਈ ਨਹੀ ਵੇਖਦਾ
"ਥਿੰਦ"ਆਪ ਨੂੰ ਹੀ ਭੁਲੇਖੇ'ਚ ਪਾਕੇ ਚਲਦਾ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ)
ਗੀਤ 103
ਮਿਲੇ ਸੀ ਸਾਨੂੰ ਰਾਹਾਂ ਵਿਚ
ਤੁਰੇ ਬਾਹਾਂ ਪਾਕੇ ਬਾਹਾਂ ਵਿਚ
ਤੇਰੇ ਪੈਰੀਂ ਫੁੱਲ ਵਿਛਾਵਾਂ ਗੇ
ਤੇਰਾ ਹਰ ਦਰਦ ਵੰਡਾਵਾਂ ਗੇ
ਇਹ ਲਹਿਣੇ ਦੇਨੇ ਕਰਮਾਂ ਦੇ
ਸ਼ਾਇਦ ਨੇ ਪਿਛਲੇ ਜਨਮਾਂ ਦੇ
ਕਹਿੰਦੇ ਹਰ ਜਨਮ 'ਚ ਆਵਾਂ ਗੇ
ਤੇਰਾ ਹਰ ਦਰਦ ਵੰਡਾਵਾਂ ਗੇ
ਭੁੱਲਣਾ ਚਾਹੋ ਤਾਂ ਭੁੱਲ ਨਾ ਪਾਉਗੇ
ਭੁੱਲ ਭਲਾਕੇ ਏਥੇ ਹੀ ਮੁੜ ਆਉਗੇ
ਸਵਾਗਤ ਲਈ ਨੈਣ ਵਿਛਾਵਾਂਗੇ
ਤੇਰਾ ਹਰ ਦਰਦ ਵੰਡਾਵਾਂ ਗੇ
ਕੋਈ ਨਾ ਜਾਣੇ ਕਦੋਂ ਤੇ ਕਿਥੇ ਜਾਣਾ ਹੈ
ਇਕੱਠੇ ਜਾਣਾ ਜਦੋਂ ਵੀ ਜਿਥੇ ਜਾਣਾ ਹੈ
ਜੋ ਵੀ ਵਾਹਿਦਾ ਕੀਤਾ ਤੋੜ ਨਿਭਾਵਾਂ ਗੇ
ਤੇਰਾ ਹਰ ਦਰਦ ਵੰਡਾਵਾਂ ਗੇੇ
ਆ ਯਾਦ ਪ੍ਰਭੂ ਨੂੰ ਕਰ ਲਈਏ
ਆ ਊਹਦਾ ਲੜ ਫੜ ਲਈਏ
'ਥਿੰਦ'ਕਹਿੰਦੇ ਪਾਰ ਲਗਾਵਾਂ ਗੇ
ਤੇਰਾ ਹਰ ਦਰਦ ਵੰਡਾਵਾਂ ਗੇ
ਇੰਜ; ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
ਗੀਤ 102
ਵੇ ਦਿਉਰਾ ਲਿਆ ਦੇ ਮੈਨੂੰ ਝਾਂਜਰਾਂ
ਮੇਰਾ ਨੱਚਨ ਨੂੰ ਦਿਲ ਕਰਦਾ
ਮੇਰੇ ਮਾਹੀ ਲਾਮ ਤੇਂ ਆਉਣਾ
ਮੇਰਾ ਨੱਚਨ ਨੂੰ ਦਿਲ ਕਰਦਾ
ਮੇਰੇ ਮਾਹੀ ਨੇ ਕੱਲ ਨੂੰ ਆਊਣਾ
ਮੈਂ ਨਵਾਂ ਝੱਗਾ ਅੱਜ ਏ ਸਲਾਉਣਾ
ਮੈਂ ਮਾਹੀ ਦੇ ਆਉਣ ਤੇ ਪਾਉਣਾ
ਮੈਂ ਤੇਲ ਬਰੂਹਾਂ ਤੇ ਚੋਣਾ
ਮੇਰਾ ਨੱਚਨ ਨੂੰ ਦਿਲ ਕਰਦਾ
ਮੇਰੇ ਮਾਹੀ ਨੇ ਕਲ ਆਉਣਾ
ਮੈਂ ਘਿਓ ਦੇ ਦੀਵੇ ਜਗਾਵਾਂ ਗੀ
ਤੇ ਸੌ ਸੌ ਸ਼ਗਣ ਮਨਾਵਾਂਗੀ
ਨਾਲੇ ਆਂਡ ਗਵਾਂਡ ਬਲਾਵਾਂਗੀ
ਮੇਰਾ ਨੱਚਨ ਨੂੰ ਦਿਲ ਕਰਦਾ
ਮੇਰਾ ਨੱਚਨ ਨੂੰ ਦਿਲ ਕਰਦਾ
ਮੇਰਾ ਮਾਹੀ ਆਂਉਦਾ ਕਿਥੇ ਰਹਿ ਗਿਆ
ਲੱਗਦਾ ਉਹ ਯਾਰਾਂ ਕੋਲ ਬਹਿ ਗਿਆ
ਮੇਰਾ ਦਿਲ ਧੱਕ ਧੱਕ ਕਰਦਾ ਰਹਿ ਗਿਆ
ਹੁਣ ਨੱਚਣ ਨੂੰ ਦਿਲ ਨਹੀ ਕਦਾ
ਇਹ ਪੰਜੇਬਾਂ ਸੱਟਣ ਨੂੰ ਦਿਲ ਕਰਦਾ
ਆਖਰ ਮਾਹੀ ਪਿਛੋਂ ਘੁਟ ਮਿਲਿਆ
ਚਾਵਾਂ ਨਾਲ ਝੋਲਾ ਸੁਟ ਮਿਲਿਆ
ਨਾਲ ਚਹਾਵਾਂ ਦੇ ਉਡ ਮਿਲਿਆ
ਮੇਰਾ ਰੁਸਣ ਨੂੰ ਦਿਲ ਕਰਦਾ
ਅੰਦਰੋਂ ਨੱਚਨ ਨੂੰ ਦਿਲ ਕਰਦਾ
"ਥਿੰਦ"ਸਾਰਾ ਗੁਸਾ ਕਾਫੂਰ ਹੋਇਆ
ਸਾਰੇ ਘਰ ਵਿਚ ਨੂਰੋ ਨੂਰ ਹੋਇਆ
ਮੈਂ ਤਾਂ ਨੱਚਦੀ ਫਿਰਾਂ
ਆਂਡ ਗੁਵਾਂਡ ਦੱਸਦੀ ਫਿਰਾਂ
ਇੰਜ: ਜੋਗਿੰਦਰ ਸ਼ਿੰਘ "ਥਿੰਦ"
( ਸਿਡਨੀ )
ਗੀਤ 101
ਜਦੋਂ ਤੇਰੀ ਯਾਦ ਆਵੇਗੀ
ਦਿਲ 'ਚ ਭੜਥੂ ਪਾਵੇਗੀ
ਸਾਰੀ ਸਾਰੀ ਰਾਤ ਜਗਾਵੇਗੀ
ਸੁਪਨੇ ਟੁਟ ਖਿਲਰ ਜਾਵਨਗੇ
ਏਨਾ ਫਿਰ ਸਤਾਵੇਗੀ
ਦਿਲ'ਚ ਭੜਥੂ ਪਾਵੇਗੀ
ਜਦ ਕਦੀ ਨਾ ਆਵੇ
ਦਿਲ ਢਹਿੰਦਾ ਜਾਵੇ
ਇਕ ਘਾਟ ਦਿਲ ਨੂੰ ਖਾਵੇਗੀ
ਏਨਾ ਫਿਰ ਸਤਾਵੇਗੀ
ਦਿਲ 'ਚ ਭੜਥੂ ਪਾਵੇਗੀ
ਲੋਕੀ ਆਖਣ ਕੀ ਹੋਇਆ
ਇਹ ਤਾਂ ਸੀ ਨਵਾਂ ਨਿਰੋਆ
ਜਾਦੂ ਕਰ ਕੋਈ ਭਰਮਾਵੇਗੀ
ਏਨਾ ਫਿਰ ਸਤਾਵੇਗੀ
ਦਿਲ'ਚ ਭੜਥੂ ਪਾਵੇਗੀ
ਉਹਨੂੰ ਕਹੀਏ ਕੋਈ ਤਾਂ ਕਰੇ ਉਪਾ
ਇਹਦੇ ਕੋਲ ਸਦਾ ਲਈ ਜਾਵੇ ਆ
ਜ਼ੁਮੇਦਾਰੀ ਆਪੇ ਉਹ ਨਿਭਾਵੇਗੀ
ਇਹਦੇ ਦਿਲ'ਚ ਭਰਥੂ ਪਾਵੇਗੀ
"ਥਿੰਦ"ਜੋ ਕਰਨਾ ਆਪੇ ਕਰਾਵੇਗੀ
ਗ਼ਜ਼ਲ 100
ਕੀ ਭਾਲਦੇ ਰਹਿੰਦੇ ਓ ਵੇਖ ਹੱਥਾਂ ਦੀਆਂ ਲਕੀਰਾਂ ਨੂੰ
ਬੰਦੇ ਆਪ ਹੀ ਬਣਾਉਂਦੇ ਅਪਣੀਆਂ ਤੱਕਦੀਰਾਂ ਨੂੰ
ਹਿਮੱਤ ਜਹਿੜੇ ਕਰਦੇ ਬੇੜਾ ਪਾਰ ਉਹਨਾਂ ਦਾ ਹੁੰਦਾ
ਆਲਿਸ ਕਰ ਜੋ ਨੇ ਸੌਂ ਜਾਂਦੇ ਤੜਵਾ ਲੈਦੇ ਤੀਰਾਂ ਨੂੰ
ਝੂਠ ਪਾਖੰਡ ਜੋ ਲੈ ਕੇ ਚਲਦੇ ਆਖਰ ਪਛੋਤਾਂਦੇ ਨੇ
ਪ੍ਰਭੂ ਦੀ ਸ਼ਰਨ 'ਚ ਕੁਝ ਨਹੀਂ ਹੁੰਦਾ ਨੇਕ ਫਕੀਰਾਂ ਨੂੰ
ਜੋ ਨੇਹਿਮੱਤ ਪਾਈ ਉਹਦੇ ਵਿਚ ਹੀ ਛੁਕਰ ਮਣਾ ਤੂੰ
ਨਹੀ ਤਾਂ ਫਿਰਨਾ ਪਉੂ ਗੱਲ ਵਿਚ ਪਾਕੇ ਲੀਰਾਂ ਨੂੰ
ਜੋ ਕੁਝ ਪ੍ਰਭੂ ਨੇ ਦਿਤਾ ਉਹਦੇ ਵਿਚ ਹੀ ਸਬਰ ਕਰ
ਕਿਉਂ ਤੂੰ ਨੱਠਦਾ ਫਿਰਦਾ ਲੈਣ ਲਈ ਜਗੀਰਾਂ ਨੂੰ
ਜੋ ਕਰੇਂਗਾਂ ਉਹ ਭਰੇਂਗਾ ਤੂੰ ਮਨ ਵਿਚ ਰੱਖ ਸੰਭਾਲ
"ਥਿੰਦ'ਤੂੰ ਸੱਬਰ ਰੱਖਣਾ ਜੱਫੇ ਨਾ ਪਾਈਂ ਛਤੀਰਾਂ ਨੂੰ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸੇਡਨੀ )
ਗ਼ਜ਼ਲ 99
ਦਿਲ ਵਿਚ ਰੜਕਾਂ ਜੋ ਨੇ ਪਈਆਂ, ਉਹਨਾਂ ਨੂੰ ਅਜ ਤੱਕ ਲੱਭ ਰਹੇ ਹਾਂ
ਕੋਈ ਤਾਂ ਦਸੇ ਏਥੇ ਆ ਕੇ ਸਾਨੂੂੰ ,ਅੰਜਾਣੇ ਵਿਚ ਹੀ ਕਿਊਂ ਦੱਭ ਰਹੇ ਹਾਂ
ਰੜਕਾਂ ਦਾ ਕੀ ਭਰੋਸਾ ਕਦੋਂ ਕਿਥੇ, ਇਹ ਸਭ ਵੱਸ ਤੋਂ ਬਾਹਰ ਹੋ ਜਾਵਣ
ਕਈਆਂ ਤੋ ਇਲਾਜ ਕਰਾਇਆ, ਏਦਾਂ ਦਿਲ ਦਾ ਵਹਿਮ ਕੱਢ ਰਹੇ ਹਾਂ
ਜਿਨੀ ਲਿਖੀ ਲੇਖਾਂ ਵਿਚ ਸਾਡੇ, ਸੋਚਦੇ ਹਾਂ ਉਸ ਤੋਂ ਵੱਧ ਜੀਅ ਨਾ ਹੋਣਾ
ਪਲ ਪਲ ਦਾ ਲੇਖਾ ਹੁੰਦਾ ਉਥੇ, ਫਿਰ ਵੀ ਫਜ਼ੂਲ ਹੀ ਕਿਉਂ ਜੱਭ ਰਹੇ ਹਾਂ
ਪੜਦੇ ਵਿਚ ਜੋ ਚੀਜ਼ ਹੈ ਰਹਿੰਦੀ,ਉਹਦੇ ਤੋਂ ਖਾਹ ਮਖਾਹਿ ਡਰਨਾਂ ਕਿਉਂ
ਇਸ ਵਹਿਮਾਂ ਭਰੀ ਦੁਣੀਆਂ ਅੰਦਰ ਅਸੀ ਤਾਂ ਜੀਵਣ ਜੀਅ ਸੱਭ ਰਹੇ ਹਾਂ
ਗੈਰਾਂ ਦੇ ਹੱਥ ਚੜ੍ਹ ਕੇ ਅਪਣਾਂ, ਝੁਗਾ ਚੌੜ ਨਹੀਂ ਐਵੇਂ ਕਰਨਾ ਚਾਹੀਦਾ
ਪਾਲਣਹਾਰ ਉਤੇ ਰੱਖ ਭਰੋਸਾ.ਉਹਦੇ ਦਰ ਤੋਂ ਮੁਨਕਰ ਹੋ ਭਜ ਰਹੇ ਹਾਂ
ਨਾਸਤੱਕ ਜਿਹੜੇ ਏਥੇ ਹਮੇਸ਼ਾਂ ਹੁੰਦੇ, ਅਪਣੇ ਬੇੜੇ ਅੱਧਵਾਟੇ ਹੀ ਡਬੋ ਲੈਂਦੇ
"ਥਿੰਦ"ਵੇਖੋ ਹੁਣ ਤੱਕ ਉਸ ਪ੍ਰਭੂ ਦਾ ਨਾਉ, ਲੈਕੇ ਹਮੇਸ਼ਾਂ ਹੀ ਸੱਜ ਰਹੇ ਹਾਂ
ਇੰਜ:ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
ਗ਼ਜ਼ਲ 98
ਪੰਡ ਭਾਰੀ ਹੋ ਗਈ ਬਾਤਾਂ ਦੀ
ਨੀਂਦ ਉਡਾਵੇ ਹੁਣ ਰਾਤਾਂ ਦੀ
ਜਤਣ ਜਿਨੇ ਮਰਜ਼ੀ ਕਰੀਏ
ਆਦਿਤ ਹੋ ਗਈ ਆਪਾਂ ਦੀ
ਇਸ ਤੋਂ ਹੁਣ ਬੇ-ਬੱਸ ਹੋ ਗਏ
ਉਕੀ ਹੱਦ ਨਾ ਰਹੀ ਵਾਟਾਂ ਦੀ
ਸੋਚਾਂ ਮੁਕਣ ਵਿਚ ਨਾ ਆਵਣ
ਅੱਗ ਵੱਧਦੀ ਜਾਵੇ ਲਾਟਾਂ ਦੀ
ਸੋਚਾਂ ਉਡ ਅਸਮਾਣੀ ਜਾਵਣ
ਨਾਲ ਲੈਕੇ ਨੀਂਦ ਸਵਾਦਾਂ ਦੀ
ਲੋਕੀ ਕਹਿੰਦੇ ਤੈਨੂੰ ਕੀ ਏ ਹੁੰਦਾ
'ਥਿੰਦ'ਦਸ ਕਹਾਣੀ ਘਾਟਾਂ ਦੀ
ਇੰਜ਼਼ ਜੋਗਿੰਦਰ ਸਿੰਘ "ਥਿੰਦ"
(ਸਿਡਨੀ)
ਗ਼ਜ਼ਲ 97
ਬਹੁਤ ਹੋਇਆ ਏ ਤਮਾਸ਼ਾ ਬੱਸ ਹੁਣ ਰਹਿਣ ਦਿਉ
ਜੋ ਕੁਛ ਵੀ ਕਹਿੰਦਾ ਜੇ ਕੋਈ ਉਹਨੂੰ ਕਹਿਣ ਦਿਉ
ਜੋ ਕਰੇਗਾ ਆਪੇ ਹੀ ਭਰੇਗਾ ਤੁਸੀ ਨਾ ਨਿਰਾਸ਼ ਹੋਣਾ
ਕੀਤੇ ਦੀ ਮਿਲੂਗੀ ਸਜ਼ਾ ਤਾਂ ਉਹਨੂੂੰ ਹੀ ਸਹਿਣ ਦਿਉ
ਬਿਨਾ ਸੋਚਿਆਂ ਬਿਨਾ ਸੱਮਝਿਆਂ ਜੋ ਕਰਦਾ ਗਲਤੀ
ਨਤੀਜਾ ਉਸ ਦਾ ਭੁਗਤੇ ਗਾ ਆਪੇ ਭੁਗਤ ਲੈਣ ਦਿਉ
ਚੰਗੇ ਕੰਮਾਂ ਦਾ ਸਦਾ ਹੀ ਜੋ ਕਰੇ ਉਹਨੂੰ ਫੱਲ ਮਿਲਦਾ
ਖੋਟੀ ਨੀਤ ਵਾਲਿਆਂ ਨੂੰ ਹੀ ਉਹਦਾ ਫੱਲ ਸਹਿਣ ਦਿਉ
ਜੋ ਰੱਖਦੇ ਦਿਲਾਂ ਵਿਚ ਮੈਲ ਇਤਬਾਰ ਅਪਣਾ ਖੋਹ ਲੈੰਦੇ
ਲਾਗੇ ਨਾ ਕੋਈ ਲੱਗੇ ਏਦਾਂ ਉਸ ਨੂੰ ਹੋਣ ਬੇਚੈਣ ਦਿਉ
ਜਿਹੜਾ ਉਸ ਪਾਲਣਹਾਰ ਤੋਂ ਹਮੇਸ਼ਾਂ ਹੀ ਰਹੇ ਡਰਦਾ
"ਥਿੰਦ"ਉਸ ਨੂੰ ਹਮੇਸ਼ਾਂ ਹੀ ਪ੍ਰਭੂ ਦਾ ਨਾਓਂ ਕਹਿਣ ਦਿਉ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
ਗ਼ਜ਼ਲ 96
ਬੀਤੇ ਸਮੇਂ ਦੀਆਂ ਖੇਡਾਂ ਹੁਣ ਤਾਂ ਬਦਲ ਗਈਆਂ ਨੇ
ਨਾ ਖਿਦੋ ਖੂੰਢੀ,ਨਾ ਕੋਟਲਾ ਛਿਪਾਕੀ ਖੇਡਾਂ ਰਹੀਆਂ ਨੇ
ਨਾ ਲੁਕਨ ਮੀਚੀ ਨਾ ਭੰਡਾਂ ਭੰਡਾਰੀਆ ਨਾ ਹੀ ਬਾਤਾਂ
ਨਾ ਜੱਟ ਬ੍ਰਾਹਮਣ ਨਾ ਛੂਹਨਾਂ ਨਾ ਐਵੇਂ ਖਹੀਆਂ ਨੇ
ਭੁਲੇ ਸਾਰੇ ਨਿਜ਼ਾਰੇ ਰਾਤੀਂ ਬੈਠ ਨਾ ਗਣਿਨ ਸਤਾਰੇ
ਕਿਥੇ ਇਕੱਠਿਆਂ ਕਸੀ ਵਿਚ ਨਹਾਉਨਾ ਸਹੀਆਂ ਨੇ
ਹੁਣ ਤਾਂ ਭੁਲ ਭਲਾ ਗਈਆਂ ਸੱਭੇ ਬੀਤੇ ਦੀਆਂ ਖੇਡਾਂ
ਨਵੀਆਂ ਖੇਡਾਂ ਹੀ ਹੁਣ ਸਾਇੰਸ ਨੇ ਕੱਢ ਲੈਈਆਂ ਨੇ
ਅੱਖਾਂ ਤੇ ਐਨਿਕਾਂ ਅਤੇ ਹਥਾਂ ਵਿਚ ਮੋਬਾਈਲ ਦਿਸਣ
ਹਰ ਵੇਲੇ ਸੁਨਣ ਮੋਬਾਈਲ ਇਹੋ ਗਲਾਂ ਰਹੀਆਂ ਨੇ
ਜਾਂ ਖੋਲ ਕੰਮਪੂਊਟਰ ਮਿਤਰਾਂ ਨਾਲ ਗਲਾਂ ਕਰਦੇ
ਏਨੇ ਮੱਗਣ ਹੁੰਦੇ ਨਾ ਸੁਨਣਦੇ ਕੀ ਗਲਾਂ ਕਹੀਆਂ ਨੇ
ਇਹ ਵੀ ਜ਼ਮਾਨਾ ਆਊਣਾਂ ਸੀ ਤੇ ਮਣ ਭਾਊਣਾਂ ਸੀ
"ਥਿੰਦ"ਚੱਲ ਜ਼ਮਾਨੇ ਨਾਲ ਭੁਲ ਹੁਣ ਜੋ ਕਹੀਆਂ ਨੇ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
ਗੂੰਜਾਂ ਅੱਜ ਵੀ ਗੂੰਜਣ ਸਾਡੇ ਬਚਪਨ ਦੇ ਪਿਆਰ ਦੀਆਂ
ਸੁਪਨਿਆਂ ਵਿਚ ਸਤਾਉਣ ਯਾਦਾਂ ਪਹਿਲੀ ਹਾਰ ਦੀਆਂ
ਜਤਨ ਬੜੇ ਕੀਤੇ ਕਿਸੇ ਤਰ੍ਹਾਂ ਇਹ ਦਰਦ ਭੁੱਲ ਜਾਈਏ
ਪੈੜਾਂ ਅੱਜ ਵੀ ਸੀਨੇ ਰੜਕਣ ਜਿਵੇਂ ਜਾਂਦੀ ਬਹਾਰ ਦੀਆਂ
ਮੁਦਤਾਂ ਹੋਈਆਂ ਨੇ ਕੇ ਹੁਣ ਸਾਰੀਆਂ ਭੁਲਾਂ ਦੱਬ ਦਈਏ
ਯਾਦਾਂ ਉਕਰੀਆਂ ਜੋ ਰੋਮ ਰੋਮ ਵਿਚ ਨਾੜੀ ਪਾੜ ਦੀਆਂ
ਸੋਚਾਂ ਦੇ ਦਰਵਾਜ਼ੇ ਬੰਦ ਨਾ ਹੋਵਣ ਜਿਨੇ ਮਰਜ਼ੀ ਕਰੀਏ
ਕਈ ਸੋਚਾਂ ਮਿਠੀਆਂ ਲਗਣ ਕਈ ਜੀਦੇ ਜੀ ਮਾਰਦੀਆਂ
ਕਈਆਂ ਦਾ ਏ ਭਾਰ ਏਨਾ ਕਿ ਝਲਿਆਂ ਝੱਲ ਨਹੀਂ ਹੁੰਦਾ
ਉਠ ਉਠ ਬਹਿੰਦੇ ਰਾਤਾਂ ਨੂੰ ਏਦਾਂ ਨੀਦਾਂ ਵਿਗਾੜਦੀਆਂ
ਕੋਈ ਲੱਭ ਲਵੋ ਹਬੀਬ ਜੋ ਦਸੇ ਪਕਾ ਇਸ ਦਾ ਇਲਾਜ
ਪੁੂਜਾ ਕਰੋ ਉਹਨਾਂ ਹਸਤੀਆਂ ਦੀ ਜੋ ਜੂੂਨਾ ਸੰਵਾਰਦੀਆਂ
ਪ੍ਰਭੂ ਭਗਤੀ ਵਿਚ ਲੀਨ ਹੋ ਕੇ ਅਪਣਾ ਧਿਆਨ ਧਰ ਲਉ
"ਥਿੰਦ"ਏਦਾਂ ਹੁੰਦੀਆਂ ਨੇ ਦੂੂਰ ਸੱਭੇ ਸੋਚਾਂ ਸੰਸਾਰ ਦੀਆਂ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
(ਕਵਤਾ) ਮਾਂ 94
ਮਾਂ ਹੁੰਦੀ ਏ ਮਾਂ, ਮਾਂ ਜਿਹਾ ਹੋਰ ਕੋਈ ਨਾ
ਮਾਂ ਗੋਦੀ ਲੈਕੇ ਲਾਡ ਲਡਾਉਦੀ ਸੀ
ਉੰਗਲੀ ਫੜ ਤੁਰਨਾ ਸਖਾਉਦੀ ਸੀ
ਆਪ ਗਿੱਲੇ ਪੈਕੇ, ਸੁਕੀ ਥਾਂ ਸਲਾਉਦੀ ਸੀ
ਵਾਰੀ ਜਾਂਦੀ ਸੀ ਤੇ ਮੂੰਹੋਂ ਕੱਢ ਖਲਾਉਦੀਂ ਸੀ
ਇਸ ਜਿਹਾਣ 'ਚ ਮਾਂ ਜਿਹਾ ਨਾ ਕੋਈ
ਆਪ ਠਰਦੀ ਪਰ ਸਾਨੂੰ ਦੇਂਦੀ ਲੋਈ
ਇਹਦਾ ਦੇਣ ਨਾ ਕੋਈ ਦੇ ਸਕਦਾ
ਇਹਨੂੰ ਮੁਲ ਨਾ ਕੋਈ ਲੈ ਸਕਦਾ
ਰੱਬ ਨੇ ਇਹ ਇਕ ਅਨੋਖੀ ਚੀਜ਼ ਬਨਾਈ
ਇਹੋ ਜਿਹਾ ਜਹਾਨ ਦੇ ਵਿਚ ਨਾ ਕੋਈ
ਇਹ ਪੁਤਾਂ ਧੀਆਂ ਤੋਂ ਵਾਰੀ ਜਾਂਦੀ
ਬਦਲੇ ਵਿਚ ਕੁਝ ਨਹੀਂ ਚਾਹੁੰਦੀ
ਬੇ-ਗਰਜ਼ ਹੋਕੇ ਪਾਲਦੀ ਸਾਨੂੰ
ਬੁਰੀਆਂ ਬਲਾਂਵਾਂ ਤੋਂ ਬਚਾਉਦੀ ਸਾਨੂੰ
ਮਾਂ ਹੁੰਦੀ ਹੈ ਮਾਂ, ਮਾਂ ਹੁੰਦੀ ਹੈ ਮਾਂ
ਮਾਂ ਜਿਹਾ ਕੋਈ ਨਾਂ
ਮਾਂ ਜਦੋਂ ਸਿਤਾਰਾ ਬਣ ਕੇ ਚਮਕੇ
"ਥਿੰਦ" ਮਾਂ ਨਾਂ ਲੱਭਦੀ ਮੁੜਕੇ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
ਮੁਰਗਾਬੀਆਂ ਵੀ ਆ ਗਈਆਂ ਪਰ ਤੂੰ ਨਾ ਆਇਆ ਸੱਜਣਾ
ਕੀਤੇ ਜੋ ਇਕਰਾਰ ਭੁੱਲ ਗਿਉਂ ਸਾਨੂੰ ਨਿਤ ਰਵਾਇਆ ਸੱਜਣਾ
ਬੜਾ ਔਖਾ ਹੋਇਆ ਉਡੀਕਣਾ ਅਤੇ ਸਹਿਣ ਹੁੰਦੇ ਨਾ ਵਿਛੋੜੇ
ਬਰੂਹਾਂ ਵੱਲ ਰਹਿੰਦੇ ਤਕਦੇ ਤੂੰ ਨਾ ਕੁੰਡਾ ਖੜਕਾਇਆ ਸੱਜਣਾ
ਭਾਗ ਚੰਗੇ ਨੇ ਉਹਨਾਂ ਦੇ ਵਿਹੜੇ ਜਿਨ੍ਹਾਂ ਦੇ ਰਹਿਣ ਨਿਤ ਰੌਣਕਾਂ
ਮੁਦਤਾਂ ਹੋਈਆਂ ਵੇਖ ਲੈ ਜਦੋਂ ਤੂੰ ਮਸਾਂ ਫੇਰਾ ਪਾਇਆ ਸੱਜਣਾ
ਜੇ ਇਸ ਤਰ੍ਹਾਂ ਤੇਰੇ ਨਾਲ ਹੋਵੇ ਡੌਰ ਭੌਰਿਆ ਹੋ ਕੇ ਡਿਗ ਪਵੇਂ
ਫਿਰ ਵੀ ਜੀ ਰਹੇ ਹਾਂ ਪਰ ਤੂੰ ਕਦੀ ਤਰਸ ਨਾ ਖਾਇਆ ਸੱਜਣਾ
ਸੱਚੇ ਦਿਲੋਂ ਅਸੀਂ ਅਰਦਾਸ ਕਰਦੇ ਕਿ ਤੂੰ ਸਦਾ ਖੁਸ਼ ਰਹੇਂ
ਵੇਖ ਲੈ ਤੂੰ ਤਾਂ ਸਾਨੂੰ ਅੱਜ ਤੱਕ ਹੈ ਬਹੁਤ ਤਪਾਇਆ ਸੱਜਣਾ
ਅਜ ਤੱਕ ਯਾਦ ਹੈ ਕਿ ਤੂੰ ਮੈਨੂੰ ਸੱਚੇ ਦਿਲੋਂ ਸੀ ਲਾਡ ਕਰਦਾ
"ਥਿੰਦ" ਕਿਵੇਂ ਭੁੱਲਾਂ ਮੈਨੂੰ ਘਰ ਦੀ, ਰਾਣੀ ਬਣਾਇਆ ਸੱਜਣਾ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
(ਸਿਡਨੀ)
ਗ਼ਜ਼ਲ 92
ਬੀਤ ਗਿਆ ਜੋ ਵੇਲਾ ਮੁੜ ਕੇ ਨਾ ਆਵੇ ਭਲਕੇ
ਰੋਕ ਕੋਈ ਨਾ ਸਕਦਾ ਚਲਦੇ ਸਮੇਂ ਦੀ ਰਾਹ ਨੂੰ
ਲੰਘ ਗਿਆ ਜੋ ਪਾਣੀ ਮੁੜ ਨਾ ਆਉਂਦਾ ਚਲ ਕੇ
ਸਾਂਭ ਸਾਂਭ ਕੇ ਘੁਟ ਕੇ ਰੱਖੀਂ ਜੋ ਹੈ ਹੱਥ ਵਿਚ ਤੇਰੇ
ਸਾਥੀ ਸਾਥ ਜੋ ਛੱਡ ਜਾਂਦਾ ਤਾਰਾ ਬਣ ਕੇ ਚਮਕੇ
ਮਨ ਵਿਚ ਜੇ ਨਾ ਹੋਵੇ ਉਸ ਸਚੇ ਪ੍ਰਭੂ ਦੀ ਭਗਤੀ
ਖੋਟ ਨਾ ਜਾਂਦੀ ਦਿਲ ਦੇ ਵਿਚੋਂ ਧੋਵੋ ਭਾਵੇਂ ਮੱਲ ਕੇ
ਪ੍ਰੇਮ ਪਿਆਰ ਦੀ ਮਾਲਾ ਫੜ ਕੇ ਕਰੋ ਤਪੱਸਿਆ
ਵਾਰੇ ਨਿਆਰੇ ਹੋਸਣ ਹਰ ਮੂੰਹ ਤੇ ਲਾਲ਼ੀ ਡਲ੍ਹਕੇ
"ਥਿੰਦ'ਮਨ ਵਿਚ ਤੇਰੇ ਜੋ ਹੈਗਾ ਵੰਡ ਦੇਹ ਤੂੰ ਸਾਰਾ
ਰੰਗ ਕਰਤੇ ਦੇ ਵੇਖੀਂ ਜਦ ਚਮਕ ਅੱਖਾਂ 'ਚ ਛਲਕੇ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )