ਗ਼ਜ਼ਲ 97
ਬਹੁਤ ਹੋਇਆ ਏ ਤਮਾਸ਼ਾ ਬੱਸ ਹੁਣ ਰਹਿਣ ਦਿਉ
ਜੋ ਕੁਛ ਵੀ ਕਹਿੰਦਾ ਜੇ ਕੋਈ ਉਹਨੂੰ ਕਹਿਣ ਦਿਉ
ਜੋ ਕਰੇਗਾ ਆਪੇ ਹੀ ਭਰੇਗਾ ਤੁਸੀ ਨਾ ਨਿਰਾਸ਼ ਹੋਣਾ
ਕੀਤੇ ਦੀ ਮਿਲੂਗੀ ਸਜ਼ਾ ਤਾਂ ਉਹਨੂੂੰ ਹੀ ਸਹਿਣ ਦਿਉ
ਬਿਨਾ ਸੋਚਿਆਂ ਬਿਨਾ ਸੱਮਝਿਆਂ ਜੋ ਕਰਦਾ ਗਲਤੀ
ਨਤੀਜਾ ਉਸ ਦਾ ਭੁਗਤੇ ਗਾ ਆਪੇ ਭੁਗਤ ਲੈਣ ਦਿਉ
ਚੰਗੇ ਕੰਮਾਂ ਦਾ ਸਦਾ ਹੀ ਜੋ ਕਰੇ ਉਹਨੂੰ ਫੱਲ ਮਿਲਦਾ
ਖੋਟੀ ਨੀਤ ਵਾਲਿਆਂ ਨੂੰ ਹੀ ਉਹਦਾ ਫੱਲ ਸਹਿਣ ਦਿਉ
ਜੋ ਰੱਖਦੇ ਦਿਲਾਂ ਵਿਚ ਮੈਲ ਇਤਬਾਰ ਅਪਣਾ ਖੋਹ ਲੈੰਦੇ
ਲਾਗੇ ਨਾ ਕੋਈ ਲੱਗੇ ਏਦਾਂ ਉਸ ਨੂੰ ਹੋਣ ਬੇਚੈਣ ਦਿਉ
ਜਿਹੜਾ ਉਸ ਪਾਲਣਹਾਰ ਤੋਂ ਹਮੇਸ਼ਾਂ ਹੀ ਰਹੇ ਡਰਦਾ
"ਥਿੰਦ"ਉਸ ਨੂੰ ਹਮੇਸ਼ਾਂ ਹੀ ਪ੍ਰਭੂ ਦਾ ਨਾਓਂ ਕਹਿਣ ਦਿਉ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ