ਸਾਧਾਂ ਦੇ ਡੇਰੇ

    (1)                                                                                                                                                            R
ਸਕੂਲ ਘੱਟ
ਡੇਰੇ, ਸਾਧ, ਬਥੇਰੇ
ਸਾਰੇ ਲੁਟੇਰੇ

    (2)
ਜਨਤਾ ਭੋਲ੍ਹੀ
ਹਥੀਂ ਚੜ੍ਹਦੀ ਸੌਖੀ
ਭੀੜਾਂ ਹੀ ਭੀੜਾਂ

   (3)
ਕੋਈ ਬਹੁੜੇ
ਮਜ਼ਲੂਮਾਂ ਖਾਤਰ
ਖੂਨ ਬਹਾਵੇ

   (4)
ਉਠੂ ਸੂਰਮਾਂ
ਗੋਬਿੰਦ ਸਿੰਘ ਜਿਹਾ
ਆਪਾ ਵਾਰਨ

ਜੋਗਿੰਦਰ ਸਿੰਘ  ਥਿੰਦ
               ( ਸਿਡਨੀ)

ਉੱਧਮ

ਸੋਚਾਂ ਨਾ ਕਰ
ਰੱਬ ਤੇ ਸੁਟ ਡੋਰੀ
ਭਲੀ ਕਰੇਗਾ ਓਹੀ
ਪੈਰ ਤਾਂ ਪੁਟ
ਮੰਜ਼ਲ ਉਡੀਕਦੀ
ਕਈ ਰੱਲਣਗੇ ਆ

ਜੋਗਿੰਦਰ ਸਿੰਘ ਥਿੰਦ
         ( ਸਿ਼ਡਨੀ )

ਆਖਰ ਕਿਓਂ

       (1)
ਅੱਖਾਂ ਦਾ ਤਾਰਾ
ਮਸਾਂ ਪਲਿਆ,  ਟੁਟਾ
ਆਖਰ ਕਿਓਂ
       (2)
ਸਿਰ ਤੋਂ ਪੱਲੂ
ਅਚਨਚੇਤ ਲੱਥਾ
ਆਖਰ ਕਿਓਂ
      (3)
ਘੰਢਾਰਾ ਖੁਸਾ
ਮਾਸੂਮ ਫੁਲਾਂ ਹਥੋਂ
ਆਖਰ ਕਿਓਂ
       (4)
ਬੇਬੱਸ ਆਂਸੂਂ
ਹੌਕੇ ਬੁਲਾਂ ਤੇ ਰੁਕੇ
ਆਖਰ ਕਿਓਂ

      (4)
ਤੈਥੋਂ ਹਾਂ ਬਾਗੀ
ਤੜਥੱਲ ਮਚਾਈ
ਆਖਰ ਕਿਓਂ

ਜੋਗਿੰਦਰ ਸਿੰਘ  ਥਿੰਦ
             ( ਸਿਡਨੀ)


 

ਮਨ ਮੰਦਰ

ਕੁਝ ਦਿਨ ਪਹਿਲਾਂ ਬਾਰਸ਼ਾਂ ਕਾਰਨ ਪਹਾੜਾਂ ਤੇ ਵਗਦੇ ਨਾਲਿਆਂ ਵਿਚ ਹੱੜ ਆ ਗਏ ਤੇ ਯਾਤਰਾ ਕਰਦੇ ਯਾਤਰੂ ਹੜਾਂ ਵਿਚ ਫਸ ਕੇ ਮੌਤ ਦੇ ਮੂੰਹ ਵਿੱਚ ਚਲੇ ਗਏ । ਹਾਇਕੁ ਕਲਮ ਇਓਂ  ਬੋਲ ਪਈ।


1-

ਢਿੱਗਾਂ ਡਿੱਗੀਆਂ                                 
ਰੁੜ੍ਹ ਗਏ ਬਹੁਤੇ
 ਚੱਲੇ ਤੈਰਨ । 

2-

ਉਦਾਸ ਬੈਠੇ 
ਅੱਥਰੂ ਵੱਗ ਸੁੱਕੇ 
ਬੇਬੱਸ ਲੋਕ ।

3-
ਪਹਾੜੀਂ ਦੌੜੇ
ਮਨ ਮੰਦਰ ਛੱਡ
ਖੱਟਿਆ ਏ ਕੀ ।

ਜੋਗਿੰਦਰ ਸਿੰਘ ਥਿੰਦ
    ( ਸਿਡਨੀ) 

ਸੋਚਾਂ ਦੀ ਭੀੜ

1
                                                                                     ਅੜੇ ਅੱਖਰ
ਲਿਖ ਕੁਝ ਨਾ ਹੋਵੇ
ਲੇਖ ਨੇ ਖਾਲੀ

2
ਬੂਹੇ 'ਤੇ ਝੌਲਾ
ਠੋਡੀ ਉਗੂ਼ਠੇ ਉਤੇ
ਸੋਚਾਂ ਦੀ ਭੀੜ

3
 ਚੱਲਦੀ ਹਵਾ
ਨਿਰਮੋਹੀ ਬੂਹਾ ਢੋ
ਲੰਬੂ ਲਾਇਆ

ਜੋਗਿੰਦਰ ਸਿੰਘ  ਥਿੰਦ
  (ਸਿਡਨੀ)

ਲੰਬੀ ਉਡੀਕ

 

1.                                                                                             
ਖੂਹ ਦੀ ਲੱਜ                                                                                      
ਮਹਿੰਦੀ-ਹੱਥ ਭੌਣੀ
ਲੰਬੀ ਕਹਾਣੀ । 
2.

ਮਟਕੇ ਪਾਣੀ
ਵੱਜੇ ਝਾਂਜਰ ਚੂੜਾ
ਯਾਦ ਸਤਾਵੇ ।
3.

ਜਾ ਦੱਸ ਕਾਵਾਂ
ਚੂਰੀ ਕੁੱਟ ਕੇ ਪਾਵਾਂ
ਲਾਮ ਤੋਂ ਆ ਜਾ ।

ਜੋਗਿੰਦਰ ਸਿੰਘ  ਥਿੰਦ
( ਅੰਮ੍ਰਿਤਸਰ ---ਸਿਡਨੀ)