ਰੱਬ ਦੇ ਰੰਗ

                                                                                                                                                             R
     (1)
ਕਿਤੇ ਤਾਂ ਭੁਝੇ
ਐਵੇਂ ਉਗਦੇ ਮੋਠ
ਤੇ ਚੋਪੜੀਆੰ
ਵੇਖੋ ਰੱਬ ਦੇ ਰੰਗ
ਕਿਤੇ ਭੁਝਦੀ ਭੰਗ

    (2)
ਨੀਂਦ ਨਾਂ ਆਵੇ
ਮੱਖਮਲੀ ਪਲੰਗਾਂ
ਚੁਭਣ ਰੋੜ
ਕੋਈ ਰੋੜੀ ਤੇ ਸੁਤਾ
ਬਾਂਹ ਸਰਾਨੇ,ਥੱਕਾ

      (3                                                                                                                                                
ਕਿਤੇ ਤਾਂ ਸੋਕੇ
ਕਿਤੇ ਆ ਜਲਥੱਲ
ਟੁਟੇ ਨੇ ਬਣ੍ਹ
ਰੁੜੀਆਂ ਨੇ ਫਸਲਾਂ
ਨਾਂਕਾਮ ਨੇ ਅੱਕਲਾਂ

      (4)
ਕੱਢੀ ਗੋਗੜ
ਗੱਡੀਆਂ ਅੱਗੇ ਪਿੱਛੇ
ਸਾਹਿ ਨੇ ਔਖੇ
ਕਈ, ਪੈਂਡਾ ਕਰਨ
ਟੁਟੀ ਜੁਤੀ ਜਰਨ

       (5)
ਤੇਰਾ ਜੋ ਭਾਣਾ
ਸਾਨੂੰ ਮਿਠਾ ਲੱਗਦਾ
ਰੁੱਖੀ ਜਾਂ ਸੁੱਕੀ
ਕਈ, ਸੌ ਪੱਕਵਾਨ 
ਔਖੇ ਹੋ ਹੋ ਕੇ ਖਾਣ

ਜੋਗਿੰਦਰ ਸਿੰਘ ਥਿੰਦ
  ( ਸਿਡਨੀ--ਅੰਮ੍ਰਿਤਸਰ )