ਕਣਕ ਪੱਕੀ
ਨਾੜ ਭੇਂ, ਵੱਟੇ ਬੇੜ
ਚਾਦਰੇ ਲਾਹਿ
ਦਾਤਰੀਆਂ ਚਲੀਆਂ
ਬੰਨ੍ਹ ਭਰੀਆਂ
ਚੁਕ, ਲਾਏ ਖਲਵਾੜ
ਫਲ੍ਹੇ ਪਾ, ਗਾਹੀ
ਗੋਲ ਧੱੜਾਂ ਲਾਈਆਂ
ਰਾਖੀ ਵੀ ਕੀਤੀ
ਤੰਗਲੀ ਨਾਲ ਉਡਾ
ਕੱਢੇ ਨੇ ਦਾਣੇ
ਬੋਰੀਆਂ ਭਰ ਭਰ
ਲੱਦ ਗਡਿਆਂ
ਮੰਡੀ ਢੇਰ ਲਗਾਏੇ
ਵੱਟਕੇ ਪੈਸੇ
ਸ਼ਾਹਿ ਦੇ ਪਲੇ ਪਾਏ
ਹੱਥ ਨਾ ਆਏ
ਤੂੜੀ ਕੀਤੀ ਵੱਖਰੀ
ਨਾੜ, ਬੇੜ, ਲੈ
ਤੂੜੀ ਦੇ ਮੂਸਲ ਲਾ
ਕੀਤਾ ਪ੍ਰਬੰਦ ਪੂਰਾ।
ਇੰਜੀ ਜਗੀੰਦਰ ਸਿੰਘ ਥਿੰਦ
(ਅੰਮ੍ਰਿਤਸਰ--ਸਿਡਨੀ)
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ