ਗਜ਼ਲ
ਮੇਰੇ ਜਖਮਾਂ ਨੂੰ ਛੋਹਿ ਛੋਹਿ,ਵੇਖਣ ਦੀ ਕੀ ਲੋੜ ਏ
ਸਾਰੀ ਉਮਰ ਅਜ਼਼ਮਾਇਆ ਪਰਖਣ ਦੀ ਕੀ ਲੋੜ ਏ
ਬਰੂਹਾਂ 'ਚ ਖਲੋ ਖਲੋ ਕੇ,ਉਡੀਕਦੇ ਸੀ ਜਿਹੜੇ
ਜੱਦ ਪਰਾਏ ਹੋ ਹੀ ਗੈਅ ਤਾਂ ਭੜਕਣ ਦੀ ਕੀ ਲੋੜ ਏ
ਜਦੋਂ ਰਾਂਜ਼ ਖੁਲ ਹੀ ਗੈਅ , ਮੁਹੱਬਤਾ ਦੇ ਬੈਹਿਕਾਂ 'ਚ
ਫਿਰ ਚੋਰੀ ਚੋਰੀ ਬੁਲਾਂ ਨੂੰ,ਫੜਕਣ ਦੀ ਕੀ ਲੋੜ ਏ
ਪਰਵਾਨੇ ਨੂੰ ਪਤਾ ਏ ਕਿ, ਮਰਨਾ ਏ ਆਖਰ ਸੜਕੇ
ਠੱਲ ਜਾ ਤੁਫਾਨਾਂ'ਚ ਹੁਣ,ਜਰਕਣ ਦੀ ਕੀ ਲੋੜ ਏ
ਫੁਲਾਂ ਦਾ ਕੀ ਏ ਇਹ ਤਾਂ,ਘੜੀ ਪੱਲ ਦੇ ਪਰੌਹਿਣੇ
ਬਦਨਾਮ ਹੁੰਦੇ ਕੰਡਿਆਂ ਨੂੰ ਰੱੜਕਣ ਦੀ ਕੀ ਲੋੜ ਏ
ਜੋ ਆਉੰਦੇ ਨੇ ਖਾਬਾਂ 'ਚ,ਕਦੀ ਤਾਂ ਪਰਤਣਗੇ ਓਹਿ
"ਥਿੰਦ"ਤੈਨੂੰ ਖਾਹਿ ਮਖਾਹਿ,ਭੱੜਕਣ ਦੀ ਕੀ ਲੋੜ ਏ
ਇੰਜ:ਜੋਗਿੰਦਰ ਸਿੰਘ "ਥਿੰਦ"
(ਸਿਡਨੀ)
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ