ਗਜ਼ਲ
ਸ਼ੁਕਰਾਨਾ ਰੱਬ ਦਾ ਸਦਾ ਕਰਦਾ ,ਵੇਹਿਲੇ ਬਹਿ ਤੈਨੂੰ ਬਣਾਇਆ ਏ
ਚੰਦ ਚਾਨਣੀ ਤੋਂ ਚੱਮਕ ਲੈਕੇ, ਸੱਜਰੀ ਸਵੇਰ ਨੂੰ ਮੁਖ ਤੇ ਲਾਇਆ ਏ
ਬੁਲਬੁਲੇ ਫੜ ਬਣਾ ਝਾਂਝਰ ਡਿਗਦੇ ਝਰਨਿਆਂ ਦਾ ਸੰਗੀਤ ਭਰਿਆ
ਝਾਂਝਰ ਸ਼ੌਕ ਸ਼ੰਗਾਰ ਦੀ ਪਾ ਪੈਰੀਂ, ਦਿਲ ਦਰਯਾ ਹਯਾ ਦਾ ਪਾਇਆ ਏ
ਸੱਤ ਸਮੁੰਦਰਾਂ ਨੂੰ ਰਿੜਕ ਰਿੜਕ ਕੇ, ਅੱਜਬ ਤਰਾਂ ਦੇ ਅੱਰਕ ਕੱਢੇ
ਤੇਜ ਸੂਰਜ ਦਾ ਪਾ ਗੁਣ੍ਹ ਮਿਟੀ, ਕਿਸ ਜੁਗਤ ਦੇ ਨਾਲ ਲਿਪਾਇਆ ਏ
ਰੱਘ ਰੱਘ ਵਿਚ ਵੱਗੇ ਸ਼ਰਬੱਤ, ਨੈਨਾਂ ਵਿਚ ਅਜ਼ੀਬ ਏ ਚਮੱਕ ਦਿਸਦੀ
ਬੱਦੋ ਬੱਦੀ ਦੰਦਾ ਚੋਂ ਕਿਰਨ ਹਾਸੇ, ਕੱਦੀ ਕੁੰਡਲਾਂ ਮੁਖ ਛਪਾਇਆ ਏ
ਮੱਸਤੀਆਂ ਨਾਲ ਘਾੜਾ ਘੜ ਕੇ, ਵੇਖੇ ਆਪ ਹੀ ਅੱਪਣੀ ਕਿਰਤ ਤਾਈਂ
"ਥਿੰਦ" ਕਿਓਂ ਨਾਂ ਕੁਰਬਾਨ ਜਾਵੇ, ਜਿਨੂੰ ਰੱਬ ਵੀ ਵੇਖ ਸ਼ਰਮਾਇਆ ਏ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
(ਸਿਡਨੀ)
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ