ਗਜ਼਼ਲ
ਕਦੋਂ ਤੱਕ ਤੈਨੂੰ ਮੇਂ ਖਾਬਾਂ 'ਚ ਰੱਖਾਂ
ਕਦੋਂ ਤੱਕ ਤੈਂਨੂੰ ਖਿਆਲਾਂ 'ਚ ਰੱਖਾਂ

ਅਥਰੂ ਵੀ ਹੁਣ ਮੁਕ ਗੈਏ ਨੇ ਸਾਰੇ
ਕਦੋਂ ਤੱਕ ਪੀੜਾਂ ਹਸਾਬਾਂ 'ਚ ਰੱਖਾਂ    

ਯਾਦਾਂ ਨੂੰ ਬੜਾ ਚਿਰ ਸਾਂਭ ਰੱਖਿਆ
ਕਦੋਂ ਤੱਕ ਮਹਿਕਾਂ ਗੁਲਾਬਾਂ 'ਚ ਰੱਖਾਂ

ਜਦੋਂ ਵਾਜ ਮਾਰੇਂ ਝੱਟ ਉਡ ਆਵਾਂ
ਕਦੋਂ ਤੱਕ ਪੈਰ ਰਕਾਬਾਂ 'ਚ ਰੱਖਾਂ

ਵਾਹਿਦਾ ਸੀ ਮੇਰਾ ਤੇਰੇ ਮੁਖ ਲੱਗੂੰ
ਕੱਦੋਂ ਤੱਕ ਅੱਖਾਂ ਨਿਕਾਬਾਂ 'ਚ ਰੱਖਾਂ

ਖਾਹਿਸ਼ਾਂ ਭਰੀ ਜੋ ਤੇਰੀ ਨਿਸ਼ਾਨੀ
ਕਦੋਂ ਤੱਕ ਸਾਂਭ ਕਤਾਬਾਂ 'ਚ ਰੱਖਾਂ

"ਥਿੰਦ"ਹੁਣ ਤਾਂ ਸਮਾਂ ਲੰਗ ਚਲਿਆ
ਕਦੋਂ ਤੱਕ ਤੈਨੂੰ ਮੈਂ ਭਾਗਾਂ 'ਚ ਰੱਖਾਂ
    ਈੰਜ: ਜੋਗਿੰਦਰ ਸਿੰਘ "ਥਿੰਦ"
                       (ਸਿਡਨੀ)