ਗਜ਼ਲ
ਏਥੇ ਇਸ਼ਕ 'ਚਿ ਡੁਬੇ ਸਾਰੇ ਇਹ ਤਾਂ ਆਸ਼ਕਾਂ ਦਾ ਡੇਰਾ
ਹਰ ਰਾਤ ਏ ਇਸ਼ਕਾਂ ਭਿਨੀ ਨਾਲ ਇਸ਼ਕਾਂ ਚੜੇ ਸਵੇਰਾ

ਵਰਦਾਨ ਇਸ਼ਕ ਦਾ ਏਥੇ ਪੂਜਾ ਸਦਾ ਇਸ਼ਕ ਦੀ ਹੁੰਦੀ
ਹੱਟ ਇਸ਼ਕ ਦੀ ਲੱਗੀ ਤੇ ਲੋਕਾਂ ਲੁਟਿਆ ਇਸ਼ਕ ਬਥੇਰਾ

ਕਈ ਅਣਜਾਨ ਬਣੇ ਆਸ਼ਕ ਕਈ ਆਸ਼ਕ ਮੁੱਢ ਕਦੀਮੀ
ਰਲ ਮਿਲ ਖਿਚੜੀ ਪੱਕੀ ਆਸ਼ਕ ਭੁਲ ਗੲੈ ਤੇਰਾ ਮੇਰਾ

ਕਹਿੰਦੇ ਇਸ਼ਕ ਤੇ ਮੁਸ਼ਕ ਛੁਪਾਏ ਵੀ ਕਦੀ ਨਹੀਂ ਛੁਪਦੇ
ਜਦੋਂ ਮਹਿਕਾਂ ਇਸ਼ਕ ਦੀਆਂ ਉਠਣ ਭਰਦਾ ਚਾਰ ਚੁਫੇਰਾ

ਮੈਂ ਇਸ਼ਕ ਨੂੰ ਛੱਡਨਾ ਚਾਹਿਵਾਂ ਤਾਂ ਇਸ਼ਕ ਨਾ ਛੱਡੇ ਮੈਨੂੰ
ਜਿਥੇ ਇਸ਼ਕ ਕਮਾਇਆ ਏਨਾ"ਥਿੰਦ"'ਹੋਰ ਕਰ ਲੈ ਜੇਰਾ

                             ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                                     (ਸਿਡਨੀ)