ਗਜ਼ਲ
ਦੀਪ ਜਲੇ ਤੇ ਚਾਨਣ ਹੋਇਆ ਦਿਲ ਜਲੇ ਕੁਝ ਹੋਇਆ ਨਾਂ
ਮੋਮ ਜਲੀ ਤ੍ਰਿਪ ਤ੍ਰਿਪ ਚੋਵੇ ਦਿਲ ਦਾ ਜਲਿਆ ਰੋਇਆ ਨਾ

ਮੁਦਤਾਂ ਤੀਕਰ ਸਿਪੀ ਅੰਦਰ ਵਿਚ ਉਡੀਕਾਂ ਬੰਦ ਰਹੇ ਸਾਂ
ਹੱਥ ਆਏ ਤਾਂ ਤੁਸਾਂ ਉਦੋਂ ਸਾਨੂੰ ਅਪਣੀ ਲੜੀ ਪਰੋਇਆ ਨਾ

ਰੀਝ ਜਿਨ੍ਹਾਂ ਦੇ ਦਰਸ਼ਨ ਦੀ ਵੇਖੋ ਪਲੇ ਬਨ੍ਹ ਬਨ੍ਹ ਰੱਖੀ ਸੀ
ਮੇਰੇ ਦਰ ਤੇ ਆਇਆ ਵੀ ਉਹ ਦੋ ਪੱਲ ਕੋਲ ਖਿਲੋਇਆ ਨਾ

ਉਮਰ ਬਤਾਈ ਐਬਾਂ ਅੰਦਰ ਹੁਣ ਤਾਂ ਬੰਦੇ ਕੁਝ ਕਰ ਲੈ ਤੂੰ
ਮੌਕੇ ਤੈਨੂੰ ਬਹੁਤ ਮਿਲੇ ਸੀ ਪਾਪ ਅਪਣਾ ਕੋਈ ਵੀ ਧੋਆ ਨਾ

ਅਲ੍ਹੇ ਜ਼ਖੱਮ ਤੇ ਚੀਸਾਂ ਸਹੀਆਂ ਦਿਲ 'ਚਿ ਰੱਖੇ ਦਰਦ ਦੱਬਾ
ਲਾਗੇ ਰਹਿ ਕੇ ਉਹ ਚਲੇ ਗੲੈ ਤੂੁੰ ਅਸਲੋਂ ਉਹਨੂੰ ਟੋਹਿਆ ਨਾ

ਅਸੀਂ ਤਾਂ ਕਾਫੀ ਉਮੀਦਾਂ ਲੈਕੇ ਬੜੀ ਦੂਰੋਂ ਚੱਲਕੇ ਆਏ ਸੀ
"ਥਿੰਦ"ਤਾਂ ਏਨਾ ਕੱਚਾ ਨਹੀ ਮੇਰੀ ਜ਼ੁਲਫਾਂ ਵੀ ਮੋਹਿਆ ਨਾ

                                  ਇੰਜ: ਜੋਗੰਦਰ ਸਿੰਘ "ਥਿੰਦ"
                                                         (ਸਿਡਨੀ)