ਗਜ਼ਲ
ਤੁਸਾਂ ਵਰਗਾ ਰੱਬ ਨੇ ਹੋਰ ਬਣਾਇਆ ਨਹੀ ਹੋਣਾ
ਵਿਹਲੇ ਬਹਿਕੇ ਏਦਾਂ ਕੋਈ ਸਜਾਇਆ ਨਹੀ ਹੋਣਾ

ਰੋਜ਼ ਆਉਂਦਾ ਏ ਇਕ ਅਜੀਬ ਜਿਹਾ ਹੀ ਸੁਪਨਾ
ਅਜੇ ਤੱਕ ਤਾਂ ਉਹਨੇ ਮੈਨੁੂੰ ਭੁਲਾਇਆ ਨਹੀਂ ਹੋਣਾ

ਏਨਾਂ ਗਹਿਰਾ ਸੀ ਉਸ ਦਿਨ ਮੁਲਾਕਾਤ ਦਾ ਨੱਸ਼ਾ
ਅੱਜ ਤੱਕ ਉਹਨੂੰ ਵੇਖਣਾ ਹੋਸ਼ ਆਇਆ ਨਹੀ ਹੋਣਾ

ਰੋੰਦਾ ਨਹੀ ਜਿਹੜਾ ਅਪਣੀ ਪਲਕਾਂ ਭਰ ਭਰ ਕੇ
ਝੂਠਾ ਏ ਕਦੀ ਉਹਨੇ ਜ਼ੱਖਮ ਖਾਇਆ ਨਹੀਂ ਹੋਣਾ

ਜੋ ਆਸਮਾਂਨਾ ਵੱਲ ਹੀ ਸਦਾ ਰੱਖਦੇ ਰਹੇ ਨਜ਼ਰ
ਮਾਂ ਦੀ ਗੋਦ ਵਿਚੋਂ ਕਦੀ ਕੁਝ ਪਾਇਆ ਨਹੀ ਹੋਣਾ

"ਥਿੰਦ" ਕਦੀ ਕਰ ਨਾ ਗਿਲਾ ਉਹਦੀ ਬੇਰੁਖੀ ਤੇ
ਉਸ ਤਾਂ ਅੱਜ ਤੱਕ ਤੈਨੂੰ ਅੱਜ਼਼ਮਾਇਆ ਨਹੀਂ ਹੋਣਾ

                    ਇੰਜ: ਜੋਗਿੰਦਰ ਸਿੰਘ "ਥਿੰਦ"
                                         (ਸਿਡਨੀ)