ਗਜ਼਼ਲ 40
ਦਿਲ ਵਿਚ ਤੇਰੇ ਰੱਬ ਵਸਦਾ ਜਿਨੂੰ ਪੂਜਦਾ ਰਹਿਨਾ ਏਂ
ਲੂੰ ਲੂੰ ਵਿਚ ਉਹ ਤਾਂ ਵਸਦਾ ਬਾਹਰ ਢੂੰਢਦਾ ਰਹਿਨਾ ਏਂ
ਤੇਰੇ ਪਿਆਰੇ ਦੇ ਵੀ ਦਿਲ ਦੇ ਅੰਦਰ ਉਹੀ ਰੱਬ ਵਸਦਾ
ਏਸੇ ਲਈ ਅਪਣੇ ਪਿਆਰੇ ਸਜਨ ਨੂੰ ਪੂਜਦਾ ਰਹਿਦਾ ਏਂ
ਉਹ ਨਹੀ ਦਿਸਦਾ ਪਰ ਮਹਿਸੂਸ ਤਾਂ ਹਰ ਵੇਲੇ ਹੁੰਦਾ ਹੈ
ਜੇ ਕੋਈ ਨਫਰਤ ਕਰਦਾ ਤਾਂ ਉਹਨੂੰ ਘੂਰਦਾ ਰਹਿਨਾਂ ਏਂ
ਚਨੰ ਤਾਰਿਆਂ ਤੋਂ ਉਤਰ ਹੇਠਾ ਆ ਏਥੇ ਵੇਖ ਤਾਂ ਸਹੀ
ਪਿਆਰੇ ਨੂੰ ਹਰ ਵੇਲੇ ਕਹਿੰਦਾ ਚਨੰ ਦੂਜ ਦਾ ਰਹਿਦਾਏਂ
ਹੀਲੇ ਵੀਲੇ ਬੜੇ ਤੁਸਾਂ ਨੇ ਦਿਨ ਰਾਤ ਹਰ ਥਾਂ ਏ ਕੀਤੇ
ਪਰ ਥਾਂ ਥਾਂ ਜਾਕੇ ਐਵੇਂ ਹਰ ਵੇਲੇ ਝੂਰਦਾ ਰਹਿੰਨਾਂ ਏਂ
ਇਹ ਤਾਂ ਏਦਾਂ ਲਗੇ ਮੈਨੂੰ ਕਿਤੇ ਡੂੰਗੀ ਥਾਂ ਤੇ ਛੁਪਿਆ
ਏਸੇ ਲਈ ਤਾਂ ਪਿਆਰੇ ਦੇ ਦਿਲ 'ਚ ਝੂਲਦਾ ਰਹਿਨਾਂ ਏ
ਨੇਕੀ ਕਰ ਲੈ ਅਜੇ ਹੈ ਵੇਲਾ ਵੇਖੀਂ ਕਿਤੇ ਖੁੰਝ ਨਾ ਜਾਈਂਰ
"ਥਿੰਦ"ਐਵੇਂ ਹਰ ਵੇਲੇ ਕਿਓਂ ਬੇਕਾਰ ਝੂਰਦਾ ਰਹਿਨਾਂ ਏਂ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ)
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ