ਵਿਸਾਖੀ 46
ਮਨੁਖਤਾ ਦੇ ਫਰਿਸ਼ਤੇ ਕਹਾਵਣ ਵਾਲਉ
ਸ਼ਰਾਫਤ ਦੇ ਇਹ ਮਖੌਟੇ ਪਾਵਣ ਵਾਲਉ
ਢੁਕਦੀ ਨਹੀ ਅੱਜ ਦਾਸਤਾਂ ਫਿਆਦ ਦੀ
ਕਸੀ ਹੋਈ ਤਲਵਾਰ ਹਰ ਥਾਂ ਸਯਾਦ ਦੀ
ਆਏਗਾ ਕੋਈ ਸੂਰਮਾਂ ਮਜ਼ਲੂਮਾਂ ਦੇ ਵਾਸਤੇ
ਡੋਲੇਗਾ ਖੂਨ ਅਪਣਾ ਅਸੂਲਾਂ ਦੇ ਵਾਸਤੇ
ਕੱਚ ਤੇ ਸੱਚ ਦੀ ਖਿਚੜੀ ਪਕਾਵਣ ਵਾਲਉ
ਮਨੁਖਤਾ ਦੇ ਫਰਿਸ਼ਤੇ ਕਹਾਵਣ ਵਾਲਊ
ਕਲਮਾਂ ਤੋਂ ਫਿਰ ਭਾਂਬੜ ਮੱਚਣਗੇ
ਇਨਸਾਫ ਤਲਵਾਰਾਂ ਤੇ ਨਚਣਗੇ
ਜਾਲਮ ਦਾ ਜ਼ੁਲਮ ਮਿਟਾਇਆ ਜਾਏਗਾ
ਸਫੈਦ ਪੋਸ਼ੀ ਦਾ ਪੜਦਾ ਹਟਾਇਆ ਜਾਏਗਾ
ਜਖਮਾਂ ਤੇ ਲੂਣ ਛਿੜਕਾਵਣ ਵਾਲਉ
ਮਨੁਖਤਾ ਦੇ ਫਰਿਸ਼ਤੇ ਕਹਾਵਣ ਵਾਲਿਉ
ਫਿਰ ਕੱਲਗੀ ਲਗਾਕੇ ਆਇਗਾ
ਸੁਤੀ ਕੌਮ ਨੂੰ ਆਕੇ ਜਗਾਇਗਾ
ਸਵਾ ਲੱਖ ਨਾਲ ਇਕ ਲੜਾਏਗਾ
ਚਿੜੀਆਂ ਤੋਂ ਬਾਜ਼ ਤੜਵਾਇਗਾ
ਕਿਥੇ ਜਾਊਗੇ ਜ਼ੁਲਮ ਕਮਾਵਣ ਵਾਲਉ
ਮਨੁਖਤਾ ਦੇ ਫਰਿਸ਼ਤੇ ਕਹਾਵਣ ਵਾਲਉ
ਅੱਜ ਦੇ ਦਿਨ ਇਕ ਨਰਾਲੀ ਕੌਮ ਬਨਾਇਗਾ
ਅਪਣੇ ਹੱਥ ਨਾਲ ਆਪ ਅਮਿ੍ਤ ਛਕਾਇਗਾ
ਓਹਨਾਂ ਤੋਂ ਆਪ ਛੱਕ ਆਪ ਚੇਲਾ ਕਹਾਇਗਾ
"ਆਪੇ ਗੁਰੂ ਆਪੇ ਚੇਲਾ' ਨਵੀਂ ਰੀਤ ਚਲਾਇਗ਼ਾ
ਮਨੁਖਤਾ ਦੇ ਫਰਿਸ਼ਤੇ ਕਹਾਵਣ ਵਾਲਉ
ਸ਼ਰਾਫਿਤ ਦੇ ਮਖੌਟੇ ਪਾਵਨ ਵਾਲਿਊ
ਅੱਜ ਫਿਰ ਓਹੀ ਨੌਬਤ ਹੈ ਆ ਗਈ
ਉਚੀ ਕੁਰਸੀ ਹੈ ਸ਼ਰਾਫਤ ਖਾ ਗਈ
ਮੁਨਖਤਾ ਦੀ ਕਦਰ ਬਾਕੀ ਨਾ ਰਹੀ
ਸ਼ਰਾਫਤ ਦੀ ਚਾਦਰ ਬਾਕੀ ਨਾ ਰਹੀ
ਪਾਪਾਂ ਦੀ ਟੋਕਰੀ ਉਠਾਵਣ ਵਾਲਿਉ
ਗਰੀਬਾਂ ਤੇ ਜ਼ਲਮ ਕਮਾਵਣ ਵਾਲਉ
ਸ਼ਰਾਫਤ ਦੇ ਮਖੌਟੇ ਪਾਵਣ ਵਾਲਉ
ਢੁਕਦੀ ਨਹੀਂ ਅੱਜ ਦਾਸਤਾਂ ਫਰਹਾਦ ਦੀ
ਕਸੀ ਹੋਈ ਤਲਵਾਰ ਹਰ ਥਾਂ ਸਯਾਦ ਦੀ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ