ਗਜ਼ਲ---------51
ਚੰਦ ਤਾਰਿਆਂ ਦਾ ਅਜੇ ਭੇਤ ਲੱਭ ਰਹੇ ਨੇ
ਇਥੋਂ ਦਾ ਤੇ ਓਥੋਂ ਦਾ ਫਰਕ ਕੱਡ ਰਹੇ ਨੇ
ਅਜੇ ਤੱਕ ਕੁਝ ਗਿਆਨ ਲੱਭਿਆ ਨਹੀਂ
ਸਾਂਇੰਸਦਾਂ ਤਾਂ ਯਤਨ ਕਰ ਸੱਭ ਰਹੇ ਨੇ
ਆਓਂਦੇ ਜਾਂਦੇ ਕਈ ਨੇ ਜਾਨਾਂ ਗਈਆਂ
ਅਰਬਾਂ ਖਰਬਾਂ ਇਸ ਕੰਮ ਲੱਗ ਰਹੇ ਨੇ
ਇਹ ਧਰਤੀ ਤਾਂ ਹੁਣ ਹੋ ਗਈ ਪਲੀਤ
ਦੂਸਰੀ ਧਰਤੀ ਤੇ ਨਜ਼ਰਾਂ ਗੱਡ ਰਹੇ ਨੇ
ਕਈਆਂ ਨੇ ਚੰਨ ਤੇ ਧਰਤੀ ਲੈਈ ਖਰੀਦ
ਕਿਉਂ ਮੂਰਖ ਲੋਕੀ ਕੱਬਰਾਂ ਲੱਭ ਰਹੇ ਨੇ
ਅਪਣੀ ਮਿਟੀ ਚੁੰਮ ਚੁੰਮ ਮੱਥੇ ਨੂੰ ਲਾਈਏ
'ਥਿੰਦ'ਮੂਰਖ ਖਿਆਲੀ ਦਾਨੇ ਚੱਬ ਰਹੇ ਨੇ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ)
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ