ਗ਼ਜ਼ਲ 91
ਕਿੰਨਾ ਬਦਲ ਗਿਆ ਹੁਣ ਇਹ ਜ਼ਮਾਨਾ
ਪਿੰਡ ਵਿਚ ਕੋਈ ਸੀ ਨਾ ਲਭਦਾ ਬੇਗਾਨਾ
ਮਿਲ ਜੁਲ ਕੇ ਰਹਿੰਦੇ ਸੀ ਪਿੰਡ ਦੇ ਸਾਰੇ
ਰਲ ਮੁਨਾਂਦੇ ਖੁਸ਼ੀਆਂ ਨਚਨਾ ਤੇ ਗਾਣਾ
ਹਰ ਘਰ ਦੀ ਗਮੀ ਮਿਲ ਸਾਰੇ ਵੰਡਾਉਦੇ
ਮੰਗਣੀ ਤੇ ਵਿਆਹਾਂ ਵਿਚ ਸਭ ਨੇ ਜਾਣਾ
ਘਰ ਦੀਆਂ ਕਣਕਾਂ ,ਗੁੜ ਸ਼ੱਕਰ ਘਰ ਦਾ
ਭੁੰਨ ਛੱਲੀਆਂ ਨੂੰ ਨਾਲ ਸਵਾਦਾਂ ਦੇ ਖਾਣਾ
ਪਿੰਡ ਦੇ ਝਗੜੇ ਸਾਰੇ ਇਕੱਠੇ ਹੋ ਸੁਲਝਾਉਂਦੇ
ਨਾ ਕਿਸੇ ਠਾਣੇ ਜਾਣਾ ਨਾ ਕਦੀ ਬੁਲਾਉਣਾ
ਹੁਣ ਤਾਂ ਏਨਾ ਬਦਲ ਗਿਆ ਏ ਸਭ ਕੁਝ
"ਥਿੰਦ"ਲੱਭ ਕਿਤੇ ਆਪਣਾ ਉਹ ਦੋਸਤਾਨਾ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ