ਗ਼ਜ਼ਲ 4/4
ਅੱਜ ਤੇਰੇ ਪਿਛੇ ਸਜਨਾਂ ਅਸੀਂ ਸੂਲੀ ਚੜ੍ਹ ਜਾਣਾ
ਮੂੰਹ ਉਗਲਾਂ ਪਾਣਗੇ ਜਿਨਾਂ ਨੇ ਵੇਖਣ ਆਣਾ
ਕੁਰਬਾਨੀ ਸਾਡੀ ਚਿਰਾਂ ਤੱਕ ਯਾਦ ਕਰਨਗੇ
ਕੋੜੇ ਮਾਰਨਗੇ ਆਪਣੇ ਜਦੋਂ ਉਨਾਂ ਗੁੱਸਾ ਖਾਣਾ
ਮਹਿਫਲਾਂ ਵਿਚ ਕਹਾਣੀਆਂ ਲੋਕੀ ਪੜਣਗੇ
ਏਦਾਂ ਹਾੜੇ ਪਾ ਪਾ ਉਹਨਾਂ ਸੱਭ ਨੂੰ ਹੈ ਰਵਾਣਾਂ
ਸੱਚੇ ਮਾਰਗ ਚੱਲਕੇ ਹੋਏ ਕੁਰਬਾਣ ਨੇ ਜਿਹੜੇ
ਸਦੀਆਂ ਤੱਕ ਯਾਦ ਕਰੂਗਾ ਉਹਨਾਂ ਨੂੰ ਜ਼ਮਾਨਾਂ
ਵੈਰਾਗ ਦਿਲਾਂ ਵਿਚ ਲੈਕੇ ਹਰ ਕੋਈ ਚਲੇਗਾ
ਲੱਖਾਂ ਦੁਆਵਾਂ ਹੋਣਗੀਆਂ ਪਭੂ ਤੇਰਾ ਭਾਣਾਂ
ਕਈ ਪਾਪ ਬੱਖਸ਼ਾਣਗੇ ਹੋ ਹੋ ਗੋਡਿਆਂ ਭਾਰ
ਉਹਨਾਂ ਪੱਤਾ ਏਦਾਂ ਪਾਪਾਂ ਨੇ ਬਖਸ਼ਿਆ ਜਾਣਾ
ਕਈ ਪਾਪ ਬਖਸ਼ਾਣਗੇ ਕਰ ਕਰ ਡੰਡੌਤਾਂ ਤੈਨੂੰ
"ਥਿੰਦ"ਤੂੰ ਵੀ ਲਾਹਾ ਖੱਟ ਲੈ ਬਣਕੇ ਸਿਆਣਾਂ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ