ਗੀਤ 6/4
ਉਹ ਕਿਨਾਂ ਸੁਹਾਣਾ ਵੇਲਾ ਸੀ
ਜੱਦ ਤੇਰਾ ਤੇ ਮੇਰਾ ਮੇਲਾ ਸੀ
ਬਾਹਿਸ਼ਤਾਂ ਦੇ ਝੂਟੇ ਜਦ ਲੈਂਦੇ ਸੀ
ਅੱਖਾਂ ਹੀ ਅਖਾਂ ਰਾਹੀਂ ਕਹਿੰਦੇ ਸੀ
ਪਲੇ ਨਾਂ ਪੈਸਾ ਨਾ ਧੇਲਾ ਸੀ
ਉਹ ਕਿੱਨਾਂ ਸੁਹਾਣਾ ਵੇਲਾ ਸੀ
ਜੱਦ ਤੇਰਾ ਤੇ ਮੇਰਾ ਮੇਲਾ ਸੀ
ਬੱਚਪਨ ਦੀਆਂ ਗਲਾਂ ਕਰਦੇ ਸੀ
ਅਪਣੀਆਂ ਹੀ ਗੱਲਾਂ ਤੇ ਹੱਸਦੇ ਸੀ
ਨਾ ਕੋਈ ਗੁਰੂ ਨਾ ਕੋਈ ਚੇਲਾ ਸੀ
ਉਹ ਕਿਨਾਂ ਸੁਹਾਣਾਂ ਵੇਲਾ ਸੀ
ਜੱਦ ਤੇਰਾ ਤੇ ਮੇਰਾ ਮੇਲਾ ਸੀ
ਜੱਦ ਲੁਕਣ ਮੀਚੀ ਖੇਡੀ ਜਾਂਦੀ ਸੀ
ਵਾਰ ਵਾਰ ਇਕੋ ਦੀ ਵਾਰੀ ਆਂਦੀ ਸੀ
ਉਹ ਵੀ ਸਮਾਂ ਬੜਾ ਅੱਲਬੇਲਾ ਸੀ
ਉਹ ਕਿਨਾਂ ਸੁਹਾਣਾ ਵੇਲਾ ਸੀ
ਜੱਦ ਤੇਰਾ ਤੇ ਮੇਰਾ ਮੇਲਾ ਸੀ
ਜੱਦ ਰੁਸ ਰੁਸ ਐਵੇਂ ਬਹਿ ਜਾਂਦੇ ਸੀ
ਨਿਕੀ ਜਿਹੀ ਗੱਲ ਤੋਂ ਖਹਿ ਜਾਂਦੇ ਸੀ
ਯਾਦ ਕਰੋ ਕਿ ਕਿਹੜਾ ਉਹ ਵੇਲਾ ਸੀ
ਉਹ ਕਿਨਾਂ ਸੁਹਾਣਾਂ ਵੇਲਾ ਸੀ
ਜੱਦ ਤੇਰਾ ਤੇ ਮੇਰਾ ਮੇਲਾ ਸੀ ।
"ਥਿੰਦ" ਆ ਫਿਰ ਤੋਂ ਯਾਦਾਂ ਕਰ ਲੈਈਏ
ਉਸ ਸੁਹਾਣੇ ਮੇਲਾਂ ਨੂੰ ਮੁਠੀ ਭਰ ਲੈਈਏ
ਸਮਾਂ ਸਾਂਭ ਨਾ ਸੱਕੇ, ਬਹੁਤ ਕੁਵੇਲਾ ਸੀ
ਉਹ ਕਿਨਾਂ ਸੁਹਾਣਾ ਵੇਲਾ ਸੀ
ਜੱਦ ਤੇਰਾ ਤੇ ਮੇਰਾ ਮੇਲਾ ਸੀ।
ਇੰਜ; ਜੋਗਿੰਦਰ ਸਿੰਘ "ਤਿੰਦ"
( ਸਿਡਨੀ )
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ