ਤ੍ਰਿੰਝਣ

                  1

           ਕੱਤਣ  ਸੂਤ                

       ਤ੍ਰਿੰਝਣ  'ਚ  ਕੁੜੀਆਂ

            ਪਾਉਣ ਸਾਂਝਾਂ

                   2

            ਦੀਵੇ ਤੇਲ ਪਾ

         ਵੱਟ ਵੱਟ ਬੱਤੀਆਂ

             ਪ੍ਰੇਮ ਤੀਲੀ ਲਾ

                   3

              ਠੱਠੇ ਕਰਨ

        ਕਿੱਕਲੀਆਂ ਮਾਰਨ

            ਪਾ ਲੰਮੇ ਤੰਦ

                    4

               ਰਾਜ਼ ਦਿਲਾਂ ਦੇ

           ਚਾਵੀਂ ਚਾਵੀਂ ਦੱਸਣ

               ਸੁਣ ਹੱਸਣ

                     5

               ਚੂੰਡੀਆਂ ਵੱਢ

           ਪੁੱਠੀਆਂ ਹੋ ਹੋ ਜਾਣ

                ਜਾ ਸ਼ਰਮਾਣ

                     6

                ਚਿਰੀਂ ਵਛੁੰਣੀ

            ਦੱਸੇ ਅੱਖਾਂ ਭਰ ਕੇ

                 ਹਾਲੇ ਹਿਜ਼ਰ

                      7

               ਲੰਘਣ  ਰਾਤਾਂ

            ਚੁੱਭਣ ਤਲਖੀਆਂ
              ਹਿਜ਼ਰਾਂ ਦੀਆਂ

                       8.

                  ਮੁੱਕਦੇ ਜਾਂਦੇ

             ਛਿਕੂ-ਛਿਕੂ ਪੂਣੀਆਂ

                 ਨਾ ਟੁੱਟੇ ਤੰਦ

                      9.

              ਬੀਤੇ ਨਾ ਰਾਤ

            ਨਾ ਹੀ ਮੁੱਕੇ  ਹੁਲਾਸ*

              ਨਾ ਦਿਨ ਚੜ੍ਹੇ 

        ਜੋਗਿੰਦਰ ਸਿੰਘ  ਥਿੰਦ 
                     ( ਅੰਮ੍ਰਿਤਸਰ  ) 

          ਹੁਲਾਸ* =  ਆਪਸੀ ਪਿਆਰ