ਮਹਿਕਾਂ

ਫੁੱਲਾਂ ਵਾਂਗੂ ਖਿੜ ਖਿੜ, ਬੇਗਰਜ਼ ਮਹਿਕ ਖਲਾਰ ਛੱਡੋ ! ਨੇਕੀ ਕਰੋ ਭੁੱਲ ਜਾਵੋ, ਪਿਆਰ ਮਿਨਾਰ ਉਸਾਰ ਛੱਡੋ ! ਓਏ ਦਰਦਾਂ ਵੰਡਾਉਣ ਵਾਲਿਆ ਇੱਕ ਚੀਸ ਤਾਂ ਕਲੇਜੇ ਰਹਿ ਗਈ | ਆਸਾਂ ਦੀ ਲਾਟ 'ਦਿਲ -ਜਲੀ' ਗਮ ਖਾਰ ਬਣ ਅੰਦਰ ਲਹਿ ਗਈ । 'ਥਿੰਦ' ਆਪਣੀ ਹੀ ਅੱਗ ਸੇਕ ਤੂੰ ਭਾਵੇਂ ਭੁੱਬਲ ਹੀ ਬਾਕੀ ਰਹਿ ਗਈ।thindkamboj1939@gmail.com

17 March 2013

ਪੰਜਾਬੀ ਗ਼ਜ਼ਲ

ਜਦੋਂ ਸ਼ਰਾਫ਼ਤ ਦੀ ਇੰਤਹਾ ਹੋ ਗਈ
ਸ਼ਰਾਫ਼ਤ ਵੀ ਇੱਕ ਗੁਨਾਹ ਹੋ ਗਈ

ਦਰਦਾਂ ਦਾ ਹੁਣ ਅਸਰ ਵੀ ਮੁੱਕਿਆ
ਜ਼ਖ਼ਮਾਂ ਨਾਲ ਜਿੰਦ, ਸੁਆਹ ਹੋ ਗਈ

ਬਚਾ ਲਵੋ, ਮਨੁੱਖਤਾ ਦੀ ਲਾਜ ਨੂੰ
ਰੁੱਲੋਗੇ ਥਾਂ ਥਾਂ ਜੇ ਇਹ ਹਵਾ ਹੋ ਗਈ

ਹੰਕਾਰ ਦਾ ਬੀ, ਜੋ ਬੋ ਰਹੇ ਨੇ ਅੱਜ
ਕੀ ਬਣੂ ਜਦ ਦੌਲਤ ਖ਼ਫਾ ਹੋ ਗਈ

'ਥਿੰਦ' ਗੁਲਾਮੀ ਲਾਹਨਤ ਕੌਮ ਲਈ
ਰੁਲੀਆਂ ਬਹੁਤ, ਜਦੋਂ ਖਤਾ ਹੋ ਗਈ

ਜੋਗਿੰਦਰ ਸਿੰਘ "ਥਿੰਦ"
( ਅੰਮ੍ਰਿਤਸਰ )